Én xí nda xi ꞌniú tsjatsó ngasee̱ 4
4
Nda̱ xo̱ngo̱ò
1¡Achichí tsjákjiꞌi ji, na̱ xi mejénna an!
¡Achichí tsjákjiꞌi ji!
Ndyikin bo̱a̱ má kón xikoó jó tójo
xi ndyi̱kotsijennii̱ nga̱xto̱n ńjñoxo̱ꞌba̱a̱.
Tsja̱taki ji bo̱a̱ má kón xikoó ngo xtín tindso̱ ínchjín,
xi ki̱a̱ ndyi̱fotjojenni nga ndyi̱kjínkꞌatsja ngi̱jin na̱xi̱ Ngalaa̱nd.
2Ńꞌni ji bo̱a̱ má tsꞌén tiboa,
xikoó ngo xtín cho̱tsa̱nga̱
xi je kiniꞌángóyá nga je ku̱i̱chá tsja̱a̱,
ngayejee̱ nga ndí ꞌni̱o̱ tjiín, kó nde ngojín xi ndi̱ kamá ngi̱jii̱n.
3Ndso̱ꞌbe ji iní, xikó maá ngo rixtó xi ꞌniú iní,
kó achichí tsjá tsꞌén ndokjo̱e̱ ji.
Kui tꞌanijin ji xi kjiꞌmani ńjñoxo̱ꞌba̱a̱,
iní xikó maá to ngrananda̱ xi je tsakjanga.
4Kjásen ji bo̱a̱ má kjiꞌi
xikoó tarié xi katsꞌénda nda̱ re Ndabii̱,
kui xi ata̱ tsjákón ndi̱jo̱ xi kiniꞌánchonnii̱ nga kamánda,
kó achichí kjín mi̱ ni xi ꞌbíchjaá ni xi ndajín
kjiyojotꞌaa̱, xi tsi̱ꞌe̱ xota̱ chꞌokon xi fíkján kjo̱a̱xcha̱án.
5Chikíi̱ bo̱a̱ má kón xikoó
jó ndií ndi̱kꞌijñá xí ꞌni̱o̱ kamá,
xi ki̱a̱ ndyi̱kjién ndi̱xcho̱ tꞌa naxóndáfoaa̱.
6Ngaskande nga si̱si̱eén,
kó ngaskande nga ko̱e̱je̱ tji̱nkꞌi̱e̱én jñoó,
mejénna kjuín án ki̱a̱ na̱xi̱ nínga tjín nisijee̱n,
mejénna kjuín án ki̱a̱ tji̱ngi̱ nínga tjín ndásíjee̱n.
7¡Achichí tsjákjiꞌi ji, na̱ xi mejénna an!
¡Jmíjiín ngo chi̱bo̱a̱ xi ndajín!
8¡Ndibéjáyéni ji na̱xi̱ Líbanoo̱!
¡Ja̱bíꞌi̱n na̱ xi mejénna an!
¡Ndibéjáyéni ji na̱xi̱ Líbanoo̱!
Ndibéjáyéni ndeskande ki̱a̱ nga̱soón na̱xi̱ Amanaa̱,
konginjáyá ñá, ndeskande ki̱a̱ nga̱soón na̱xi̱ Senii̱r ko̱jo na̱xi̱ Ermoo̱n,
nínga síndo ti̱xa̱na̱xi̱ xi síndoyá xandi̱je̱e̱,
ki̱a̱ na̱xi̱ nínga síndo xaꞌindoó.
9Jè kiniꞌíntse̱ ji ini̱ma̱na,
jí ndí ndíchja, jí ndí chjo̱onna.
Jè kiniꞌíntse̱ ji ini̱ma̱na,
ndeskande koó nga kitsitsijìnní,
xikoó tsi ki̱a̱ ikꞌítsakjájinní ngi̱jii̱n toꞌixkíi̱.
10¡Achichí tsjatsꞌèn niꞌíndajìnní,
jí ndí ndíchja, jí ndí chjo̱onna!
¡Ixi ngase niꞌínje̱ní, ta̱bo̱a̱jiín xikótsꞌèn ixi binoo̱,
kó sije̱n ngase ji, ta̱bo̱a̱jiín ngayeje ndásíje̱n xi tjiín!
11Ndso̱ꞌbe ji xikó maá tsi ntsjién fotjoo̱,
jí ndí chjo̱onna,
ngindie najen ji xikó maá tsi ntsjién ko̱jo tsi ntsjén kjifotjoo̱.
