เนหะมี 3
3
แอ๋ง เหธย เจี์ย ฒี่ง หลาด
1เอลียาซี้บ ต้ม ไซ เมี่ยน เหธา เจี๊ยน นิ่น โหฒว ไซ เมี่ยน วั้ว เต๋ย ก๋อ-โย์ว เหฌี่ย ปั์ว เหธย ปะกี ยู่ง แก้ง. นิ่น บัว ฝูง ปุน ทิน-ฮู่ง#3:1 ม่าย เต๋ย โซว ฟาน ต้าย ก๊อง สา ธีง-เหฑ่ง ต้าย. ฯฒฯ แน้ด เจี๊ยน แก้ง. นิ่น บัว แอ๋ง เหธย เจี๊ยน ฒี่ง หลาด มี่ง เถา เหยียด แป๊ะ แปง เญย ล่าว, ฯฒฯ สา หวุย ฝูง ปุน ทิน-ฮู่ง เถา ฮานันเอน เญย ล่าว. 2เยลีโค เมี่ยน แอ๋ง เหธย ต๋าว เจี๊ยน วั้ว โต่ว ฒี่ง หลาด. อิมลี เญย ตอน, สักเก, แอ๋ง เหธย ต๋าว เจี๊ยน วั้ว โต่ว.
3หัดเสนาอา เญย ฟุน-ฟะ แอ๋ง เหลียบ เจี์ย เบย์า-แก้ง. นิ่น บัว โหฒว แก้ง ชอง, แอ๋ง แน้ด เจี๊ยน แก้ง, เฒาะ แก้ง ซอน เหธา หธุน แก้ง ซอน เญย กะน้าย แน้ด เจี๊ยน. 4ต๋าว น้าย มี่ง, ฮักโขด เญย ฟุน, อุลีอา เญย ตอน, เมเลโม้ด, หฒ่อ. ต๋าว เจี๊ยน มี่ง เมเซซาเบน เญย ฟุน, เบเลคิยา เญย ตอน, เมซุนลาม, หฒ่อ. แอ๋ง เจี๋ย มี่ง บาอานา เญย ตอน, สาโดก, หฒ่อ. 5เจี๋ย มี่ง วั้ว โต่ว เทโคอา ฒี่ง เญย เมี่ยน โหฒว. มป่า นิ่น บัว โหฒว โฮล เญย เมี่ยน ไม้ คั้ง โหฒว กง-โปว-เฮนี้ย หฒิว กุ๊น กง เมี่ยน พ้าย นิ่น บัว โหฒว.
6ปาเสอา เญย ตอน, โยยาดา, เหธา เบโสไดอา เญย ตอน, เมซุนลาม, หฒ่อ เยซานา แก้ง.#3:6 เยซานา แก้ง แอ๋ง ม่าย กั้น นอม บั๋ว เห่ว โล์-แก้ง. นิ่น บัว โหฒว แก้ง ชอง แอ๋ง แน้ด เจี๊ยน แก้ง, เฒาะ แก้ง ซอน เหธา หธุน แก้ง ซอน เญย กะน้าย แน้ด เจี๊ยน. 7เจี๋ย มี่ง วั้ว โต่ว เซ กิเบโอน ฒี่ง เญย เมี่ยน, เมลาตียา, เหธา เมโลโน้ด ฒี่ง เญย เมี่ยน, ยาโดน, เหธา เจี๊ยน กิเบโอน เหธา มิดปา เมี่ยน หฒ่อ. น้าย โต่ว ต๋อง เซ ยูเฟติด ด้าย บะฮนอย ด๊อด แหมง เญย แซ้ง-เฒี้ยว กุ๊น เญย ต๋อง.#3:7 ไฟ “หฒ่อ เถา ยูเฟติด ด้าย บะฮนอย ด๊อด แหมง เญย แซ้ง-เฒี้ยว เญย เปย๊า”. 8ต๋าว น้าย มี่ง, ฮานฮายา เญย ตอน, อุดซีเอน, วั้ว เต้า เจียม-หฒั่ง หฒ่อ. แอ๋ง เจี๋ย มี่ง วั้ว โต่ว, เผว ววม-ดาง เญย หฒั่ง เมี่ยน, ฮานันยา, หฒ่อ. นิ่น บัว แอ๋ง เหธย เจี์ย เยลูซาเลม เญย ฒี่ง หลาด มี่ง เถา หลาด จั๊ง วั้ว นอม ต๋อง. 9ต๋าว น้าย มี่ง, ม่าย ฮูอา เญย ตอน, เลไฟยา, กุ๊น เหยียด ป่วน เยลูซาเลม ฒี่ง วั้ว เต้า หฒ่อ. 10เจี๋ย มี่ง ฮาลุมับ เญย ตอน, เยดายา, หฒ่อ ต๋อย นิ่น กั้น เญย เปย๊า วั้ว นอม ต๋อง. เจี๋ย มี่ง วั้ว โต่ว, ฮาซับเนยา เญย ตอน, ฮัดทัด, หฒ่อ. 11ต๋าว น้าย มี่ง, ฮาลิม เญย ตอน, มันคิยา, เหธา ปาหัดโมอับ เญย ตอน, หัดซู้บ, หฒ่อ ฒี่ง หลาด เจี๋ย มี่ง เถา ฒิ ฌั้ว โหฑ เญย ล่าว. 12ต๋าว เจี๊ยน มี่ง วั้ว โต่ว ม่าย ฮันโลเหด เญย ตอน, ซันลูม, กุ๊น เหยียด ป่วน เยลูซาเลม ฒี่ง วั้ว เต้า เจียน, เหธา เจี๊ยน นิ่น เญย เซียะ บัว หฒ่อ.
