Yamni Kulki Lawana 1
1
1Lawana kau painkira Salaman aiwanan ba.#Salaman aiwanan ba: naku ulbaia sin sip sa: Salaman ra mayuni aiwanan.,#1 Ki 4.32; Yam L 3.9-11.
Lawana pas ba
Mairin ba
2¡Unam nani ni, ai kiawals!
Man wan alki tasapankam ba,
wain laya wal kanra kau damni sa.
3Batankam laya kîa ba, wan kakma ra kiawalaia auhni pali sa,
man ninam mâkisa, batana laya kîa pain laiwan ba.
¡Baha mita mairin nani ba,
uba pali laik mai kaikisa!
4¡Isti pali, yang na man wal ai brih was!
¡Alai, kingki, man wamtla bîla kat ai bri was!
Aiwani nani ba
Yawan wal bahara uba lilia kabia;
wal wan taya tasapi pulanka ba kau daukbia, wain ba wal.
¡Baku bamna, mairin nani mita uba pali mai kaiki ba!
Mairin ba
5Jerusalem mairka nani,
yang taiya siksa sa, sakuna mairin painkira sna;
Quedar kiamka nani baku siksa mairin sna,
Salaman watla un nani ra kwala paman ba baku painkira pali sna.
6Aihka ai kaikpara, yang taiya siksa sna bamna,
wan yu mita yang taiya ra angkan ba ra sin kaikpara.
Yang muihki nani maipara praut takan;
wain nasla nani main kaikaia ai mangkan;
¡bara yang wainki nasla ba lika main kaikras kapri!
7Laitwankira, man ai wis,
¿anira sîpkam nani ba dakakisma?,
¿anira witin nani ba ris yabisma
yu wan lal kat ba ra?
¿Dîa muni yang tanis wapi baman tauki mairka baku kaia sna,
man uplikam wala nani sîpka lamara?
Aiwani nani ba
8Man baha ba nu âpu sma kaka,
mairin pain nani tilara
kau painkira sma ba,
sîp daknika nani mina taibanka ba nina blîks,
bara gutskam lupia nani ba dakaks
sepad nani watla lamara.
Waitna ba
9Laitwankira mairin, man ba yang maipa ra,
king fero warka truk nani tilara,
aras mairin kau painkira ba baku sma.
10¡Mamwan lupia nani ba painkira pali sa,
kiamam lula nani lilapas ra!
Namna ba sin pranakira pali sa,
walpa manakira lilurka nani prana nani sakahkan tilara.
11Gul ni kiama lula painkira
dauki maiki banhwamni, silbar wal purak lalaubi praki ni.
Mairin ba
12King ba ai tibilka ra iwbia ba ra,
batana laya kîa painkira brisna ba,
ai kîa aiska daukbia.
13Waitniki laitwankira ba,
yang maipa ra sîka mâka kîa painkira bîkka sirpi kum baku kulkisna;
piua bani ra, yang laima bîla kat prawisa.
14Waitniki laitwankira ba,
yang maipa ra tangni pihni kîa pain baku sa,
En-gadi wainka nasla nani ra.
Waitna ba
15¡Kaiki painkira sma,
laitwankira mairin,
kaiki painkira sma!
¡Namkra nani ba butku wâl bâra ba baku sa!
Mairin ba
16¡Kaiki painkira sma, laitwankira,
kaiki painkira sma!
Waitna ba
¡Twi sangni nani pâwi ba lika, wan yapaika pliska sa!
17Yalam dusa nani ba,
utla bînka nani sa,
saiprus nani ba lika,
utla bahna wan pura praki ba.
Currently Selected:
Yamni Kulki Lawana 1: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua