Salmos 4

Patob o'ntonal ta j'ech'el ma' ta stojol ti Diose

1Ch'ul Dios, c'otemot ta jpojvanejot cu'un un,

tac'bun ti jc'op ti ta jtaot ta c'oponele.

Ti oyun ta vocole, laj avac'bun ti siquet co'ntone,

c'uxubajuc avo'nton ta jtojol un, a'yibun ti jc'opojel jti'inele.

2Ti vo'oxuc ajvaliletic ti jelavem xava'i abaique,

¿bu to ora ta xavicta abaic ta scontrainel ti c'usi lec ta jpase?

¿bu to ora ta xloc' x'ayan ta avo'ntonic ta yictael ta snopel ti c'usi mu'yuc stuq'uile,

ti naca yesomal jolile?

3Na'o ava'iic lec, ti Diose, lec ta xil ti vinic ti jun yo'nton ta stojole;

na'ic lec, ta xa'ibun jc'opojel ti Dios c'alal ta jta ta c'oponele.

4Xi'anic un, mu xavepajesic ta sa'el ti amulique.#Ef 4.26.

Ts'ijlanic ti c'alal puch'uloxuc xae,

tuc'ulano ava'iic c'u s'elan oy ti ajol avo'ntonique.

5Yutsiluc slequiluc avo'ntonic, aq'uic ti milbil matanale,

junuc avo'ntonic ta stojol ti Diose.

6Yepal ti xi ta xalique: “¿Buch'u xa ono'ox un ta xac' quiltic ta stael ti mu'yuc c'usi xal ti o'ntonale?”

Lecuc xaviluncutic ta aba ta asat un, Dios.

7Vo'ot laj atic' ta co'nton ti ech'em ximuyubaje,

mu sta xmuyubajic ti buch'utic yepal ti c'usitic xloc' x'ayan yu'unique.

8Jun co'nton ta jpuch'an jba, ta jech yepal ta x'och ti jvayele,

yu'un ti Vo'ot une, Dios, avac'oj smuc'ul co'nton ti cuxulun ta banomile.#Sal 3.5; Pr 3.24.

Currently Selected:

Salmos 4: TZC00

Highlight

Copy

Want to have your highlights saved across all your devices? Sign up or sign in

Popular Bible Verses from
Salmos 4