Matioo̱ 1
1
Kuí bí xi̱ꞌbi̱ xi xota̱ tji̱e̱ xi yaꞌanii̱ Jesukristoo̱
(Rka 3:23-38)
1Kuí bí xo̱jo̱n nínga kjitꞌa jaꞌeén xota̱ tji̱e̱ xi chji̱a̱ni Jesukristoo̱, kui xi xota̱ tji̱e̱e̱ Ndabii̱, kó Ndabii̱ ndií Abraa̱n.
2Abraa̱n na̱ꞌmii̱ Isaa̱, kó Isaa̱ na̱ꞌmii̱ Jako̱b, kó Jako̱b, na̱ꞌmii̱ Jundáa̱ ko̱jo ntsꞌi̱e̱. 3Kó Jundáa̱ na̱ꞌmii̱ kó na̱ Tamaa̱r na̱aa̱n Faree̱ ko̱jo Saraa̱, kó Faree̱ na̱ꞌmii̱ Esroo̱n, kó Esroo̱n na̱ꞌmii̱ Araa̱n. 4Kó Araa̱n na̱ꞌmii̱ Aminandaa̱b, kó Aminandaa̱b na̱ꞌmii̱ Naasoo̱n, kó Naasoo̱n na̱ꞌmii̱ Salmoo̱n. 5Kó Salmoo̱n na̱ꞌmii̱ kó na̱ Raa̱b na̱aa̱n Boo̱, kó Boo̱ na̱ꞌmii̱, kó na̱ Ruu̱t na̱aa̱n Obee̱nd, kó Obee̱nd na̱ꞌmii̱ Isaii̱. 6Kó Isaii̱ na̱ꞌmii̱ re Ndabii̱, kó re Ndabii̱ na̱ꞌmii̱ Salomoo̱ xi na̱an kamaá chjo̱ón Uriyaa̱.
714 Kó Salomoo̱ na̱ꞌmii̱ Roboa̱n, kó Roboa̱n na̱ꞌmii̱ Abiyaa̱, kó Abiyaa̱ na̱ꞌmii̱ Asaa̱. 8Kó Asaa̱ na̱ꞌmii̱ Josafaa̱t, kó Josafaa̱t na̱ꞌmii̱ Joraa̱n, kó Joraa̱n na̱ꞌmii̱ Usiyaa̱. 9Kó Usiyaa̱ na̱ꞌmii̱ Jotaa̱n, kó Jotaa̱n na̱ꞌmii̱ Akaa̱, kó Akaa̱ na̱ꞌmii̱ Esekiyaa̱. 10Kó Esekiyaa̱ na̱ꞌmii̱ Manasee̱, kó Manasee̱ na̱ꞌmii̱, kó Amoo̱n na̱ꞌmii̱ Josiyaa̱. 11Kó Josiyaa̱ na̱ꞌmii̱ Jekoníaa̱ ko̱jo ntsꞌi̱e̱, ni̱xtjin nga tsangínjo̱ xota̱ xi chji̱a̱ni Israee̱l nangi Babilonia̱.
12Kó ngije tsangínjo̱ nangi Babilonia̱ Jekoníaa̱, na̱ꞌmi kamánii̱ Salatiee̱l, kó Salatiee̱l na̱ꞌmii̱ Sorobabee̱l. 13Kó Sorobabee̱l na̱ꞌmii̱ Abiuu̱, kó Abiuu̱ na̱ꞌmii̱ Eliakii̱n, kó Eliakii̱n na̱ꞌmii̱ Asoo̱r. 14Kó Asoo̱r na̱ꞌmii̱ Sandoo̱k, kó Sandoo̱k na̱ꞌmii̱ Akii̱n, kó Akii̱n na̱ꞌmii̱ Eliuu̱nd. 15Kó Eliuu̱nd na̱ꞌmii̱ Eleasaa̱, kó Eleasaa̱ na̱ꞌmii̱ Mataa̱n, kó Mataa̱n na̱ꞌmii̱ Jako̱b, 16kó Jako̱b na̱ꞌmii̱ Kosiee̱, xi̱ꞌii̱n na̱ Riyaa̱, na̱aa̱n Kristoo̱.
17Bo̱a̱ tsꞌén ngayeje tji̱e̱e̱ xota̱ xi yaꞌanii̱ ndeskande Abraa̱n, ngaskande Ndabii̱ tienijón tji̱e̱e̱ xota̱ ma. Ndeskande Ndabii̱ ngaskande nga ikiyotji̱ngii̱ xota̱ Babiloniaa̱, ti̱ tienijón tji̱e̱e̱ xota̱ ma nga. Kó ndeskande nga ikiyotji̱ngii̱ xota̱ Babiloniaa̱, ngaskande nga katsen Kristoo̱, tienijón tji̱e̱e̱ xota̱ ma nga.
Bi̱ tsꞌén katsen Jesukristoo̱
(Rka 2:1-7)
18Bi̱ kamá nga katsen Jesukristoo̱: Na̱ Riyaa̱, na̱aa̱n Kjisoo̱, ja̱bo̱a̱ jé índa nga Kosiee̱ ku̱i̱xanjo̱, ta̱nga ngindiee̱ nga kꞌuíndojo̱ xkjín, kamábe nga A̱si̱énni̱xtjii̱n Néná ngo ndí jè katsjaá. 19Kó Kosiee̱ nda̱ xi ka̱ma xi̱ꞌii̱n na̱ Riyaa̱, ngo nda̱ xi kixi̱ kamá, kó kamámejénjiín nga kjo̱a̱soboá tsja̱á ngindyi̱ko̱n xotaa̱. Kó katsꞌénkjó nga ta̱ ꞌma ꞌma ku̱i̱ꞌíjñá. 20Ta̱nga tji̱e̱nga tjítsꞌénkjó kuí nii̱, ngo ndítsjiee̱ Néná tsíchji̱a̱jo ngi̱jin ńjñá jàn, kó bi̱ katsoó:
–Kosiee̱, ji xi xota̱ tji̱e̱e̱ Ndabii̱, ngata̱ ndakinjín má ji nga ku̱i̱xenje̱ ji na̱ Riyaa̱, chjóo̱n, ngatꞌa̱ ndí xí yaꞌa, A̱si̱énni̱xtjii̱n Néná boá xi katsjaá. 21Kó na̱ Riyaa̱ ngo ndí kꞌuieé, kó KJISO̱ kuítꞌe jaꞌén, ngatꞌa̱ kuí boá xi kꞌo̱xiéꞌá xota̱ na̱xi̱ńdaá kjo̱a̱a̱ jé xí ndyi̱tsꞌèn.
22Ngayeje kui nii̱ kamá tsi̱ꞌe̱ nga kjo̱tjosón ni xi katsó Néná nga katsóyaà nda̱chji̱ni̱e̱ꞌe̱én Néná, kjiꞌanga bi̱ katsó:
23Ngo tsa̱kjìn xo̱ngò ndí ko̱a̱ꞌa̱, kó ngo ndí kꞌuieé,
kó Emanue̱l si̱tꞌa jaꞌén.
Néná tikónjo̱ná, tsó kui eén.
24Kó nga jaꞌaá Kosiee̱, katsꞌén ni xi katsoó ndítsjiee̱ Néná, kó ixánjo̱ chjo̱ón. 25Kó nde kji̱e̱ foyojojo̱jín xkjín nga kisꞌiee̱ ngo ndí na̱ Riyaa̱, kui xi KJISO̱ ítꞌajaꞌén.
Currently Selected:
Matioo̱ 1: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014