Malaci 4
4
Ngai dờng Yàng Jehôwa dê
1 “Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in. 2Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê. 3Gen bol mê rơp jă trơm ală cau iơh bơsak, bol khai rơp kung be la bùh ơm hơđơm kơndòl jơng bol mê dê tòm ngai tòm tŭ Añ lơh ală bơta hơ̆,” Yàng Jehôwa Gơnap Gơnoar Dờng Làm Jơh đơs behơ̆. 4“Kah wơl tĕ bơta bơto sồr dĭ gơna Añ jê la Môise, ală bơta sồr lam mơ boh lam mơ Añ neh ai khai in hơđang mơnơm Hôrep, nàng ai jơh làng bol Israel in.
5 Ne, Añ rơp sồr cau gơnoar hwơr Eli tus mơ bol mê lài mơ tŭ tus ngai dờng mơ rngòt rngơt Yàng Jehôwa dê. 6Khai rơp pơrlac nùs ală mè bèp wèt wơl mơ kòn sau bol khai dê, mơ nùs ală kòn sau wèt wơl mơ mè bèp bol khai dê; nàng Añ rơp ò tus ai bơta srat sơntơm mơ lơh glài lơgar do.”
Currently Selected:
Malaci 4: KPM2018
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.