Ibriko 3
3
Jisu Mosa Ki Zhakuokecü
1Süla a siezedzürieko, teigei phreimia chütuo üdi kielieketa kemesa dziesemiako, Jisu, süu u kepele apostel-u mu zievo kezhatho-u dze leshücie, 2Mosae “Ukepenuopfü kiu peteko nu diethokeshü tuoi puo rei puo kedakelieu mhodzünu diethoshü zo.” 3Sishierei ki kechüue kiu ki therhu nyikuokecü tuoi, Jisu rei Mosa ki therhu nyikuote. 4(Kekreilamonyü ki kehoupuorei puo chükeshümia puo nyi, derei mha pete chükeshüu sü Ukepenuopfü zo.) 5Thekemia puo chü di Mosae Ukepenuopfü kiu pete gei diethoshü zo, sidi puoe thiesie pu vorketuoko dze pushü zo. 6Khrista we nuothonuo chü di Ukepenuopfü kiu gei diethoshü, mu we ki süu zo, we u kemerüu geinu ngukelie kethepfu mu mhokuou theze kemetei se tha zolie liro.
Pele Kemoko Pejokeshü
7Süla Kemesa Ruopfüe pukeshü hamhie,
“Thie, nieko puo pfhe silie ro,
8thiedzü puo nei kemo kechü tuoi,
rayha nu sünhie puo dojüketa tuoi,
nie nou reta hiecie,
9nieko puonuoko a dojü,
ukoe a mhathoko nguwata zorei
10teicie hiediako nu.
Süla thephou süu gei a nei mota,
sidi a sie, ‘Uko u melou nu cha vajowa sei tuo zo,
sidi uko a chako silie mote,’ siwa.
11Sidi a bu a nei kemopfü sie rüse zo di ‘A kerülei nu uko bu lelie lhote,’ si zowa.”
12Süla a kezeko, nieko mia puo bu rei pele kemvü thenou kerüzhü nyita di rhei tuoyakezha Ukepenuopfü kinu rüreiketa keprei la menuoliecie. 13Derei kephouma bu nieko miapuorei sewa di thenou reta molieketuo la “Thie” ikeba chie, nieko teisonhie huoniehuo tarho ba zolie. 14Kekreilamonyü, we rei sietsenu si toulieketa kethepfuu theze kemetei se zo tha thelau tsolie liro, u pete rei Khrista ze dziese chüketamia zo. 15Süu pukeshü,
“Thie, nieko puo pfhe silieta ro,
thiedzü puo nei kemo kechü tuoi nie nou reta hiecie,” si.
16Siro puo pfhe silie mu puo nei kemo chüwaketako suomia ga? sükoe Mosa bu krüta chü di Ijipt nunu ze parkeshüko mo üme? 17Derei puo teicie hiedia suomia gei puo nei mo tuo ga? Kephouma chüwa di umo vapie rayha nu shükewako mo üme? 18Siro puo rüse zo di suomia bu puo kerülei nu lelie lhoü pu ga? puo die ze mvüketako zo mo üme? 19Süla we ngukelie ukoe pele kemvü la sünu lelie mota zo.
Currently Selected:
Ibriko 3: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More