Én xí nda xi ꞌniú tsjatsó ngasee̱ 6
6
Ínchjín xí chji̱a̱ni na̱xi̱ńdáꞌniú Jerusalee̱n
1Ñá kijí xota̱ xi tjoò jí,
ji xi achichí tsjákjiꞌi ngase ji ngi̱jii̱n ínchjiín.
Ñá kijí xota̱ xi tjoò jí.
¡Tsi̱ꞌe̱ nga nijan ku̱i̱ndyi̱séjo̱jne̱ ji!
Na̱ xo̱ngo̱ò
2Xota̱ xi tjóna ki̱a̱ kijí nínga tjitjíe̱ xka̱ sije̱e̱n,
ki̱a̱ kijítsꞌéntsjie ki̱a̱ nínga kjiꞌi naxoó,
ko̱jo ki̱a̱ jachókatie naxóndáfoa.
3Xota̱ xi tjoò an, kuí chji̱a̱ni an, kó án tsa̱ꞌa̱n kui,
ki̱a̱ koo̱n cho̱tsa̱nga̱a̱, ki̱a̱ tꞌa naxóndáfoaa̱.
Xi ma uún soó
Só xi sie nda̱ xo̱ngo̱ò
4Achichí tsjákjiꞌi ji na̱ xi tjóna,
bo̱a̱ má kjiꞌi ji xikoó na̱xi̱ńdáꞌniú Tirsaa̱,
achichí tsjákjiꞌi ji xikoó na̱xi̱ńdáꞌniú Jerusalee̱n,
kui xi je ꞌniú tikón xikoó ngo xtín jájún
xi je síndonda nga ndyi̱fí kjo̱a̱xchán.
5¡Ngiti̱ ánjín tsitsijìnní,
ngatꞌa̱ ndyikin boá xi xikoó tsi tsꞌéntsobéna!
Tsja̱taki ji bo̱a̱ má tsꞌén jmá, xikoó
ngo xtín tindso̱ xi ndyi̱kjínkꞌatsja ki̱a̱ tji̱ngi̱i̱ na̱xi̱ Ngalaa̱nd.
6Ńꞌni ji bo̱a̱ má tsꞌén tiboa
xikoó ngo xtín cho̱tsa̱nga̱ xi je kiniꞌángóyá.
Ngayejee̱ nga ndí ꞌni̱o̱ tjiín,
kó nde ngojín xi ndi̱ kamá ngi̱jii̱n.
7Tꞌanijin ji xi ya nga̱xto̱n kui ńjñoxo̱ꞌba̱a̱,
bo̱a̱ má kón xikoó jó tjín to ngrananda̱.
8Ka̱mara̱ kꞌuié ichítié ko̱jo tie ínchjín re,
ko̱jo tsi ichítié ko̱jo kantié ínchjín xí je tjiín xi̱ꞌin,
ko̱jo kjín ínchjín xo̱ngò,
9ta̱nga ta̱ ngo tsí má xi tójona,
kui na̱ xi tikón ndo̱jò ndójo̱ò,
ta̱kuítsí bo̱a̱ xi ndí ngototoo̱ kui xota̱chjo̱on xí yeꞌeé jí.
Nga kamábe ínchjín xo̱ngo̱ò,
achichíra̱ tsjaa̱ kui naa̱ katsó,
ínchjín ree̱ ko̱jo ínchjín xí je tjiín xi̱ꞌii̱n achichí katsꞌéntsjaà.
Já amingoo̱
10ꞌYání bo̱a̱ xi kjifotjokjà xikó maá nga ndibáꞌásie̱én,
achichí tsjákjiꞌi xikó maá saá,
tikón ꞌna̱ ꞌna̱ xikó maá tsꞌueé,
ꞌniú tikón xikoó ngo xtín jájún
xi je síndonda nga ndyi̱fí kjo̱a̱xchán.
Na̱ xo̱ngo̱ò
11Kijíjaya an nínga kjiꞌi yátjié xi tsjá to nuee̱s,
tsi̱ꞌe̱ nga kijíkatsijèe̱n to xí tjín nangisoón,
ko̱jo tsi̱ꞌe̱ nga skuie an tsi je kjiꞌbíńtsꞌién ńꞌniuú tostsi̱je̱è,
ko̱jo tsi je tjitjó naxoó yángranandaa̱.
12Kó ngije kamákjínna, ini̱ma̱na ki̱a̱ kijíjo̱na,
nínga tikón karroo̱ xota̱ xi tjóna an.
Já amingoo̱
13Ndibé nginí ji, ndibé nginí ji na̱ nangi Sulaa̱n,
Ndibé nginí ji, ndibé nginí ji tsi̱ꞌe̱ nga stsitsíjenjne̱ ji.
Mí ni xi mejénjnú nga stsitsíjenjnúu̱.
¡Xi kótsꞌèn ché ji ngi̱jii̱n ngajó ngi̱ndie nínga síndo ndiꞌańjñoo̱ xotaa̱!
Currently Selected:
Én xí nda xi ꞌniú tsjatsó ngasee̱ 6: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Én xí nda xi ꞌniú tsjatsó ngasee̱ 6
6
Ínchjín xí chji̱a̱ni na̱xi̱ńdáꞌniú Jerusalee̱n
1Ñá kijí xota̱ xi tjoò jí,
ji xi achichí tsjákjiꞌi ngase ji ngi̱jii̱n ínchjiín.
Ñá kijí xota̱ xi tjoò jí.
¡Tsi̱ꞌe̱ nga nijan ku̱i̱ndyi̱séjo̱jne̱ ji!
Na̱ xo̱ngo̱ò
2Xota̱ xi tjóna ki̱a̱ kijí nínga tjitjíe̱ xka̱ sije̱e̱n,
ki̱a̱ kijítsꞌéntsjie ki̱a̱ nínga kjiꞌi naxoó,
ko̱jo ki̱a̱ jachókatie naxóndáfoa.
3Xota̱ xi tjoò an, kuí chji̱a̱ni an, kó án tsa̱ꞌa̱n kui,
ki̱a̱ koo̱n cho̱tsa̱nga̱a̱, ki̱a̱ tꞌa naxóndáfoaa̱.
Xi ma uún soó
Só xi sie nda̱ xo̱ngo̱ò
4Achichí tsjákjiꞌi ji na̱ xi tjóna,
bo̱a̱ má kjiꞌi ji xikoó na̱xi̱ńdáꞌniú Tirsaa̱,
achichí tsjákjiꞌi ji xikoó na̱xi̱ńdáꞌniú Jerusalee̱n,
kui xi je ꞌniú tikón xikoó ngo xtín jájún
xi je síndonda nga ndyi̱fí kjo̱a̱xchán.
5¡Ngiti̱ ánjín tsitsijìnní,
ngatꞌa̱ ndyikin boá xi xikoó tsi tsꞌéntsobéna!
Tsja̱taki ji bo̱a̱ má tsꞌén jmá, xikoó
ngo xtín tindso̱ xi ndyi̱kjínkꞌatsja ki̱a̱ tji̱ngi̱i̱ na̱xi̱ Ngalaa̱nd.
6Ńꞌni ji bo̱a̱ má tsꞌén tiboa
xikoó ngo xtín cho̱tsa̱nga̱ xi je kiniꞌángóyá.
Ngayejee̱ nga ndí ꞌni̱o̱ tjiín,
kó nde ngojín xi ndi̱ kamá ngi̱jii̱n.
7Tꞌanijin ji xi ya nga̱xto̱n kui ńjñoxo̱ꞌba̱a̱,
bo̱a̱ má kón xikoó jó tjín to ngrananda̱.
8Ka̱mara̱ kꞌuié ichítié ko̱jo tie ínchjín re,
ko̱jo tsi ichítié ko̱jo kantié ínchjín xí je tjiín xi̱ꞌin,
ko̱jo kjín ínchjín xo̱ngò,
9ta̱nga ta̱ ngo tsí má xi tójona,
kui na̱ xi tikón ndo̱jò ndójo̱ò,
ta̱kuítsí bo̱a̱ xi ndí ngototoo̱ kui xota̱chjo̱on xí yeꞌeé jí.
Nga kamábe ínchjín xo̱ngo̱ò,
achichíra̱ tsjaa̱ kui naa̱ katsó,
ínchjín ree̱ ko̱jo ínchjín xí je tjiín xi̱ꞌii̱n achichí katsꞌéntsjaà.
Já amingoo̱
10ꞌYání bo̱a̱ xi kjifotjokjà xikó maá nga ndibáꞌásie̱én,
achichí tsjákjiꞌi xikó maá saá,
tikón ꞌna̱ ꞌna̱ xikó maá tsꞌueé,
ꞌniú tikón xikoó ngo xtín jájún
xi je síndonda nga ndyi̱fí kjo̱a̱xchán.
Na̱ xo̱ngo̱ò
11Kijíjaya an nínga kjiꞌi yátjié xi tsjá to nuee̱s,
tsi̱ꞌe̱ nga kijíkatsijèe̱n to xí tjín nangisoón,
ko̱jo tsi̱ꞌe̱ nga skuie an tsi je kjiꞌbíńtsꞌién ńꞌniuú tostsi̱je̱è,
ko̱jo tsi je tjitjó naxoó yángranandaa̱.
12Kó ngije kamákjínna, ini̱ma̱na ki̱a̱ kijíjo̱na,
nínga tikón karroo̱ xota̱ xi tjóna an.
Já amingoo̱
13Ndibé nginí ji, ndibé nginí ji na̱ nangi Sulaa̱n,
Ndibé nginí ji, ndibé nginí ji tsi̱ꞌe̱ nga stsitsíjenjne̱ ji.
Mí ni xi mejénjnú nga stsitsíjenjnúu̱.
¡Xi kótsꞌèn ché ji ngi̱jii̱n ngajó ngi̱ndie nínga síndo ndiꞌańjñoo̱ xotaa̱!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014