2 CORINTIOS 13
13
1Cai shamuihuanga, quimsa viajetami cangunataca ricungapaj shamugrini. Ishcai cashpa, quimsa cashpa ricushpa villaj tiajpimi, tucui ima cashcatapash alichina. 2Cangunahuan punda chaipi cashpa nishcashnami, cunan na chaipi cashpapash, cangunahuan tiajunshnallata nigrini. Juchata punda rurajcunamambash, caishuj na cazujcunamambash, cutin shamushpaca na llaquishpami llaquichisha nishpami escribircani. 3Cangunaca, Cristo imata villachumbash, ñucaman yarichijushcata yachangapajpachami munanguichi. Ñuca shamujpimi yachanguichi. Cristoca, canguna purapi imatapash na rurai ushanshnaca na canllu. Ashtahuangarin paica, ninan ushaita charishcatami, canguna purapi ricuchijun. 4Imatapash na rurai ushanshnami, paica chacatai tucurca. Shina cashpapash, Taita Diospaj ushaihuanmi causajun. Shinallatami ñucanchipash, ushaita na charinchi. Shina cashpapash, cangunapaj ali cachunmi, paihuan shujlla tucushpa causashun.
5Cangunallatami: “¿Ñachu alipacha crij cani, narachu ali crij cani?” yashpa, ricurina canguichi. Imashna cashcataca, cangunallata yarinami canguichi. Jesucristo cangunapaj shungupi causajujtaca, ¿nachu yachanguichi? Chaita na yachashpaca, nallata ali crijcunachu canguichi. 6Ashtahuangarin ñucanchitaca, alipacha crij cajta canguna yachachunmi munani. 7Imatapash nalita canguna ama rurachunmi, Taita Diosta mañanajunchi. Ñucanchilla alipi ricuringapaca, na mañanajunchica. Ashtahuangarin ñucanchita nalicachijpipash, canguna imatapash aliguta rurachunmi mañanajunchi. 8Shina cashpami, na llullashpa villajuj Shimita nalicachitaca na ushanchi. Ashtahuangarin chai na llullashpa villajuj Shimitami ninanda alicachinchi. 9Shinamandami, ushaita ñucanchi na charishpapash, canguna shinllipacha cajpi cushijunchi. Canguna ima pandatapash ama rurachunmi, Diostaca mañarianchi. 10Chaimandami cangunapajman shamushpa, ama yapata llaquichingapaj nara shamushpallata, cashnataca escribini. Canguna ashtahuan alipacha crishpa catichun ayudachunmi, Apunchi Jesusca ñucaman ushaita carahuarca. Chingachijuchunga na carahuarcachu.
Alillachu capanguichi nishpami, Diosta alicachishpa tucuchishca
11Cunanga huauquicuna, panicuna, ninanda cushijushpa, ima pandatapash na rurashpa catinguichi. Shujmanda shujmanda yachachirishpa, shujllashnalla yarishpa, casilla aligutami causana canguichi. Shina causajpica, casilla ali causaita, juyarishpa causanata caraj Taita Diosmi cangunahuan canga. 12Caishujmanda chaishujmandami, ima nalitapash na yarishpa muchashpa, alillachu capangui nina canguichi. 13Diospajlla causajcunaca, tucuillami cangunataca alillachu capanguichi ninajun.
14Apunchi Jesucristopaj ninan juyaipash, Taita Diospaj juyaipash, Diospaj jucha illaj Espiritumanda, tucui canguna shujllashnalla causanapash, cangunahuan cachunmi munani. Shina cachun.
Currently Selected:
2 CORINTIOS 13: QUII
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.