Galacia 5
5
Pri lani yakat barangni kiunin
1Krais pri mayana kaput laih pri atnin.#Jn 8:32-36. Kaput bahang, manna kidika yakat laihta dutanauh, manna watta muih dini yamnin yakat kakawinih.
2Yadakanauh. Yang Pal, manayultayang dakanauh, manna Papang sainni kultamana kat, Krais kidika manna yakat dauh kalwi. 3Wattik manayultayang, wais wais karang bik Papang sainni duwa kidika laih lā yakat ais yulwa kidika bitik yamnin karang. 4Manna, lā kat yamtamana manatwak dakakih manawa kidika, lā munah, kaput kat lā yakat ais yulwa balna kidika bitik yamnamna ki, kaput kat Krais kaupak naikau alahwanamana; Papang kulnin dalani kidika ruhmta danamana. 5Kaunah yangna laih, Spirit munah tahatayangna lā kat atnin kidika laihna atnin kasak kulnin munah. 6Kat Krais Jisas yakat tingkih, kat yang kultasyang, Papang sainni dutayangpa kidika awaskat disyangpa. Yang kultayang kidika laih kasak kulnin lani, kasak kulnin lani kidika laih dalani lani munah bahang.
7Manna ta yamni yawanamana dai, ¿wais manayulnayah, di rahm kidika yulni dakanin awas? 8Kidika laih Papang kaupak awaski, manayulna kidika yanamna. 9Aput yulwi “pupuhnin dini apis kidika yaklauwi plawar kidika bitik kalawak pupuhwi”,#1 Kor 5:6. 10yang laih Dawan yakat kulnik atik dutayang dawak manna bik satuk laih kultas awanama; kaunah Papang yaklauwi wah kalana karang kulnamna dutni awa kidika muihni yakat, kuldas ki kidika laih wais karang bik.
11Wirah balna yang laih, Papang sainni dunin yulni wat wat yultayang kat laih, ju balna yalaihnin yawawalwas karang, kaput kat Krais panan prihni kidika niningkauh dutni yulwas karang. 12Kaunah kidika balna manna yakat manauhuswa kidika, ¡yamni karang witingna muihnina dadakwarang kat!
13Manna wirah balna, pri atnin kidika yakat manayulna. Kaunah pri lani kidik duta muihmana nuhni dukih kalawa kidika bitik laih kalalawinih. tanit yamni ki biri biri#Mt 20:26. dimana yamtanama kat dalani lani karak. 14Kat lā balna kidika bitik aslah libitna kidika yakat: “Yaihmatkau muih balna kidika dalani talah, man muihma kapat.”#Lv 19:18; Rom 13:8-10. 15Amung talnauh, kat manna kalkastanama kat biri biri, manna silp alas kaldaukalta distanama.
Muihni nuhni dukih kalawa kidikadawak Spirit munah sangka atnin
16Kaput bahang yultayang: Spirit yulwa kaput yalahtanauh, di dutni muihmana yakat dukih kalawa kidika walwi kalalawinih. 17Kat di dutni dukih mayawa kidika laih Spirit niningkauh ki, dawak Spirit kidika laih di dutni dukih mayawa kidika niningkauh ki. As kidika ūk balna niningnakauh ki, kidika bahang manna sip yamtasmana dukih manawa yakat.#Rom 7:15-23. 18Kaunah Spirit yaklauwi maduwi kiwarang kat, kaput laih lā dinit yakat awasmana.
19Isi ki talnin wais di dutni dukih kalawa yakat usnit uhuiwa kidika: la munah kalduduwas kidika, di maisihni yayamwi dawak suhlsuhl kakalwi, 20dawan dauh yakat minitnayuyulwi, dawak spirit dutni karak kalpapakwi. Kalwaihla duduwi, dakwi kalahnin dawak kalmakat-annin. Di dauh bik kulninna daukakalwi, niningkauh yaklalauwi, kalsahwi kalahnin dawak witingna aslah balna kidika yulni manah kulwi. 21Tutumwi,#5.21 Tingkau ulna kidika laih minitkau lakwi: muih iyang. wasak diyang balna, di minitbayak kasyang, dawak di ūk balna bik yayamwi. Bahang manayultayang, muhni lau kau uman yamnayang dai kapat, wais kat kaput yamwa kidika laih Papang kingkawa lani kidika laihwas karang.
22Nawatkauh, Spirit yamwa kidika laih dalani lani, alasna, kulnin aslah, kulnin laihwatnin, minikun talnin lani, dawak barangni atnin, 23kulnin minikun atnin, dawak witing alas bik sip atnin. Kidika balna niningyakat lā as bik diski. 24Krais Jisas muihni balna kidika laih, muih al muihni dutnina balna kidika bitik laih uman pan prihni yakat pana, di dutni balna dukih kalawa kidika karak.#Rom 6:3-14; Gal 2:20; 6:14. 25Waralaih Spirit karak mayang kat, dadakat Spirit yaklauwi maduwi kiwang.
26Mayang manah kapat kaldakanin awaski, biri biri niningkauh atnin kidika dahnin awaski dawak tumnin, kaput bik ūk balna bik.
Currently Selected:
Galacia 5: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998