Ibriko 2
2
Kelakelie Do Kezha
1Süla we rünyülieketau therhieta molieketuo la u terüchü süu le menuo sakuoshülie zhüte. Sitse sünunu u hepfü tata lho. 2Siro teigeidielieko tie nunu kepar die thuo rei puotou zoü, mu thezho kevarhuo kehoupuorei morei dieze chü kemo kheko rei puo mese tou siazha ngulieya üro, 3we kelakelie do zhapie hathede chükecüu lielie moro, kikidi talietuo ga? Süu Niepuu thuo pu rieshü, mu puo die rünyükelieko süu ketho zo ücü u ki zhapu chüshü, 4sizomonyü Ukepenuopfüe u ngoko tsiu zasiko, siro ungomhatho neiüko chüshü mu Kemesa Ruopfü mhaphruoko kezapie puo medomia tsüshü di zhapuu chü kemetei sashü.
Kelakelie Krüu
5Siro Ukepenuopfüe teigeidielieko bu we kijü kesa puo dze pu tuoyakezhau mho dituoüshü mo. 6Derei mia puoe mharapuo zhapu chükecü,
“Themia ha kedipuo üdi no puo rüli medoya mu?
morei themianuo ha kedipuo üdi no puo dze leya mu?
7Noe puotei huoyo la uko chüpie teigeidielieko ki rünuo zashü;
no zayie mu therhu se puo tsüre chüshüte,
8mha pete pie uko phi khro shüshü.”
Siro mha pete pie uko khro shükewa ki, Ukepenuopfüe, uko khrükhro shü kemo mhapuorei khapie ba sa mote. Sirei we tsie mha peteko puo khrükhro letakecü ngu pfhü moluo, 9derei we Jisu ngukecü puotei huoyo la puo chüpie teigeidielieko ki rünuozawa zorei, Ukepenuopfü ngukemezhie nu puo bu peteko la siashü, di kemezhie di siakeshü la tsie zayie mu therhu pie puo keditsüre chüpfü bate.
10Ukepenuopfü mha pete chükeshüu mu mha pete se kebaue uko kelakelie krüu bu kemezhiekeshü geinu vi tseiütsolie di puo nuonuoko kekra bu puo zayieu nu u ya nyilieketuo chükeshü hau puotou zo. 11Kekreilamonyü chü kemesashüyakezhau mu mesalieketako pete rei uko Puoe puo zo. Süla Jisu süko üse puo siezedzürieko üdi kieketuo mengata mo. 12Sidi sie,
“A siezedzürieko ki n zapie pushütuo,
a kehou kro-u nu n tsheshütuo,”
si. 13Mu la sie,
“A a kepeleu pie puo gei batuo.”
Süsie rei,
“A mu Ukepenuopfü khapie a tsüwaketa nuonuoko haki bawe,” si.
14Süla nuo süko keze themia chüüzie chükepfü tuoi, puo rei puochü puozie chüpfü, sidi puo siakeshü geinu kesia kekuo kenyi terhuokesuou penyüwa, 15sidi kesia prei di süu die chü ketuo pete phreishüwate. 16Puo teigeidieliemia khruohituoü vor monyü, Abraham yiemiako khruohishüketuo la vor. 17Süla puo mha pete nu puo siezedzürieko kemhielie di kedietho mu ngukemezhie se Kepenuopfü lietho kechüu nu uko zievokezhatho-u chü di themia kephouma neiüko ruothoruori chüwate. 18Siro puoe kemezhiekecü nunu puo dojüwaketa la, tsie we puo rei medokephi sekezhako khruohilie vite.
Currently Selected:
Ibriko 2: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More