Joel 3
3
Pathian in Minamte Thukhen tu
1 Topa in,
“Tua hun in Judah le Jerusalem
puuapha in nopsakna ka pia kik tu hi.
2Minam theampo ka khawmtua tu a,
Thukhenna Kuam ah ka paipui tu hi.
Ka mite tung a, a vawt na sa theampo huvau in
tua munah amate thu ka khen tu hi.
Amate in Israel te ngamdang ah thethaang in,
ka Israel ngam khentham uh hi.
3Amate in a ngalmatte akua teng in nga tu ziam ci in,
nuangtang lawnin khensat uh hi.
Amate in pumpi zuakte a thapna le sapittui leina in,
patangno le numeinote salin zuak uh hi.
4“Tyre, Sidon le Philistia ngamkhente theampo awng, kei, bang hong law nuam nu ziam? Bang khat po hangin hong thuk kik nuamin hanciam nu ziam? Tuabang nong hi uh le keima in manlang takin kong thuk kik tu hi! 5Note in ka ngunn ka khamh te la in, ka sumngum manphate na biakinnte uh ah na pua uh hi. 6Judah le Jerusalem mite sia amate ngam pan a khuala mamana ah paipui in Greek te tungah na zuak uh hi. 7Tu in amate na zuakna munte pan ka pui kik tu hi. Amate tung na vawt uh bangin note tungah kong vawt tu hi. 8Na tapate le na tanute Judah mite tungah ka zuaksak tu a; amate in a khualana Sabean te tungah zuaksawn tu hi. Keima Topa in ka ci zo hi. #Is 14:29-31; 23:1-18; Jer 47:1-7; Eze 26:1—28:26; Amo 1:6-10; Zep 2:4-7; Zec 9:1-4; Mt 11:21-22; Lk 10:13-14
9“Minamte sungah hi thu thangsak vun:
‘Ngalsim tu in kithoai vun;
na ngalhangte sam vun;
na ngalkapte khawm vun a, kuan vun!
10Na lo thawna thikzumte seak vun a,
namsau suaksak vun,
na thingno attanna namte tei sua vun.
A thazawmte ngawngawn in ngalsim hamtang tu uh hi. #Is 2:4; Mic 4:3
11Manlang in hong pai tavun,
no, kiim le paam a om minamte awng,
a kuam sungah kikhawm tavun,’ ci vun,” ci hi.
Topa awng, amate sim tu in,
na ngalkaphonpite puak suk in!
12“Minamte kithoai in,
Thukhenna Kuam ah hong pai kul tu hi.
Tua munah kiim le paam minamte theampo tungah
thukhen tu in keima, Topa ka to tu hi.
13Amate seksol mama hi;
anlaak hun lai ankungte saattan bangin amate saattan vun;
sapitngate a tuisuukna sung dimin
a tui let dong a kingoaitham bangin
amate sucip vun,” ci hi. #Tpl 14:14-16; Tpl 14:19-20; 19:15
14A tul a tulin Thukhenna Kuam sungah om uh hi.
Tua munah Topa ii ni hong theng pal tu hi.
15Ni le tha zing a,
aksite taang nawn ngawl hi.
Pathian in A mite Thupha Pia tu
16Zion mual pan Topa hawk hi;
Jerusalem pan a aw vanto bangin nging a;
van le lei liing hi.
Ahihang ama in a mite sungsia tu hi. #Amo 1:2
17“Tuasia ciang Israel awng, keima in
Topa na Pathian ka hi hunlam nong he tu uh hi.
Ka mual thiangtho Zion tungah ka teang hi.
Jerusalem sia khuapi thiangtho khat hi tu a;
ngamdangte in tuasia zothal kik ngeingawl tu uh hi.
18Tua hun ciang mualpite sia sapithuan taw kidim tu a,
mualno sim ah khuihon kimu tu hi;
Judah ngamsung lui theampo atu in tui tam mama om tu hi.
Topa Biakinnpi panin lui khat luang tu a,
tua lui in Acacia Kuam tui pia tu hi.
19“Egypt ngam sia sennealngam khat suak tu a,
Edom kisia in dui suak tu hi.
Banghang ziam cile amate in
Judah ngam simin mawbaang
ngawl, a mite thatlum uh hi.
20-21A kithatte ii phu ka lam tu hi;
a mawte ka thasua buatu hi.
Ahihang Judah le Jerusalem te ah
a tawntungin mihing teang tu hi,
tuaciang Zion Mualtung ah keima Topa ka teang tu hi,” ci hi.
Currently Selected:
Joel 3: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016