1 Kumpite Thupatna
Thupatna
Kumpite Thubu Khatna sia Israel te ii kumpi taw ki ukna taanghthu patna Samuel thubute taw a kizom to ahi hi. Tua thubu sia khen thum in kikhen thei hi: (1) A pa David thina thu le Solomon ii Israel le Judah te ii kumpipa a suana thu. (2) Solomon ii ngamukna le a nasep zawna thute. A tuanin a teptee huai thu pan Jerusalem a Biakinnpi a sakna thu. (3) Ngam buppi sia saksang kumpingam le thangsang kumpi ngam ci in a kikhenna, tuaciang Christ Pianma kum zalom kua (9 B.C.) kimkhen hun dong tua ngamuk kumpite ii taanghthu teng kikhumna hi.
Kumpite khatna le niina te sungah ngamuk khat sim ii Pathian tungah a thumaanna taw kizui in thu kikhen a, hi thumaanna tungah minam ii zawna a omna thute kimu hi. Milim biakna le thu nit ngawlna te in tuasiatna sung then hi. Kumpi ngam saksang ah kumpi a seam theampo in hi ze etna sia lel siat hi, tuaciang Judah kumpipate ii thu a kitepteena sungah tua zawna le lelna a kihel in om hi.
Kumpite Thubu khatna sungah a kician sia Topa ii kamsaangte hi a, Pathian atu in a pau ngam tua kamsaang thinliante in mihingte ii milim bia ngawlin Pathian thu a nit natu pau uh hi. Hite sungah a kician tuam sia Elijah le Baal thiampite taw ama ii kidemna taanghthu ahi hi. (18)
A kihel Thulute
David ii kumpi in a maan hun a tawpna 1:1—2:12
Solomon sia kumpipa suak 2:13-46
Solomon ii kumpi in a maan hun 3:1—11:43
a. A kipattuung kumte 3:1—4:34
b. Biakinnpi kisa 5:1—8:66
c. A khak sang kumte 9:1—11:43
A kikhentham kumpi ngam 12:1—22:53
a. Saksang minamte ii leedona 12:1—14:20
b. Judah le Israel te ii kumpipate 14:21—16:34
c. Kamsaangpa Elijah 17:1—19:21
d. Israel kumpipa Ahab 20:1—22:40
e. Judah ah Jehoshaphat le Israel ah Ahaziah 22:41-53
Currently Selected:
1 Kumpite Thupatna: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016