Mhasidie 2
2
Mhasi Kepfhü Zhakhra Kevi
1A nuo, mhanuü noe a dieko lielie,
mu a diekhakeshüko n nou nu kengu se tuolie üro;
2N nyie kedeipie mhasi rünyülie,
tsiu n melou pie mhacamhala silieketuotsa shülie;
3Ketho zo, mhasimhale mengu di kra zolie,
mu puocapuola silieketuo la chashülie üro;
4no rakachü kepfhü tuoi puo pfhü volie,
mu keviepie kezhü kinyiko kepfhü tuoi puo pfhü volie üro;
5sitse noe Jihova khrüprei do silietuo,
sidi Ukepenuopfü mhasi ngulietuo.
6Kekreilamonyü Jihovae mhasi khashüya;
puo tie nunu kesikele tsiu puocapuola sikelie parya.
7Puoe kemezhümia la mhasi puocüu kengupie ba;
puoe kemezhümia la pezhü zo.
8Ketho chako rüguose baya,
mu puo kepeleko cha pekruse tuoya.
9Sitse noe kemiatho mu kethoca dze,
tsiu ketoukecü siro mha kevi cha pete silietuo;
10mhasi n melou nu lelietuo,
mu mhasi-e n phou la vituo;
11kemenuoe n rüguose balietuo;
mu kesikele thuo n rüguolietuo.
12Süu kesuo chau nunu n yalietuo,
die kerüpfhi kepuko kinu n kelaketuo,
13kemezhü chau khawa di,
kezei nu tuotatuo üketako kinu,
14mha kesuo kechü u nei,
tsiu kerüpfhi zho u neiyakezhako kinu;
15uko chae rüwirüge,
mu ukoe chako nu rütsi.
16Thenu kerüzhüpfü dzie nunu,
puo die vi sekecü pieüpfü ki nunu n kelalieketuo la,
17puo rüü ki ze kelhouu khakewa mu pfhekho dieu rükra moketapfü kinu;
18puo rüli#2:18 Gk: Ibri Ki. kesiatsa vaya,
mu puo chako mhakhrütsa vaya.
19Süpfü ki kevoko miapuorei lalieya mo,
morei süko kerhei chau va lalieya mo.
20Süla kevimia cha nu tuolie,
mu kemiathomia chako zelie.
21Kekreilamonyü kemezhümia kijü nu lhoulietuo
mu kejo kejümia sünu balieya.
22Derei kerüzhümia we kijü nunu kelhiwatuo,
mu mia peseyakezhamia sünunu puo phewatuo.
Currently Selected:
Mhasidie 2: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More