MATIYUS ATOR MAMOLAN
ATOR MAMOLAN
Ketab Matiyus notorragi ja' Isa paneka Rato Panyalamet se ejanjiyagi Allah. Kalaban parantara'annepon Isa gapaneka Allah neptebbi janjina se edhabuwagi ka ommattepon e dhalem Parjanjiyan Kona. Sanare Isa lahir dhari oreng Yahudi sareng odhi' akadi oreng Yahudi, nangeng Kabar Bagus paneka kaangguy oreng sadunnya, banne namong kaangguy bangsa Yahudi saos.
Ketab Matiyus paneka tartep sosonanna, emolae dhari kalahirannepon Isa, eterrossagi sareng baptisan sareng gudha'an se eadhebbi Salerana, sarta pa-ponapa se elampa'agi Salerana e Galilea. E Galilea gapaneka Isa akotbah, morok sareng mabaras oreng. Saamponnepon gapaneka ketab paneka notorragi parjalanannepon Isa dhari Galilea ka Yerusalim, sareng ponapa se kadaddiyan ka Isa e dhalem menggu se dhi-budhi sabellunnepon Salerana seda, kantos ka bagiyan se paleng berra', enggi paneka parkara Isa se seda sareng se odhi' pole.
Sala settong parkara se eotama'agi sareng Matiyus enggi paneka ja' Isa paneka Guru raja, se morok ja' Allah marenta menangka Rato. Isa jugan kaagungan kobasa kaangguy nerrangngagi arteepon Hokomma Allah. Pangajaran-pangajarannepon Isa gapaneka kabannya'an etha-pantha menorot ko'-poko'epon. Badha lema pantha, enggi paneka: (1) Kotbah e Gumo' se aesse parkara carana oreng odhi', kawajiban sareng ha'-ha'epon, sarta tojjuwannepon odhi'na para anggotaepon ommadda Allah (pasal 5-7); (2) du-petodu ka red-moredda se dhubellas oreng kaangguy alampa'agi lalakonna (pasal 10); (3) parompama'an-parompama'an parkara kabadha'an e bakto Allah marenta menangka Rato (pasal 13); (4) pangajaran parkara ma'nana daddi red-morettepon Isa (pasal 18); sareng (5) pangajaran parkara aher jaman sareng parkara rabuna Pottrana Manossa (pasal 24-25).
Essena Ketab
Dhaftar asal-osolla Isa Almasih ban kalahiranna 1:1–2:23
Lalakonna Yahya Pambaptis 3:1-12
Baptisan ban gudha'an se etarema Isa 3:13–4:11
Pangladinanna Isa e nga'-tengnga'anna masarakat Galilea 4:12–18:35
Dhari Galilea ka Yerusalim 19:1–20:34
Menggu dhi-budhina e Yerusalim ban e sabingkerra 21:1–27:66
Isa odhi' pole sarta ngaton ka red-moredda 28:1-20
Currently Selected:
MATIYUS ATOR MAMOLAN: MAD
Highlight
Share
Copy
Want to have your highlights saved across all your devices? Sign up or sign in