Yamni Kulki Lawana 2
2
Mairin ba
1Yang sna Sarón twiya bîla tangnika nani,
il bîla langnika nani tangnika sna.
Waitna ba
2Latwankira mairin ba,
mairin nani tilara,
sim tangni kum kiaya nani tilara bâra ba baku sa.
Mairin ba
3Latwankira waitna ba,
waitna nani tilara
sim apil mâ kum unta dusa nani tilara bâra ba baku sa.
¡Kaiki pain sa, witin distika ra iwaia ba!
¡Ai dusa mâ ba sin dabi kaikaia, damni pali sa!
4Pata tara piaia pliska ra ai brih wan,
bara ai nakra kaikanka nani ba,
yang maipara latwan lâka baman kan.
5¡Wain mâ lâkan brinka nani ni tâi baiks,
apil mâ damni nani ni ai dakaki kupi buks;
kan yang latwan kaikan lâka ba mita pruisna bamna!
6¡Witin ai mihta smihka ba,
yang laila mununhtara mangkbia,
bara ai klahkla aihkika ba ni kiaubi ai alkbia!
Waitna ba
7Pramis ai muns,
Jerusalem mairka nani,
snapuka bara sula mairin nani twi ra bâra ba nina mâki kira,
man nani, yang laitwankira yapi ba tatukbi bukpara,
swis yapbia, ani piua witin buaia lukbia ba kat.#Yam L 3.5; 8.4.
Lawana wala ba
Mairin ba
8¡Pat aula laitwankira waitna ba!
¡Pat ai bîla baikra ba walisna!
Il tara nani pura bâk srutwi aula,
kiuhsi nani pura bâk srutwi aula.
9Laitwankira waitna ba, sula wainhka baku sa,
sula luhpia sirpi kum baku sa.
Kaiks, witin pat bal latara,
utla durka nina ra buisa.
Windar nani bâk aiaubi taki kaikisa;
windar pitbanka bâk biki wan kaikisa.
10Laitwankira waitna ba, yang ra ai win:
“Mahka bus, laitwankira mairin;
wap latwankira, kaisa mahka.
11¡Kaiks! Lî piua ba pat luan sa;
bara baha wal lî auhi kan ba sin luan.
12Tangni nani twi ra pat baiwi takan sa,
aiwanaia piua ba pat aimakan,
yawan wan tasbaya ra,
butku sâtka nani lawana walisa.
13Kwah damni dusa ai mâ pat brisa,
bara wain dusa nani, tangnika baiwisa ba ra,
ai kîa pain nani bukisa.
“Mahka bus, laitwankira mairin;
wap, latwankira, kaisa mahka.
14“Butkuki mairin,
walpa unta nani ra yukuwisma ba,
unta twakni, bara dihwi nani yukuwaika ra,
aikrika mamwan ba kaikamni,
aikrika bîlam baikra walamni.
Kan man mamwan kaikaia ba,
yamni pali sa bamna,
¡bîlam baikra walaia sin damni pali sa!”
Wâlsut
15Sikiski nani ba alks,
sikiski sirpi nani
wan wainka nasla sauhki banhwi ba,
wan wainka nasla nani pat ai tangni nani baiwi ba ra.
Mairin ba
16Laitwankira waitna ba, yang duki sa
bara yang sin witin ai dukia sna.
Tangni painkira paura nani tilara,
witin ai sîpka daknika ba dakakisa.#Yam L 6.3.
17Lalma kahbaia aula ba ra,
tihmu tara distika ba tiwisa,
laitwankira waitna, kli tawi bal
sula kum baku bas,
sula sirpi lupia baku,
il tara nani pura kat ulaia plis saura pali nani bâk.
Currently Selected:
Yamni Kulki Lawana 2: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua