Mateu 1
1
Mayaranacelo o nrukulu na Yesu
Luka 3.23-38
1Iliivuru yo mayaranacelo o nrukulu na Yesu Kristu, mwana a Taviti, mwana a Aparahamu.
2Aparahamu ahonnyara Isaki;
Isaki ahonnyara Yakopi;
Yakopi ahonnyara Yuta wamoca na asunnawe.
3Yuta ahonnyarana Tamari asaana yeehaninya Peresi ni Seraa;
Peresi ahonnyara Esiromi; Esiromi, ahonnyara Aramu;
4Aramu ahonnyara Aminatapi;
Aminatapi ahonnyara Naasomi;
Naasomi ahonnyara Salimomi;
5Salimomi ahonnyara Powasi, anumwane Rahapi;
Powasi ahonnyara Opete, anumwane Ruti,
ni Opete ahonnyara Yesee;
6Yesee ahonnyara mwene Taviti
ni mwene Taviti ahonnyara Salomoni, na athiyana yaari amwaarawe Uriya;
7Salomoni ahonnyara Ropowau;
Ropowau ahonnyara Apiyasi;
Apiyasi ahonnyara Asa;
8Asa ahonnyara Yosafaa;
Yosafaa ahonnyara Yoramu,
Yoramu ahonnyara Usiyasi;
9Usiyasi ahonnyara Yotamu,
Yotamu ahonnyara Akasi,
Akasi ahonnyara Esekiya;
10Esekiya ahonnyara Manasesi;
Manasesi ahonnyara Amoni;
Amoni ahonnyara Yosiya;
11Yosiya ahonnyara Yekoniya ni asihimawe, ukati waavariyaya athamiheriyaka uPapiloniya.
12Wahoolo anathamiheriyene uPapiloniya, Yekoniya ahonnyara Salatiyeli,
ni Salatiyeli ahonnyara Soropapeli;
13Soropapeli ahonnyara Apiyuti;
Apiyuti ahonnyara Eliyakimi;
Eliyakimi ahonnyara Asori;
14Asori ahonnyara Satoki;
Satoki ahonnyara Akimu;
Akimu ahonnyara Eliyuti;
15Eliyuti ahonnyara Eleyaseri;
Eleyaseri ahonnyara Mathani;
Mathani ahonnyara Yakopi.
16Yakopi ahonnyara Yusufu, awannyawe Mariya annyanre Yesu, neehaninya Kristu.
17Maanaya maloko othene, ukhuma Aparahamu mpaka Taviti, ari khumi na macese; ukhuma Taviti mpaka aathamiheriyaya atthu uPapiloniya, ari khumi na macese, ni ukhuma waatamiheriyaya atthu uPapiloniya mpaka Kristu, ari khumi na macese.
Uyaryaa wa Yesu Kristu
Luka 2.1-7
18Uyaryaa wa Yesu Kristu weeranele coo: Mariya anumwane Yesu napakaneliyene ni Yusufu, ahinaya waathukmanana, ahorupala irukulu mo'kuru co Nnepa Nttakattifu. 19Nanso Yusufu mayopakanela, ukhala wiira aari ntthu nasariya ni khaatthuna unvenwihaca, aholakela unhiya mmwiitihoni. 20Nanso oopuwelacaka manhiyero, ahophwanyinya munttorani ni ncelo a Apwiya amwiirelaka: Yusufu, mwana a Taviti, uhoove unkusa Mariya ukhala mwaaraa, kontha irukulu irinawe iyo iri yo Nnepa Nttakattifu. 21Uyo naahala unnyara mwana ni ummonvaha ncina na Yesu, kontha naahala woopola atthu awe ntampini mwaya.
22Cothene nnyo ciiraneenle wiira itthariheleliye ile yaahimilyaya Apwiya anleeheraka nnapiyu yiiraka:
23Mwali oohincuwela nlopwana,
naahala urupala irukulu ni unnyara mwana,
ni yooyo nohala wiihaninya Emanueli,
maanaya wiira: Nluku ri ni hiyano.#1.23 Isaya 7.14
24Yusufu wunwa wawe waarupawe, ahopanka toko caalamuleliyawe ni ncelo a Apwiya, ni ahomwaakhelela Mariya ukhala amwaarawe. 25Nanso khaanthukumananne mpaka waannyanryawe mwana, ni ahonvaha ncina na Yesu.
Currently Selected:
Mateu 1: NNI
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.