Én xí nda xi ꞌniú tsjatsó ngasee̱ 5
5
Nda̱ xo̱ngo̱ò
1Jè jéꞌe̱ an ngi̱ndie nínga tjitji̱e̱na nii̱,
ji ndí ndíchja, ji ndí chjo̱onna.
Jè jaꞌatikó án mirraa̱ ko̱jo tosijee̱n,
jè iskjíni̱e̱ an ntsjién xí ndyi̱a̱ ndo̱bo̱a̱ cho̱ndo̱ꞌo̱sieèn,
jè katsꞌe an binoo̱, ko̱jo ntsjeén.
Já xí koón cho̱tsa̱nga̱a̱
¡Yàjnú já amingo̱ xi tjóna,
chi̱ni̱e̱jnú ko̱jo tꞌi̱o̱jnú ngaskande nga nda stsi̱e̱jnú!
Xi ma nijoón soó
Na̱ xo̱ngo̱ò
2Jè kjiꞌifé an katsaki, ta̱nga tikón ini̱ma̱na,
kó tsintꞌie an ngo nda̱.
Nda̱a̱ xota̱ xi tjóna boá,
kó bi̱ katsó nga tsíchji̱a̱ nga̱ntjo̱a̱a̱:
Nda̱ xo̱ngo̱ò
Chjéxꞌéní ji ndí ndíchja, ji ndí chjo̱onna,
ji ndí tójo tsjakjiꞌina, na̱ xi jmíjiín ngo chi̱bo̱a̱ xi ndajín.
Ngatꞌa̱ tokó án jè tjikítsie maá xoño,
¡kó tsja̱tokó án je tsꞌandyi̱ni stsé xí kjiboaꞌa nga jñoó!
Na̱ xo̱ngo̱ò
3Ta̱nga jè jaꞌáxín an ńjñona,
¡kó kótsꞌèn nga ti̱ koajà ngiñá an!
Jè aniejón an ndsa̱ko án,
¡kó kótsꞌèn nga ti̱ sa̱ꞌindándí ngiñá an!
4Xota̱ xi tjóna katsangisꞌiendyió tsja
ti̱xa̱a̱ xi tikoón nga̱ntjo̱a̱a̱,
¡kó achichí ni xi kamaá ngayeje yojona!
5Jastjíe̱n an tsi̱ꞌe̱ nga skjíxꞌáa̱ xota̱ xi tjóna,
¡kó xtín ndsa̱ án kitín má ndásíje̱n mirraa̱,
kó ki̱a̱ kitínsón ki̱cha̱ xi ꞌbíchjánii̱ nga̱ntjo̱a̱a̱!
6Jastjíe̱n an, kó iskjíxꞌáa̱ nga̱ntjo̱a̱ xota̱ xi tjóna,
ta̱nga ja̱bo̱a̱ jè kijí, ja̱bo̱a̱ jè jaꞌa.
Kó nga tsíchji̱a̱ kui, mejeén jatjoxie ini̱ma̱na katsaki.
Tsangase an, ta̱nga ngiti̱ kasakojínna,
tsíchji̱a̱ ngasèe̱, ta̱nga ngiti̱ katsꞌénsénjínna.
7Kó jun xi konda na̱xi̱ńdáꞌniuú kasakoo̱ an,
kó kuí yeꞌéna, kó katsꞌénꞌónna,
¡kó jaꞌáxínna ńjñobichitjéna!
8Jún ínchjín xí chji̱a̱ni na̱xi̱ńdáꞌniú Jerusalee̱n,
mejénna nga ko̱e̱ꞌéjnú ndso̱ꞌbájnú,
nga tsi sa̱kójnú xota̱ xi tjóna,
bo̱a̱ tꞌínjnúu̱ nga, ¡jè tjítsꞌénkꞌiénna kjo̱a̱tjoó!
Ínchjín xí chji̱a̱ni na̱xi̱ńdáꞌniú Jerusalee̱n
9Mí ni xi nda ngase xi tjiín xota̱ xi tjoó jí.
Ji chjo̱on tsjakjiꞌi, xi tsjakjiꞌi ngase ji ngi̱jii̱n ínchjín xí tsjakoo̱n.
Mí ni xi nda ngase xi tjiín xota̱ xi tjoó jí,
nga bo̱a̱ má ta̱ kjiꞌi ni xi chjiéꞌéjne̱.
Na̱ xo̱ngo̱ò
10Xota̱ xi tjóna achichí tsjákjiꞌi, kó tiboayojó boá,
nde niꞌínjín ka̱mana nga skuie an kui,
ndatsi ngi̱jii̱n tie mi̱ xota̱.
11Ja̱kjiꞌi to̱nsinié má kjiꞌi to̱ko̱,
ngaskande yó má tsja̱a̱,
kó jmá tsja̱to̱ko̱ xikoó ngo ni̱sie kuerbo̱.
12Ndyi̱ko̱n xikó maá jó tójo
xi síndo ki̱a̱ tꞌa ndáfoaa̱ xo̱ngàndántꞌieé,
kui xi xikoó tsi ntsjén moniénjónni
nga niꞌánkꞌíndo cha̱n cha̱n.
13Tꞌanijon ja̱kon nínga ꞌbítji̱e̱ ni tjié má kón,
nínga kjiꞌi xka̱ sije̱n, ko̱jo naxó sije̱n,
tsꞌoa ja̱kon naxóndáfoa má kón
xi fotjoo̱ tsie ndásíje̱n mirra̱.
14Tjiaa̱, bo̱a̱ má kón xikoó sti̱ngaro to̱nsinié
xi tjikítsie maá ndi̱jo̱ tsjakon.
Yojoo̱ bo̱a̱ má kjiꞌi xikoó ndi̱ja̱a̱ ki̱ña̱
xi je kiniꞌánchoo̱n nga akjatꞌaa̱ ndi̱jo̱ safiro̱.
15Ngajó ti̱ꞌmi̱í achichí ngaꞌniú tjiín, xikó maá jó yásé
xi ndi̱jo̱ marmoo̱l kamándani,
xi ngindiee̱ ni to̱nsinié ikꞌíndoo̱.
Achichí tsjatsꞌèn bosién nínga bosién,
xikó maá yákón xí ꞌbé ki̱a̱ nangi Líbanoo̱.
16Achichí ixi tsꞌoa,
achichí tsjá mána kui.
¡Bo̱a̱ kjíꞌí kui xota̱ xi tjóna an,
jún ínchjín xi chji̱a̱ni na̱xi̱ńdáꞌniú Jerusalee̱n!
¡Bo̱a̱ kjíꞌí kui xota̱ xi mejénna an!
Currently Selected:
Én xí nda xi ꞌniú tsjatsó ngasee̱ 5: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Én xí nda xi ꞌniú tsjatsó ngasee̱ 5
5
Nda̱ xo̱ngo̱ò
1Jè jéꞌe̱ an ngi̱ndie nínga tjitji̱e̱na nii̱,
ji ndí ndíchja, ji ndí chjo̱onna.
Jè jaꞌatikó án mirraa̱ ko̱jo tosijee̱n,
jè iskjíni̱e̱ an ntsjién xí ndyi̱a̱ ndo̱bo̱a̱ cho̱ndo̱ꞌo̱sieèn,
jè katsꞌe an binoo̱, ko̱jo ntsjeén.
Já xí koón cho̱tsa̱nga̱a̱
¡Yàjnú já amingo̱ xi tjóna,
chi̱ni̱e̱jnú ko̱jo tꞌi̱o̱jnú ngaskande nga nda stsi̱e̱jnú!
Xi ma nijoón soó
Na̱ xo̱ngo̱ò
2Jè kjiꞌifé an katsaki, ta̱nga tikón ini̱ma̱na,
kó tsintꞌie an ngo nda̱.
Nda̱a̱ xota̱ xi tjóna boá,
kó bi̱ katsó nga tsíchji̱a̱ nga̱ntjo̱a̱a̱:
Nda̱ xo̱ngo̱ò
Chjéxꞌéní ji ndí ndíchja, ji ndí chjo̱onna,
ji ndí tójo tsjakjiꞌina, na̱ xi jmíjiín ngo chi̱bo̱a̱ xi ndajín.
Ngatꞌa̱ tokó án jè tjikítsie maá xoño,
¡kó tsja̱tokó án je tsꞌandyi̱ni stsé xí kjiboaꞌa nga jñoó!
Na̱ xo̱ngo̱ò
3Ta̱nga jè jaꞌáxín an ńjñona,
¡kó kótsꞌèn nga ti̱ koajà ngiñá an!
Jè aniejón an ndsa̱ko án,
¡kó kótsꞌèn nga ti̱ sa̱ꞌindándí ngiñá an!
4Xota̱ xi tjóna katsangisꞌiendyió tsja
ti̱xa̱a̱ xi tikoón nga̱ntjo̱a̱a̱,
¡kó achichí ni xi kamaá ngayeje yojona!
