Yamni Kulki Lawana TÂ BÎLA NANI
TÂ BÎLA NANI
Naha lawana na, Hibru uplika nani aisi ba bîla kat, naku wisa: “Kau pain (apia kaka, pranakira) lawana nani tila wina”, apia kaka, “Kau pura lui aiwani ba.”
Naha wauhkataya na, prana dauki mayunanka 6 ra laki ulban sa, waitna kum bara mairin kum wal ai latwanka pana pana mariki aisi ba natka ra; piua nani kum kum ra dakni kwâra asla bal aiwanisa. Baha lawana nani lalka pali ba lika, latwan lâka sa, sunu bara kunin lâka luha kira ba.
Wal praki tânka laki kaikanka kum kum daukbia sa kaka, naha piua iwanka ra, baha ba traika kaikan kum baku sa; kuna baha piua ra luki kan, upla nani ba ai maya ra baku kulkanka yabi kan, latwan sin kaiki kan bara mayuni kan sin.
Baibil aisanka tânka ba kat, marit lâka sunukira ba, bara baha bâk Gâd bara ai uplika wal asla ba, naha lâka bâk marikisa, lawana kau yamni ba lilka kum paskan ba baku tânka brin sa: Ju nani mita, baha aslika tânka tara ba ra holi kulkan, bara kristian nani ba, Kraist tempelka ra asla bawi mayuni kan.
Bîla kum Hibru ra takisa naha ulbanka ra (1.1), sip sa Salaman dukiara kaia, Salaman ra luki kulkanka kaia, apia kaka Salaman dahra ulban kaia. Ai natka kat, naha wauhkataya ulban na lika Salaman pali mita ulban sa.
Currently Selected:
Yamni Kulki Lawana TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua