OSEAS 13
13
«Ez dut gupidarik bihotzean»
1Efraim mintzo zenean,
ikara sortzen zuen Israelen.
Baina, Baal zerbitzatuz,
errudun bihurtu
eta galdu egin zen.
2Oraindik ere bekatu eginez
jarraitzen dute:
beren zilarrez, jainko-irudiak
moldatzen dituzte
beren asmamenaren arabera,
artisau-lan hutsa guztia.
Baina sakrifizioak eskaini behar
omen zaizkie.
Gizakiak zekorrei musuka#13,2 Baina sakrifizioak… musuka: Hebreerazkoa iluna da.!#jainko-irudiak 8,4-5. sakrifizioak eskaini 1 Erg 12,32; 19,18.
3Horregatik, goiz-lainoaren
antzeko izango dira,
berehala kentzen duen
goiz-ihintzaren antzeko;
haizeak larrainetik urruti daraman
lasto-izpiaren eta tximiniatik doan
kearen antzeko.#goiz-lainoa, ihintza 6,4+. haizeak eraman 4,19+.
4Honela dio Jaunak:
«Baina ni, Jaun hau,
zure Jainkoa naiz
Egipton zeundenetik.
Ez duzu ni beste jainkorik
aitortu behar,
ez baita nitaz kanpo
beste salbatzailerik.#ni zure Jainkoa 12,10+. beste salbatzailerik ez Dt 32,39; Is 43,11; 45,21. Ik. 13,9.
5Nik zaindu zintudan basamortuan,
lur idorrean.#basamortuan zaindu, jaten eman 11,4+.
6Janaritu nituen eta ase ziren.
Baina ase orduko,
harrotu egin ziren
eta ahaztu egin ninduten.#ahaztu 8,14+.
7Beraz,
lehoi bihurtuko naiz haientzat,
lehoinabarra bezala
egongo natzaie zelatan.#Jauna lehoi 5,14+.
8Umeak harrapatu dizkioten
hartz amak bezala egingo diet eraso,
bularra urratuko diet.
Lehoi amak bezala irentsiko ditut,
basapiztiek sarraskituko dituzte.
9Zureak egin du, Israel;
ez duzu ni beste laguntzailerik.
10Non duzu orain zeure erregea,
zeure hirietan salba zaitzan?
Non dira zure agintariak?
Hala eskatu zenidan:
“Emazkidazu erregea
eta buruzagiak”.#Emadazu erregea 1 Sm 8,5-6.22.
11Haserreturik, erregea eman nizun
eta, sumindurik,
kendu egingo dizut orain.#erregea kendu 1,4; 10,15.
12Efraimen bekatua gogoan daukat,
haren hutsegiteak ongi jasoak ditut.#bekatua gogoan 7,2+.
13Haur zoro baten antzeko da Israel:
amari erdiminak iristean,
ez da aterabidean jartzen.#haur zoro Is 37,3.
14Eta Hildakoen Egoitzatik
atera egingo ote ditut?
Heriotzatik askatu egingo ote ditut?
Herio, non dituk heure izurriak?
Herio-leize,
non dituk heure gaitzak?
Ez dut gupidarik bihotzean».#Herio, non… ? 1 Ko 15,55.
15Efraim bere senideen artean
jori ageri bada ere,
hego-haizea#13,15 hego-haizea: Asiria, alegia. bidaliko du Jaunak
basamortuan gora:
Efraimen urburua lehortuko du,
iturriak agortuko.
Altxorreko bitxi eder guztiak
eraman egingo dizkiote.
Currently Selected:
OSEAS 13: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso