Mateo 1
1
Ja ma' ek' paxta yuj ja Jesusi
(Lc 3:23-38)
1Ja Jesusi, ja yintil ja David sok ja Abrahami. Spetsanil ja b'i'ilal jumasa iti, ja ma' b'ajtan yuji:
2Masan Abraham waj ch'ak man David, ja b'i'ilal jumasa iti, ja ma' ti' nochane'i:
Abraham,
Isaak,
Jacob,
Juda sok ja smoj alijel jumasa,
3Fares sok ja Zerahi, (ja' snan ja Tamari),
ja Hesron,
sok ja Arami,
4ja Aminadabi,
ja Nahasoni,
ja Salmoni,
5ja Boozi, (ja' snan ja Rahabi),
ja Obedi, (ja' snan ja Ruti),
ja'ni ja Isaiji,
6cho jach ni ja mandaranum Davidi.
Man David sok man aji och ke yib' k'ab'al ja judio jumasa b'a Babilonia, ja ma' ek' paxta yujile'i, ja it jumasa:
ja Davidi,
ja Salomoni (ja' snan ja sche'um ja Uriasi),
7ja Roboami,
ja Abiasi,
ja Asaji,
8ja Josafati,
Joram,
Ozias,
9Jotam,
Acaz,
Ezequias,
10Manases,
Amon,
Josias,
11ja Joaquin sok ja smoj alijel jumasa.
12Man i'ji ye och yib' k'ab'al b'a Babilonia ja judio jumasa, man manxi ja Jesusi, ja ma' ek' paxta yujile'i, ja' it jumasa:
Joaquin,
Salatiel,
Zorobabel,
13Abihud,
Eliaquim,
Azor,
14Sadok,
Aquim,
Eliud,
15Eleazar,
Matan,
Jacob,
16ja Jose statam ja Maria, snan ja Jesús it Mesias wax na'xi sb'aji.
17Man Abraham man David ek' chan lajun (14) lame kristyano. Man David man och yib' k'ab'al ja judio jumasa b'a Babilonia, ek' pilan chan lajun (14) lame kristyano, man manxi ja Mesiasi, cho ek' pilan chan lajun (14) lame ja kristyano'i.
Manxi ja Jesusi
(Lc 2:1-7)
18-20Jach' manxi jastal it ja Jesús Mesiasi: Ja Maria snani, wa sna'a mojanxa oj nupanuk sok ja Jose. Jasa mitox nupaniye waj ab'xuk yab'alil tukxa ay satk'inal ja Maria. Ja Jose jel lek ja smodo, sok wa sk'u'an lek ja yab'al ja Dyosi. Ja'yuj, ch'ab'an ti' ab'al wa sk'ana oj sjip kan ajyi ja smakb'en ixuki.
Yuj ja jach' wa'n ek'el sk'ujol oj sk'u'l ajyi, jun yanjel ja Dyosi, ti sje'a sb'aj b'a yoj swayich, ti alji yab'a: —Jose, mi lom la xiw ja oj nupanan sok ja Maria. Ja Espiritu Santo, ye'n ya tukb'uk satk'inal. 21Yajnix manxi ja yal keremi, oj wa sb'i'iluk Jesús. Ye'n oj skolta ja yuntikil b'a mi oj a'ji yi'e wokol yuj ja smule jumasa—.
22-25Yajni ya' sb'aj ja Jose, sk'u'ani ja jas alji yab' yuj ja yanjel ja Dyosi, nupani sok ja Maria. Yuj ja mitox manxi ja yal alatsi, ja'yuj mini sta'a sb'aje b'a oj wayuke lajana. Yajni manxi ja yal kerem iti, ja Jose ya sb'i'iluk Jesús.
Spetsanil jach' ek' jastal iti, ja b'a oj k'ot smeranil ja jas alji yab' ja aluman Dyos Isaias yuj ja Dyosi, ti yala'a:
—Maklayik lek—
jun ak'ix
oj tukb'uk satk'inal,
oj sman jun yalats,
oj ya sb'i'iluk ja yal kerem jawi
Emanuel—.
Ja b'i'ilal iti, jach' wa sk'ana yal jastal iti: —Ja Dyosi, ti'ni ay jmoktika—.
Currently Selected:
Mateo 1: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021