Oseas 14
14
Ti Osease ta sc'an vocol ti ac'o xcha'ac' sba ta ventainel yu'un Dios ti Israele
1Israel, cha'ac'o aba ta ventainel yu'un ti Ajvalil Dios avu'une, yu'un layal xa ta lum ta scoj ti amule. 2Xiuc c'otel ti ave ati'ic ta c'opojel c'alal ta xasutic batel ta stojol ti Diose: “Ch'aybuncutic scotol ti jmul jcolo'cutique. Tsacbun, ich'buncutic ta yutsil avo'nton ti xilequil-c'opojcutic xa talel ta atojole.#Is 55.6-7. 3Ti jteclum Asiriae mu xa xu' yu'un xispojuncutic. Ja' jech xtoc mi ja'uc xu' ta jpat co'ntoncutic ti ja' ta xicolcutic ti oy jca'cutique. Ti c'usi meltsanbil no'ox yu'un ti coc jc'obcutique, laj ta alel ti ‘diosot’, xcutcutique jech c'u cha'al ‘Diosot Ajvalilot cu'uncutic’, ti xichicutic ta atojol ti bu ta staic xc'uxubinel ti me'un mu'nate.”
Ti Diose ta xal ta jamal ti ta sjelbe xcuxlejal ti Israele
4Xi ta xal ti Diose:
“Ta jtubbe yip ti toyobbaile.
Ta xalecubic cu'un, ac'o mi mu xa xac'ot o ti ta xavich' c'uxubinele.
Mu ono'ox xatuch' ta co'nton, yu'un lamaj xa ti sc'ac'al co'nton ta atojolique.#Jer 30.15-17.
5Co'ol s'elan sts'ujulal job ac'ubal ta xic'ot ta stojol ti Israele.
Jech ti stuque, ts'o'ol no'ox liquel ta nich jech c'u cha'al ti te'tical nichime.
Jech ti yibeltaque, j'ech'el ts'unul lec jech c'u cha'al yibel ti te'etic ta vits Libanoe.
6Ta slim sba batel ti sc'ob-c'obtaque,
ti c'upil sba ta j'ech'el jech c'u cha'al sc'ob-c'obtac ti olivo te'e,
ti xjiq'uet no'ox smuil jech c'u cha'al ti ch'ut te' ti oy ta vits Libanoe.
7Ja' yu'un un, ti Israele, yan to velta ta xcomic ta yolon jq'ueoval caxinal.
Va'i un, lec ta xch'iic jech c'u cha'al ti trigoe.
Ts'o'ol no'ox liquel ta nich jech c'u cha'al ti uvae.
Ta xlic pucuc sc'oplal jech c'u cha'al ti vino ti ta xmeltsaj ta Libanoe.
8Xi ta xlic yal ti Efraine: ‘¿C'usi xa jventa ti va'anbil diosetique?’
Yu'un ti vu'une jbainoj ta xchabiel ta yac'bel ti c'usi ta xtun yu'un ti jteclume.
Yu'un ti vu'une jech c'otemun jech c'u cha'al ti jpets toj ti yaxc'utan no'oxe.
Yu'un tey ta staic ta jtojol ti oy ta ye ta sti'ic scotol ti jteclumale.”
Stsutseb ti lo'il a'yeje
9Ti buch'u sna' xich' sba ta c'ac'ale, ti buch'utic oy sbijile, ac'o me ya'iic lec ti xi s'elan ti c'ope: Ti bu ta xac' ta tamel batel ti Diose, lec tuc' scotol. Jech ti buch'utic oy stuq'uil ti snopobil yu'unique, ta stamic batel. Yan ti jchopol joletique ta sbosi yacan xchi'uquic.#Sal 1.6; Pr 4.7-12,18-19.
Currently Selected:
Oseas 14: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000