Isaías 4
4
1Kidika mani muih ahal kidika bulah kalwarang,
bahang muih yayal tiaskaubu kalahwi al as yulni kalbabauwarang,
dawak yuyulwarang:
“Yangna alas dukih mayawa kidika yakdi dudarang,
yangna alas asna yaktik awanaki,
bahang datang ayangma kidika dutanakuh,
asalkina kaupak yana laihta yaktah.”
Alasna lani pramis yamna ma balna kaiwarang yakat
2Kidika mani,
Dawan yaklauwi kalawak ukuswi kalahwarang kidika
yaksinh karang Israel muihni balna dauwas yaklalana balna kidika;
sau di minik yakwarang kidika
witingna alasnina karang dawak risninapik karang.
3Sayan yakat dauwas dawi yaklalawarang kidika,
dawak Jerusalén yakat bik yaklalawarang kidika
witingna yakat diana karang kidika yakat yalahna atnin,
bahang diyulna karang “Dawan dini balna.”
4Dawan lāni yamwarang yakat
dawak wah diawarang kidika,#4.4 Lani yamwarang...diawarang kidika: satuk wirlana atnin sip kidika: wingnita puhwi la kat yamwa kidika, dawak wingnita puhwak daihni buswa kidika.
Jerusalén yakat muih iwi āni ututuhna kidika klin yamwarang
dawak Sayan muihni balna taski dikahna kidika klin diyamwarang.
5Sayan asangni bitik yakat
muih balna kaluduhna kidik
Dawan yaklauwi mukus puksani as kalawak kalahna karang madah yakat,
dawak pukta yakat laih kuh dahlwa yaringni kalawarang.
Kidika bitik minit yakat Dawan alasnina sakkarang,
6kidika laih tanitna dakna atnin yulni;
madah madaihni kidika sanni diana atnin yulni
dawak was lauwa wing parasni wauhwa balna kidika tanitna daknin yulni.#Ex 13:21; 24:16.
Currently Selected:
Isaías 4: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998