Malaquias 4
4
Ja Dyosi, ya stup ja smul ja schonab'ili
1Ja Dyosi, ti yala'a:
—Jel xa mojan ja k'ak'u
oj jipjuke b'a yoj orno b'a wa'n ajlel ja k'ak'
ja ma'tik jel wa stoyo sb'aj sok jel malo jastale'i
oj ni ch'akuke k'ak'
ja'yuj ja ya'we tajkukoni.
Ke'non ja Dyos it jel ja kipi,
ja jas wax kala yujni jach' oj k'ul merana.
2—Jaxa we'nlex ja ma' waxa kisawonexi,
ja jas tsamali, oj lijpuk jastal ja k'ak'u.
Sok ti' oj jak tiw ja jastal oj koltayexi.
Jaxa we'nlexi oj b'ajtanik yuj ja wa gusto'exi,
jastal wax b'ajti ja yal wakax jumasa
ja yaj ni wax el ja b'a skorrali.
3Chapanxa kuj ja k'ak'u jawi,
jaxa we'nlexi, oj ja b'atala'ukex kan ja ma'tik jel malo jastali
jach' jastal waxa b'atalanex ja ts'ub'il lu'umi.
Ke'n ja Dyoson it jel ja kipi,
wax kala wabyex yujni jach' oj ek' merana.
Ayto jun rason ja b'a stik'anali
4—Israelenio jumasa,
a jak a k'ujolex ja b'a wits Horebi
ke'n ka'yi ja Moises
ja kab'al jumasa, sok ja jastik wax je'a.
—Mok ch'ay a k'ujolex b'a oj k'u'ukex—
5—Ja yaj ni mitox k'ot ja k'ak'u
oj ka'a tup ja wa mulexi,
oj jek a wi'ex ja aluman Dyos Eliasi.
6Ye'n oj yal yab' ja tatal jumasa
a stojb'es sb'aje sok ja yuntikile jumasa
sok laman a ajyuke.
Kechan ta yuj k'a mi oj stojb'es sb'aje'i,
ja ke'n oj jakon oj ch'ak sna'jel ja lu'umi—.
Currently Selected:
Malaquias 4: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021