MATYE 1
NLK10

MATYE 1

1
Jesu wi tokpɔɔ pe yegée
(Luk 3:23-38)
1Jesu ŋa wi dá bo Dafide wi kluʔu pyɔ we, Dafide wii wɔ́ɔ po Abrahamu wi kluʔu pyɔ we, wi tokpɔɔ pe yegee ké gèe: 2Abrahamu wi dá Isake he. Isake wɔ̀ɔ Jakɔbe he. Jakɔbe wɔ̀ɔ Juda nì wi cyɛɛn ní, ní wi lɛɛ he be. 3Juda wɔ̀ɔ Farɛse nì Sara he Tamare na. Farɛse wɔ̀ɔ Ɛsrɔmu he. Ɛsrɔmu wɔ̀ɔ Aramu he. 4Aramu wɔ̀ɔ Aminadabe he. Aminadabe wɔ̀ɔ Naason he. Naason wɔ̀ɔ Salumo he. 5Salumo wɔ̀ɔ Bowosi he Hrahabu na. Bowosi wɔ̀ɔ Obɛdi he Hruti na. Obɛdi wɔ̀ɔ Isayi he. 6Isayi wɔ̀ɔ Dafide he ŋa wi dá bo masa naŋa we.
Dafide wɔ̀ɔ Salomo he Uri cɔ na. 7Salomo wɔ̀ɔ Hrobowamu he. Hrobowamu wɔ̀ɔ Abiya he. Abiya wɔ̀ɔ Asafu he. 8Asafu wɔ̀ɔ Josafate he. Josafate wɔ̀ɔ Joramu he. Joramu wɔ̀ɔ Osyasi he. 9Osyasi wɔ̀ɔ Jowatan he. Jowatan wɔ̀ɔ Akasi he. Akasi wɔ̀ɔ Esekyasi he. Esekyasi wɔ̀ɔ Manase he. 10Manase wɔ̀ɔ Amo he. Amo wɔ̀ɔ Josyasi he. 11Josyasi wɔ̀ɔ Jekoniyasi he ní wi cyɛɛn ní nyiŋi ga na pe dá bì gɛri ŋklomo ni wa Babilɔni klo ni le.
12Pe gâ gɛri ŋklomo ni me kɔ wa Babilɔni klo ni le, Jekoniyasi wɔ̀ɔ Salacɛli he. Salacɛli wɔ̀ɔ Sorobabɛli he. 13Sorobabɛli wɔ̀ɔ Abiyude he. Abiyude wɔ̀ɔ Eliyakimu he. Eliyakimu wɔ̀ɔ Asɔri he. 14Asɔri wɔ̀ɔ Sadɔki he. Sadɔki wɔ̀ɔ Akimu he. Akimu wɔ̀ɔ Eliyude he. Eliyude wɔ̀ɔ Eleyasari he. 15Eleyasari wɔ̀ɔ Matan he. Matan wɔ̀ɔ Jakɔbe he. 16Jakɔbe wɔ̀ɔ Josɛfu he ŋa wi dá bo Mari wi pɔlɔ we. Mari wɔ̀ɔ Jesu he, ŋa pé na yeri Nyɛʔɛlɛ li wofràa we.
17Ki kala na, mà kpe Abrahamu na mà bâ no Dafide na, krɔʔɔ lifɛɛ pe dá bo hɛɛn kɛ̂ mà kɛ ticɛrɛ. Mà kpe Dafide na fɔ mà bâ no pe kɛrinyiŋi na wa Babilɔni klo ni le, krɔʔɔ lifɛɛ à pe ní mà po kɛ̂ mà kɛ ticɛrɛ. Mà nì mà kpe pe kɛrinyiŋi na Babilɔni klo ni fɔ má bâ no Nyɛʔɛlɛ li wofràa na we, ki krɔʔɔ lifɛɛ à pe ní mà po kɛ̂ mà kɛ ticɛrɛ nɛ.
Jesu wi heme kayoro
(Luk 2:1-7)
18Pe dá Jesu he pomo ma na ge mí ma: Pe dá wi no Mari kan we Josɛfu ma. Di sanni wí buu cɛn cɛlɛ ge, wɔ̀ɔ po wí ma acɛnlɛ ta Nyɛʔɛlɛ li Nyìli li fanŋa ni ge. 19Wi pɔlɔ Josɛfu wi dá bo hɛnsinŋi. Wi ìn dàʔa ta bì wi cɔ wi yele cɔʔɔ le. Ki kala na, wɔ̀ɔ naʔa honri bùu wa hrama ni. 20Di pɔɔ da gáa honri ki kala na le, wò fɔlɔ wi mlɛŋɛ à wà ma bâ wì tyɛʔɛ wí na ŋloʔo na mòo po: «Josɛfu, mo ŋa Dafide pyɔ we, mò ga fya bì ma cɔ Mari kpe we, mɛjɛn wí ma acɛnlɛ ta Nyɛʔɛlɛ li Nyìli li fanŋa ni. 21Wi bi ba pyɔ he nabii. Ma baa wi yeri Jesu, mɛjɛn wiì wi wí bi ba wi hɛɛn syɔ be pe kapere ma de.»#1:21 ma wèle wa Luk 1:31 ni wè.
22Ki woʔo ga kì bɛfu ki dáa hanri, jango wò fɔlɔ wi kayoro ti fùnŋù, da wi dá yo wi leyoo fanŋa ni ge mâ yo:
23 Welé, picɛpii wà bi ba acɛnlɛ ta
bì bo wi ìn jé naŋa kala cɛn kpɛn
bì ba pyɔ he nabii.
Pa pe baa ki pyɔ yeri we Emanuwɛli.
Ki na po pé yo “Nyɛʔɛlɛ lí nyɛ wo nì”.#1:23 ma wèle wa Esa 7:14 ni wè.
24Josɛfu wi gâ jɛ ŋlomo na me, wɔ̀ɔ wi cɔ kpe we nɛ pa wò fɔlɔ wi mlɛŋɛ wi daʔá yo wí kan pomo ma na ge. 25Di wi ìn wi cɛn cɛlɛ fɔ wɔ̀ɔ bâ wi pyɔ naŋa he we. Josɛfu wɔ̀ɔ noo yeri Jesu.

Bible Society of Côte d'Ivoire


Learn more about NYƐʔƐLƐ LI KÀYORO