Kó ńjño xi chejé ji, bo̱a̱ má je̱n xikoó na̱xi̱ Líbanoo̱ nínga tjín yákoón.
12Jí boá xi xikoó ngo ngi̱ndie nínga tjitjíe̱ naxó, xi tjíchjáꞌyá,
jí ndí ndíchja, jí ndí chjo̱onna.
Jí boá xi xikoó ngo ndáńchꞌi̱ xi tjíchjáꞌyá,
¡jí boá xi xikoó ngo ndáńchꞌi̱ xi kji̱e̱ jmíjín xi tsꞌénjo̱!
13Chikíi̱ bo̱a̱ má kón xikoó ngo ngi̱ndie nínga tjitjíe̱ to ngrananda̱ xi nda chiniee̱,
kuí boá xi xikoó tsi tjiín naxó aleña̱, ko̱jo naxó narndo̱,
14narndo̱ ko̱jo asafraa̱n, ko̱jo nde̱je sije̱n, ko̱jo tji̱bo̱a̱kanera̱,
xikoó ngayeje yá xí tjiín nisijee̱n,
mirra̱ ko̱jo aloe̱, ko̱jo ngayeje xka̱ sije̱n xi nda ngasee̱ nga.
15Jí boá xi xikoó ngo ndáńchꞌi̱ xi tikón nínga tjín ni tjieé,
¡jí boá xi xikoó ngo ndáńchꞌi̱ nínga tjo ndáfoa xi ndibajénni na̱xi̱ Líbanoo̱!
Na̱ xo̱ngo̱ò
16¡Ji tjo̱ xi ndibánií nínga ta̱ꞌin, ti̱sítji̱n ji!
¡Ja̱bíꞌi̱n tjo̱ xi ndibánií nínga na̱ngi!
¡Tjatsièe̱ nga̱soón ngi̱ndie nínga tjitji̱e̱na naxoó,
kó ngatjaꞌándá sije̱n sije̱n!
¡Ja̱bíꞌi̱n ji xota̱ xi tjóna,
kó chítꞌe ji kui to xi nda chiniee̱!
Currently Selected:
Én xí nda xi ꞌniú tsjatsó ngasee̱ 4: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Én xí nda xi ꞌniú tsjatsó ngasee̱ 4
4
Nda̱ xo̱ngo̱ò
1¡Achichí tsjákjiꞌi ji, na̱ xi mejénna an!
¡Achichí tsjákjiꞌi ji!
Ndyikin bo̱a̱ má kón xikoó jó tójo
xi ndyi̱kotsijennii̱ nga̱xto̱n ńjñoxo̱ꞌba̱a̱.
Tsja̱taki ji bo̱a̱ má kón xikoó ngo xtín tindso̱ ínchjín,
xi ki̱a̱ ndyi̱fotjojenni nga ndyi̱kjínkꞌatsja ngi̱jin na̱xi̱ Ngalaa̱nd.
2Ńꞌni ji bo̱a̱ má tsꞌén tiboa,
xikoó ngo xtín cho̱tsa̱nga̱
xi je kiniꞌángóyá nga je ku̱i̱chá tsja̱a̱,
ngayejee̱ nga ndí ꞌni̱o̱ tjiín, kó nde ngojín xi ndi̱ kamá ngi̱jii̱n.
3Ndso̱ꞌbe ji iní, xikó maá ngo rixtó xi ꞌniú iní,
kó achichí tsjá tsꞌén ndokjo̱e̱ ji.
Kui tꞌanijin ji xi kjiꞌmani ńjñoxo̱ꞌba̱a̱,
iní xikó maá to ngrananda̱ xi je tsakjanga.
4Kjásen ji bo̱a̱ má kjiꞌi
xikoó tarié xi katsꞌénda nda̱ re Ndabii̱,
kui xi ata̱ tsjákón ndi̱jo̱ xi kiniꞌánchonnii̱ nga kamánda,
kó achichí kjín mi̱ ni xi ꞌbíchjaá ni xi ndajín
kjiyojotꞌaa̱, xi tsi̱ꞌe̱ xota̱ chꞌokon xi fíkján kjo̱a̱xcha̱án.
5Chikíi̱ bo̱a̱ má kón xikoó
jó ndií ndi̱kꞌijñá xí ꞌni̱o̱ kamá,
xi ki̱a̱ ndyi̱kjién ndi̱xcho̱ tꞌa naxóndáfoaa̱.
6Ngaskande nga si̱si̱eén,
kó ngaskande nga ko̱e̱je̱ tji̱nkꞌi̱e̱én jñoó,
mejénna kjuín án ki̱a̱ na̱xi̱ nínga tjín nisijee̱n,
mejénna kjuín án ki̱a̱ tji̱ngi̱ nínga tjín ndásíjee̱n.
7¡Achichí tsjákjiꞌi ji, na̱ xi mejénna an!
¡Jmíjiín ngo chi̱bo̱a̱ xi ndajín!
8¡Ndibéjáyéni ji na̱xi̱ Líbanoo̱!
¡Ja̱bíꞌi̱n na̱ xi mejénna an!
¡Ndibéjáyéni ji na̱xi̱ Líbanoo̱!
Ndibéjáyéni ndeskande ki̱a̱ nga̱soón na̱xi̱ Amanaa̱,
konginjáyá ñá, ndeskande ki̱a̱ nga̱soón na̱xi̱ Senii̱r ko̱jo na̱xi̱ Ermoo̱n,
nínga síndo ti̱xa̱na̱xi̱ xi síndoyá xandi̱je̱e̱,
ki̱a̱ na̱xi̱ nínga síndo xaꞌindoó.
9Jè kiniꞌíntse̱ ji ini̱ma̱na,
jí ndí ndíchja, jí ndí chjo̱onna.
Jè kiniꞌíntse̱ ji ini̱ma̱na,
ndeskande koó nga kitsitsijìnní,
xikoó tsi ki̱a̱ ikꞌítsakjájinní ngi̱jii̱n toꞌixkíi̱.
10¡Achichí tsjatsꞌèn niꞌíndajìnní,
jí ndí ndíchja, jí ndí chjo̱onna!
¡Ixi ngase niꞌínje̱ní, ta̱bo̱a̱jiín xikótsꞌèn ixi binoo̱,
kó sije̱n ngase ji, ta̱bo̱a̱jiín ngayeje ndásíje̱n xi tjiín!
11Ndso̱ꞌbe ji xikó maá tsi ntsjién fotjoo̱,
jí ndí chjo̱onna,
ngindie najen ji xikó maá tsi ntsjién ko̱jo tsi ntsjén kjifotjoo̱.
Kó ńjño xi chejé ji, bo̱a̱ má je̱n xikoó na̱xi̱ Líbanoo̱ nínga tjín yákoón.
12Jí boá xi xikoó ngo ngi̱ndie nínga tjitjíe̱ naxó, xi tjíchjáꞌyá,
jí ndí ndíchja, jí ndí chjo̱onna.
Jí boá xi xikoó ngo ndáńchꞌi̱ xi tjíchjáꞌyá,
¡jí boá xi xikoó ngo ndáńchꞌi̱ xi kji̱e̱ jmíjín xi tsꞌénjo̱!
13Chikíi̱ bo̱a̱ má kón xikoó ngo ngi̱ndie nínga tjitjíe̱ to ngrananda̱ xi nda chiniee̱,
kuí boá xi xikoó tsi tjiín naxó aleña̱, ko̱jo naxó narndo̱,
14narndo̱ ko̱jo asafraa̱n, ko̱jo nde̱je sije̱n, ko̱jo tji̱bo̱a̱kanera̱,
xikoó ngayeje yá xí tjiín nisijee̱n,
mirra̱ ko̱jo aloe̱, ko̱jo ngayeje xka̱ sije̱n xi nda ngasee̱ nga.
15Jí boá xi xikoó ngo ndáńchꞌi̱ xi tikón nínga tjín ni tjieé,
¡jí boá xi xikoó ngo ndáńchꞌi̱ nínga tjo ndáfoa xi ndibajénni na̱xi̱ Líbanoo̱!
Na̱ xo̱ngo̱ò
16¡Ji tjo̱ xi ndibánií nínga ta̱ꞌin, ti̱sítji̱n ji!
¡Ja̱bíꞌi̱n tjo̱ xi ndibánií nínga na̱ngi!
¡Tjatsièe̱ nga̱soón ngi̱ndie nínga tjitji̱e̱na naxoó,
kó ngatjaꞌándá sije̱n sije̱n!
¡Ja̱bíꞌi̱n ji xota̱ xi tjóna,
kó chítꞌe ji kui to xi nda chiniee̱!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014