Job 42
42
Job
1-2Jobe' tu núucaj u t'aan Yuumtzile', ca tu ya'alaj:
Tene' in wojel cu páajtal a beetic tuláacal ba'al.
Tuláacal ba'ax cu páajtal a beetic.
3¿Tene' máaxen u ti'al ma' wocsaj óoltic tuláacal ba'ax ca beetic
u ti'al in chíicbesic in ma' na'atil?
Tene' táan ca'ach in wa'alic ba'axo'ob ma' tu páajtal in na'atic,
ba'axo'ob talamtac ma' tu páajtal in kaj óoltic.
4Teche' ta wa'alaj ti' teen: Qui' u'uyeni' in káat in t'anech;
núuc teen le káat chi'oba'.
5Tac walquila', chéen in kaj óoltmaech ca'ach yéetel in xiquin, ba'ale' bejela'e' quin wiliquech tin wichil.
6Let o'olal bejela'e', quin wa'alic ma' jaaj ba'axo'ob tin wa'alaji', quin kexic in tuucul
quin cutal ichil ma'ay lu'um yéetel ichil ta'anil káak.
Jobe', cu ca'a ayikalcuntta'al tumen Ku
7Cu dzo'ocol u láaj a'alic Yuumtzil le t'aano'ob ti' Joba', tu ya'alaj xan ti' Elifas: Sen p'uja'anen ta wéetel bey xan tu yéetel a wéet bisajba'ob, tumen ma' ta wa'alaje'ex ba'al jaaj tin wo'olali', je'el bix t'aanajilac Job in palitzile'. 8Bejela'e' ch'a'ex siete wacaxo'ob yéetel siete j tamano'obe', ca xi'ique'ex a wile'ex Job in palitzil, u ti'al a kubique'ex láaj tóocbil ta wo'olale'ex. In palitzil Job bíin payalchi'ina'ac ta wo'olale'ex, teen xane' bíin in wu'uy u payalchi', beyo' ma' bíin in jadze'exi' quex tumen ca najmatique'exe', tumen ma' ta wa'alaje'ex ba'axo'ob jaajtaqui' tin wo'olal je'el bix tu ya'alajilac Job in palitzile'.
9Elifaz, Bildad tu yéetel Zofare', j bino'ob u beeto'ob ba'ax tu ya'alaj Yuumtzil, Yuumtzil túune' tu yu'ubaj u payalchi' Job. 10Cu dzo'ocol u payalchi' Job tu yo'olal u yéet bisajba'obe', j su'ut u ayikalil tu ca'a téen tumen Ku, j dzaab ca'a máal u ya'abil ti' u úuchben ayikalil. 11J bin túun xíimbaltbil tumen u sucu'uno'ob u yíidzino'ob, u quiico'ob yéetel u x yíidzino'ob, u yéet óolo'ob yéetel u yúuchben káaj óolalo'obe', ca tu beetajo'ob jun p'éel noj janal tu yotoch. Tu ya'alajo'ob ti' sen yaj tu yóolo'ob ba'ax úuch ti', tu qui'imaccunto'ob u yóol tu yo'olal ba'ax túuchi'ita'ab tu cuxtal tumen Yuumtzil, cu dzo'ocole' tu jujun túulilo'obe' tu dzajo'ob ti' jun jaatz taakin yéetel jun p'éel dzipit kab oro u ca'aj. 12Junab Kue' tu asab qui' t'antaj u dzooc u ja'abilo'ob Job ti' le yáaxo'obo'. Yanchaj catorce mil u j tamano'ob, seis mil u camello'ob, mil u dzáanal u bueyilo'ob u péecsa'al lu'um yéetel mil x burraob. 13Yanchaj xan catorce#42.13 Catorce: dze'edze'ec dzíibo'obe' cu ya'alic siete. u j xibil paalal yéetel óox túul u x ch'upul paalal. 14U nojochil u x ch'upul paale', tu dzáa x Jemima u kaaba'inte, u ca'a túule' x Cesia, u yóox túule' x Keren-japuc. 15Mina'an ca'ach tu yóokolcaab co'olelo'ob sen qui'ichpamo'ob je'el bix u x ch'upul paalalo'ob Jobe'. J dzaab u kanbáalba'ilo'ob ichil u kanbáalba'ilo'ob u sucu'uno'ob. 16-17Cu dzo'ocol lela', j cuxlaj Job ciento cuarenta ja'abo'ob, sen nuxib ca j quíimi, j kuch u yila'a u paalal, u yáabilo'ob, u ca'a áabilo'ob yéetel u yóox áabilo'ob.
Currently Selected:
Job 42: MAYABI
Highlight
Share
Copy
Want to have your highlights saved across all your devices? Sign up or sign in
Texto Maya © Sociedades Bíblicas Unidas, 1992