MATIYUS 1
1
Dhaftarra bangatowana Isa Almasih
(Luk. 3:23-38)
1Areya' dhaftarra bangatowana Isa Almasih, toronanna Daud, toronanna Ibrahim. Dhari Ibrahim sampe' ka Daud, asmana bangatowana Isa akantha e baba reya:
2-6aIbrahim
Ishak,
Yakub,
Yehuda ban tan-taretanna,
Peres ban Zerah (ebuna anyama Tamar),
Hezron,
Ram,
Aminadab,
Nahason,
Salmon,
Bowas (ebuna iya areya Rahab),
Obed (ebuna iya areya Errut),
Isay,
ban Rato Daud.
6b-11 #
2To. 24:14-15; 2Bbd. 36:10; Yer. 27:20 Dhari Daud sampe' jamanna bangsa Isra'il ebuwang ka Babil, se badha e dhalem catheddan ma-nyama e baba areya:
Sulaiman (ebuna bekkas rajina Uriya),
Rehabeyam,
Abiya,
Asa,
Yosafat,
Yoram,
Uziya,
Yotam,
Ahas,
Hizkiya,
Manasye,
Amon,
Yosiya,
Yekhonya ban tan-taretanna.
12-16Dhari jamanna bangsa Isra'il ebuwang ka Babil sampe' kalahiranna Isa, se badha e dhalem catheddan ma-nyama e baba areya:
Yekhonya,
Seyaltiel,
Zerubabil,
Abihud,
Elyakim,
Azur,
Zadok,
Akhim,
Eliyud,
Eleyazar,
Matan,
Yakub,
Yusup rakana Miriyam.
Ban dhari Miriyam jareya lahir Isa se esebbut Almasih.
17Daddi dhari Ibrahim sampe' ka Daud badha pa' bellas toronan. Dhari Daud sampe' ka jamanna bangsa Isra'il ebuwang ka Babil badha pa' bellas toronan keya. Dhari jamanna bangsa Isra'il ebuwang ka Babil sampe' ka lahirra Almasih bannya'na padha pa' bellas toronan.
Kalahiranna Isa Almasih
(Luk. 2:1-7)
18 #
Luk. 1:27
Kantha reya caretana kalahiranna Isa Almasih. Ebuna iya areya Miriyam, abakalan ban Yusup. Tape sabellunna se kadhuwa jareya akabin, Miriyam etemmo la bubut. Yusup ta' ngagali ja' Miriyam jareya bubut lantaran kobasana Errohna Allah. 19Yusup, bakalla Miriyam jareya, kaetong oreng se ta'at ka hokomma agama. Daddi Yusup maburunga se abakalan, tape ta' asa'-kasa'a sopaja Miriyam ta' malo e adha'na oreng bannya'. 20Sabatara Yusup gi' ker-mekker parkara jareya, salerana asopenna. E dhalem sopennana jareya pangrasana salerana ngoladi malaekadda Pangeran se adhabu kantha reya ka salerana, “Yusup, toronanna Daud, ba'na ta' osa tako' abineya Miriyam, sabab ana' se egandhu' jareya dhari kobasana Errohna Allah. 21#Luk. 1:31 Miriyam bakal rembi'a lalake'. Kana' jareya bi' ba'na kodu enyamae Isa, sabab kana' jareya bakal masalamedda ommadda dhari dusana.”
22Jareya kabbi kalakon kantha jareya sopaja kalakon apa se edhabuwagi Pangeran kalaban parantara'anna nabbina, iya areya, 23#Yes. 7:14 “Badha paraban se bakal ngandhunga ban rembi'a lalake'. Kana' jareya bakal enyama'ana Immanuwil.” (Immanuwil reya oca' Ibrani se artena “Allah asarengnge sengko' ban ba'na”.)
24Saellana Yusup abungo pas alampa'agi apa se edhabuwagi malaekadda Pangeran jarowa ka salerana. Miriyam ekaraji. 25#Luk. 2:21 Tape saabidda Miriyam gi' ta' babar, Yusup ta' asare apolong ban Miriyam. Ban saellana kana' jareya lahir, bi' Yusup enyamae Isa.
Currently Selected:
MATIYUS 1: MAD
Highlight
Share
Copy
Want to have your highlights saved across all your devices? Sign up or sign in