Mal 4
4
Ɛdɛnkɛma Kenle ne ɛlɛba
1Tumivolɛ Ɛdɛnkɛma se, “Bɛnlea, kenle ne ɛlɛba; ɔbazɔ kɛ fonlomo senle. Bɛdabɛ mɔɔ bɛmemaa bɛ nwo zo nee amumuyɛma bayela kɛ ewula. Bɛ ndinli bɔbɔ ɛnrɛha na yeayɛ bɛ ngane. 2Na bɛmɛ mɔɔ bɛsulo me la, pɛlepɛle sɛnzɛne mɔɔ le ayile la badudu bɛ nwo zo. Na bɛbavinde wienyi nu na bɛawuluwulu kɛ nlankɛ mralɛ mɔɔ bɛye bɛ bɛvi tunli nu la. 3Na bɛbatietia amumuyɛma anwo zo. Amumuyɛma bayɛ kɛ nzonle wɔ bɛ gyakɛ abo wɔ kenle mɔɔ mebaha me nwo la. 4Bɛhakye me mɛla nee me ngyehyɛlɛ ne mɔ mɔɔ menvale memanle me sonvolɛ Mosisi wɔ Hɔlɛbe kɛ ɔva ɔmaa Yizilayɛma amuala la.
5 #
Mat 11.14; 17.10-13; Mak 9.11-13; Luk 1.17; Dw 1.21 “Mebazoa Nyamenle kpɔmanvolɛ Yilaegya bɛ nwo kolaa na Ɛdɛnkɛma kenle kpole anu ɛzulolɛ ne ara. 6Ɔbamaa selɛma ahulo bɛ mra na mralɛ ahulo bɛ ze mɔ; saa tɛ ye zɔhane a, anrɛɛ mebara na meamaa munzule ava azɛlɛ ye.”
Currently Selected:
Mal 4: NB
Highlight
Share
Copy
Want to have your highlights saved across all your devices? Sign up or sign in
Bible in Nzema © Bible Society of Ghana, 1998.