Yona 4
4
Urusiya wa Yona ni Ikiriri ca Apwiya
1Nanso vaavale, Yona ahorusiya ni ahocaca. 2Vano ahoswali ankohaka Mwanene Nluku eeraka: We Mwanene Nluku, mi akeenre kihinaya ukhuma ilapo aka wiira phi yeeyo yaahalaa upanka? Phimaana kipankaka mananna ootthawela uTarisi! Mi kahocuwela wiira we uNluku o'kiriri ni oothunku, oopica ucaca, eemaani ni oorera, ciicammo ukati wothene uri oolevelela. 3Paahi, we Mwanene Nluku, ukiive, kontha phatari kikhwe kihikhale nkumi. 4Mwanene Nluku ahaakhula: We Yona uhokupali wiira uhaana isariya yoorusiya toko co? 5Vaavale Yona ahokhuma uNinive, phurwaaka mphantte unkhuma ncuwa ni ahonkoma. Vano ahoteka nrapattha ni ahonkoma wantthuucini waya, awehereryaka woona itthu yaahala wiirannyaa nsittatti mmo.
6Vano Mwanene Nluku ahomeliha mwamwiri wootthavelaca wiira Yona amumule wantthuucini ni atteeliye. Vaavale Yona ahotteeliya venci. 7Nanso usa waya, ncuwa nipheelaka ukhuma, Nluku ahonruma mwaamunku wiira eeve mwamwiri uyo ni wahokhwa. 8Wakhumilyaya ncuwa, Nluku ahowiha iphyoo yooviha cinene ikhumaka unkela ncuwa. Yona ahociriphuwa nlattu wo nttukuttha ni ncuwa nampaha mmuru mwawe. Vano ahophavela ukhwa ni aheera: Phatari kikhwe kihikhale nkumi. 9Nluku ahonkoha Yona eeraka: Uhaamini urusiya nlattu wo yoola mwamwiri ula? Yona ahaakhula eeraka: Khweli kihaana isariya yoorusiya toko co mpaka ukhwa. 10Vano Mwanene Nluku aheera: Ula mwamwiri ula wunnuwile uhiyu, ni uhiyu nkhwawe uyo wahokhwa. We khiiwo ipankenlyaa ula mwamwiri ula ni khawunnuwihile, vano unawoonela uthunku. 11Mi ni isariya caka cothene akinlamuliya woonela ikiriri isittatti yo'Ninive, uryaya atthu enci oohicuwela itthu yoorera ni yoonanara woopwaha ilufu iminya wo sirini ni inama cinci ciriwo?
Currently Selected:
Yona 4: NNI
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.