5Jastjíe̱n an tsi̱ꞌe̱ nga skjíxꞌáa̱ xota̱ xi tjóna,
¡kó xtín ndsa̱ án kitín má ndásíje̱n mirraa̱,
kó ki̱a̱ kitínsón ki̱cha̱ xi ꞌbíchjánii̱ nga̱ntjo̱a̱a̱!
6Jastjíe̱n an, kó iskjíxꞌáa̱ nga̱ntjo̱a̱ xota̱ xi tjóna,
ta̱nga ja̱bo̱a̱ jè kijí, ja̱bo̱a̱ jè jaꞌa.
Kó nga tsíchji̱a̱ kui, mejeén jatjoxie ini̱ma̱na katsaki.
Tsangase an, ta̱nga ngiti̱ kasakojínna,
tsíchji̱a̱ ngasèe̱, ta̱nga ngiti̱ katsꞌénsénjínna.
7Kó jun xi konda na̱xi̱ńdáꞌniuú kasakoo̱ an,
kó kuí yeꞌéna, kó katsꞌénꞌónna,
¡kó jaꞌáxínna ńjñobichitjéna!
8Jún ínchjín xí chji̱a̱ni na̱xi̱ńdáꞌniú Jerusalee̱n,
mejénna nga ko̱e̱ꞌéjnú ndso̱ꞌbájnú,
nga tsi sa̱kójnú xota̱ xi tjóna,
bo̱a̱ tꞌínjnúu̱ nga, ¡jè tjítsꞌénkꞌiénna kjo̱a̱tjoó!
Ínchjín xí chji̱a̱ni na̱xi̱ńdáꞌniú Jerusalee̱n
9Mí ni xi nda ngase xi tjiín xota̱ xi tjoó jí.
Ji chjo̱on tsjakjiꞌi, xi tsjakjiꞌi ngase ji ngi̱jii̱n ínchjín xí tsjakoo̱n.
Mí ni xi nda ngase xi tjiín xota̱ xi tjoó jí,
nga bo̱a̱ má ta̱ kjiꞌi ni xi chjiéꞌéjne̱.
Na̱ xo̱ngo̱ò
10Xota̱ xi tjóna achichí tsjákjiꞌi, kó tiboayojó boá,
nde niꞌínjín ka̱mana nga skuie an kui,
ndatsi ngi̱jii̱n tie mi̱ xota̱.
11Ja̱kjiꞌi to̱nsinié má kjiꞌi to̱ko̱,
ngaskande yó má tsja̱a̱,
kó jmá tsja̱to̱ko̱ xikoó ngo ni̱sie kuerbo̱.
12Ndyi̱ko̱n xikó maá jó tójo
xi síndo ki̱a̱ tꞌa ndáfoaa̱ xo̱ngàndántꞌieé,
kui xi xikoó tsi ntsjén moniénjónni
nga niꞌánkꞌíndo cha̱n cha̱n.
13Tꞌanijon ja̱kon nínga ꞌbítji̱e̱ ni tjié má kón,
nínga kjiꞌi xka̱ sije̱n, ko̱jo naxó sije̱n,
tsꞌoa ja̱kon naxóndáfoa má kón
xi fotjoo̱ tsie ndásíje̱n mirra̱.
14Tjiaa̱, bo̱a̱ má kón xikoó sti̱ngaro to̱nsinié
xi tjikítsie maá ndi̱jo̱ tsjakon.
Yojoo̱ bo̱a̱ má kjiꞌi xikoó ndi̱ja̱a̱ ki̱ña̱
xi je kiniꞌánchoo̱n nga akjatꞌaa̱ ndi̱jo̱ safiro̱.
15Ngajó ti̱ꞌmi̱í achichí ngaꞌniú tjiín, xikó maá jó yásé
xi ndi̱jo̱ marmoo̱l kamándani,
xi ngindiee̱ ni to̱nsinié ikꞌíndoo̱.
Achichí tsjatsꞌèn bosién nínga bosién,
xikó maá yákón xí ꞌbé ki̱a̱ nangi Líbanoo̱.
16Achichí ixi tsꞌoa,
achichí tsjá mána kui.
¡Bo̱a̱ kjíꞌí kui xota̱ xi tjóna an,
jún ínchjín xi chji̱a̱ni na̱xi̱ńdáꞌniú Jerusalee̱n!
¡Bo̱a̱ kjíꞌí kui xota̱ xi mejénna an!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014