Galacia 6
6
Biri biri ilp kalyamtanauh
1Wirah balna, manna talnangkat muih as dutni yakat bukna kat,#6.1 Manna talnangkat muih as bukna kat: satuk wirlanin sipki: muih ūk yaklauwi kaltalna karang kat. manna Spirit dutamana kidika ilp kalata barangni kalyaknamna ki. Kaunah minikun talnin kidika karak; kaunah amung talnamna ki, witing traini talnin yakat buknin awas yulni. 2Manna biri biri ilp yamtanauh truknamna kidika wauhnin yulni, kaput laih Krais lāni kat yamtanama.
3Muih as witing manah kapat kaldakawarang kat, kidika laih di as diski, witing alas muihni yakat alas kalyulwi. 4Muih kidika silp amput kidika amanglanin ki, dawak witing manah kapat kaldakanin kat, kaput kawang witing alas muihni yakat, kaunah muih ūk niningyakat laih awaski. 5Kat muih bitik laih alas tikini kidika truwarang ki.
6Wais kat yul wisamni yamni kidika duwarang kat, witing maesnitro karak sahyakwi dunin karang ki, di yayamni balna kidika bitik.
7Manna silp alas kalyuyulwinih: muih as bik Papang yakat sarahni kalyulwas ki. Dahwa kidika minik bahwi.#Pro 22:8; Os 8:7. 8Dutni dukih kalawa kidika dahwa kidik, dutni dukih kalawa kidika minik bahwarang ki, daunin yakat. Wais kat Spirit yakat dahwa kidika, sangka atnin ban kidika minik bahwarang. 9Kaput bahang maisuhnin awaski di yamni balna yamnin kidika;#2 Ts 3:13. dadas ban yamdarang kat, mani balna kaiwak minik bahdarang. 10Kidika bahang, sipmayang kidika yakat, muih bitik yakat yamni yamnin, tanit kidika laih wirah kasak kulyang balna yakat.
Isningna pakwi dawakwitni yakat diparaswi
11¡Manna talnauh, ulna balna adika nunuhni ultik manasihtayang kidika yang sip tingki kau! 12Kidika balna yaklauwi taihwi diyayamwa kidika Papang sainni dunin yulni, kaput yayamwa kidika laih muih balna karak yamni atnin yulni, dawak witingna kidika Krais Jisas panan prihni yulni pāt wauhnin awas yulni yayamwi. 13Kaunah Papang sainni duduwa balna kidika bitik lā yulwa kidika kat laih yayamwaski. Kaput kaunah witingna kukulwi manna kidika Papang sainni dutanama, kaput laih witingna alasna dunin manapapakwak mark dutanda kidika muihmana yakat. 14Nawatwak yang laih, alasna dukih yawi Madakiwan Jisaskrais panan prihni munah. Kat Krais panan prihni munah,#6.14 Kat Krais panan prihni munah: satuk wirlanin sipki: witing munah. muih balna kidika dadauna, dawak yang laih muih balna niningna yakat daunayang. 15Di as bik diski Papang sainni dunin, kidika awaskat dunin awas kidika; kaunah minit duwa kidika laih watwi wisam kalyamwada kidika.#Jn 3:3-7; 2 Kor 5:17. 16Datanauh kulnin aslah, dawak minikun talnin kidika bik, adika lani yakat yalahyang balna mana kidika, dawak Israel balna bitik Papang dini mana kidika.#Sal 125:5; 128:6.
17Waradika kaupak tanit yakat dukih yāwaski muih as bik ambuk yāusnin; kat muihki yakat duyawayang wauhnayang markni kidika Jisas karak.
18Wirah balna, Madakiwan Jisas Krais tingnikih kidika manna bitik mamatna yakat utuhwang. Amén.
Currently Selected:
Galacia 6: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998