Salmos 1
1
SALMO 1
U YÁAX JAATZ
U jaajil qui' óol
1Qui' u yóol le máac ma' tu béeycuntic u tzol xiquinloolob máaco'ob,
mix xan cu bin tu paach aj kebano'ob,
mix tu múuch' cutal yéetel máaxo'ob cu p'a'astico'ob Yuum Ku,
2ba'ale' u yaabilaje' ti' u dzaamaj ti' u ya'almaj t'aan Yuumtzile',
cu dzáic xan ti' tuucul bul kiin, yéetel bul áakab.
3Le máax beetic beyo', u cuxtale' bey jun cúul che'
paka'an tu jáal tu'ux cu yáalcab ja',
cu dzáic u yich tu kiinil,
ma'atech xan cu kankantal u le'ob.
¡Tuláacal ba'ax cu beetique' cu jóokol utzil ti'!
4Ma' bey u yúuchul ti' j loolob máaco'obo',
tumen leti'obe' beyo'ob sojol cu bisa'al tumen iike'.
5Le t o'olale', le j loolob máaco'obo',
ma' bíin yanac cúuchil u ti'alo'ob tu kiinil p'is óolo';
mix bíin yanac cúuchil u ti'al aj kebano'ob,
ichil múuch' cajtal aj ti'ibil bejo'obo'.
6Yuumtzile' cu canantic u cuxtal aj ti'ibil bejo'ob,
ba'ale' u cuxtal j loolob máaco'obe' kaas u xu'ulul.
Currently Selected:
Salmos 1: MAYABI
Highlight
Share
Copy
Want to have your highlights saved across all your devices? Sign up or sign in
Texto Maya © Sociedades Bíblicas Unidas, 1992