JONAH 2
2
Jonah Thlacamnak
1Cun Jonah nih nga pawpi chung cun
Bawipa a Pathian sinah
thla a cam i,
2“Ka harnak chungin maw Bawipa kan
auh i na ka leh;
Sheol paw chungin bawmhnak
hal awkah ka au i ka aunak cu
na ka theihpiak.
3A thuknak hmun, rili tawne
ah khan na ka hlonh i
ti nih khan a ka kulh dih,
Na tilet ṭhawngṭhawng hna cu
ka cungin an kal.
4Na mit hmuhnak khan hlonh ka si
cang i na biakinn thiang cu
zeitikhmanh ah ka hmu ti lai lo,
tiah ka ruah.
5Ti nih cun a ka phum i ka hrom
a ka phih,
Rili nih cun a ka khuh dih cikcek i
rili chung belh nih ka lu an ka zelh.
6Tlang hna kehram hrimhrim kha
ka vung phan,
A kutka aa hrenh zungzalmi ram kha
ka vung phan;
Sihmanhsehlaw Maw Bawipa,
ka Pathian,
a thukmi hmun chung khan
nangmah nih na ka chuah.
7Ka nunnak kha a dih riahmah cang
ti kha ka hngalh tikah,
Maw Bawipa, nangmah cu kan hngalh
ṭhan i ka thlacamnak cu na sinah
na biakinn thiang chungah khan
a phan ṭhan.
8Santlailo siasal a biami hna nih cun
nangmah sin i zumhawktlak in
um kha an ngol,
9Sihmanhsehlaw kei nih cun nangmah
thangṭhatnak kha hla in ka sak lai i
Nangmah sinah raithawinak
kan pekchanh lai i
Ka tuah lai, tiah bia kaa kammi kha
ka tuah lai.
Teinak cu Bawipa ta a si,” tiah a ti.
10Cun Bawipa nih nga sinah cun bia a chim i nga nih cun Jonah cu tikam ah a luak.
Currently Selected:
JONAH 2: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006