Salmos 3
3
C'opojel ti'inel ta stojol Dios sventa ta xich' c'anel ti coltaele#2 S 15.13—17.22.
1Cajval, ep ta j'ech'el ti jcontrae,
ep ta j'ech'el ti svoloj sbaic ta scontrainelune.
2Ep ta j'ech'el ti xi ta xalic ta jtojole:
“Mu xa ono'ox xpojat yu'un ma' ti Dios une.”
3Ja'uc ti vo'ote, Dios,
c'otemot ta jmacobbail, ta jpojobbail,
ta cutsil jlequilal, ta xcha'ac'bel yip ti co'ntone.
4Xi'avavet no'ox ta sc'anbel pojel ti Diose,
ta xch'ul muc' ta vits to un, laj stac'bun talel ti jc'ope.
5Ta jpuch'an jba, ta xivay xtoc un, ta xijulav,
yu'un yicojun sjapojun ti Diose.#Sal 4.8; Pr 3.24.
6Mu xbat jch'ulel ta xi'el yu'un ti epal soldadoetic ti chapalic ta xistsaquicun ta c'ope.
7Va'lan tec'lan, Cajval.
Pojun un, Cajval Dios.
Majbo sat ti jcontrataque,
c'asbo stanal yeic ti jchopol jol o'ntonetique.
8Vo'ot no'ox ti jpojvanejote, Cajval Dios,
va'ano aba un cha'e ta stojol ti ateclumale.
Currently Selected:
Salmos 3: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000