13ฮานูน เหธา สาโนอา ฒี่ง เญย แปะ ฝีง หฒ่อ ฮ์อง-แก้ง. นิ่น บัว เฒาะ แก้ง ชอง แอ๋ง แน้ด เจี๊ยน แก้ง, เฒาะ แก้ง ซอน เหธา หธุน แก้ง ซอน เญย กะน้าย แน้ด เจี๊ยน. นิ่น บัว แอ๋ง เหธย ฒี่ง หลาด ด๊าว มี่ง เหยียด ธิน เดาะ, เถา หละฟับ-ดุย แก้ง.#3:13-14 เป๊ย หมั่ง เนหะมี 2:13.
14เลค้าบ เญย ตอน, มันคิยา, กุ๊น เบดฮักเคเลม เต่ย วั้ว เต้า เจียน, หฒ่อ หละฟับ-ดุย แก้ง. นิ่น เหลียบ แก้ง ชอง แอ๋ง แน้ด เจี๊ยน แก้ง, เฒาะ แก้ง ซอน เหธา หธุน แก้ง ซอน เญย กะน้าย แน้ด เจี๊ยน.
15โคนโฮเซ เญย ตอน, ซันลูม, กุ๊น มิดปา เต่ย วั้ว เต้า เจียน, หฒ่อ ววม-ฒี้ง แก้ง. นิ่น เหลียบ แก้ง ชอง แอ๋ง ก๊ม กู้ หงว่าย ฯฒฯ แน้ด เจี๊ยน แก้ง, เฒาะ แก้ง ซอน เหธา หธุน แก้ง ซอน เญย กะน้าย แน้ด เจี๊ยน. นิ่น หย่า หฒ่อ นิด เชลา ววม-ต้ม#3:15 เชลา ววม-ต้ม เซ สีโลอัม ววม-ต้ม. วั้ว โต่ว ฒี่ง หลาด, เซ นิด ฮู่ง เตี๋ย เญย หฮวีง วั้ว นอม ต๋อง, เถา เหฌี่ย ดาวิด ฮู่ง เญย ฒี่ง เญย เทย. 16ต๋าว น้าย มี่ง, อัดบูก เญย ตอน, เนหะมี, กุ๊น เหยียด ป่วน เบดสูอา เต่ย วั้ว เต้า หฒ่อ, หย่า หฒ่อ เจี๊ยน มี่ง เถา ต๋อย ดาวิด ฮู่ง เญย โฒ้ว วั้ว นอม ต๋อง, แอ๋ง มี่ง เถา เมี่ยน เว้ด ต้าย เญย ววม-ต้ม เหธา แปง-เธี้ยง.
โหฒว ฒี่ง หลาด เญย เลวี เมี่ยน
17ต๋าว น้าย มี่ง, บานี เญย ตอน, เลฮูม ต้อ เลวี เมี่ยน หฒ่อ. แอ๋ง เจี๋ย มี่ง ม่าย กุ๊น เหยียด ป่วน เคอีลา เต่ย วั้ว เต้า ฮาซาปิยา, โหฒว นิ่น กั้น เญย เต่ย เญย ป่วน. 18เจี๋ย มี่ง, เฮนาดัด เญย ตอน, บินนุย,#3:18 บินนุย ไฟ บับไว. เซ กุ๊น เหยียด ป่วน เคอีลา เต่ย วั้ว เต้า, ต้อ นิ่น เญย ป๊วน-เต่ย เมี่ยน หฒ่อ นิ่น บัว เญย ป่วน. 19ต๋าว น้าย มี่ง, เยซูอา เญย ตอน, เอเซ, กุ๊น มิดปา ฒี่ง วั้ว เต้า, หฒ่อ เยียม ต๋อย เจ๊า ฝาว เซียว หวัวะ กิ่น เญย ต๋อง เถา ฒี่ง หลาด หฑวน ฌ้วด เญย ต๋อง. 20ต๋าว เจี๊ยน มี่ง ม่าย สับไบ เญย ตอน, บาลุก, เยียม หลาด หฑวน ฌ้วด เญย ต๋อง ชะ หฒ่อ เถา เอลียาซี้บ ต้ม ไซ เมี่ยน เญย แก้ง ด่าง. 21เจี๋ย มี่ง ฮักโขด เญย ฟุน, อุลีอา เญย ตอน, เมเลโม้ด, หฒ่อ เหยียด โต่ว เยียม เอลียาซี้บ ต้ม ไซ เมี่ยน เญย แก้ง ด่าง มี่ง เถา จ่ม วั้ว นอม เปย๊า.
22ต๋าว น้าย มี่ง, ฮวีง หฑวน เยลูซาเลม ฒี่ง เญย ไซ เมี่ยน หฒ่อ. 23เจี๋ย มี่ง เบนยามิน เหธา หัดซู้บ หฒ่อ เยียม นิ่น บัว เญย เปย๊า หฑะเฮมียน แหมง วั้ว โต่ว หลาด. แอ๋ง เจี๋ย มี่ง อานานียา เญย ฟุน, มาอาเสอา เญย ตอน, อาซาลิยา, หฒ่อ นิด นิ่น กั้น เญย เปย๊า วั้ว โต่ว ต๋อง. 24ต๋าว น้าย มี่ง, เฮนาดัด เญย ตอน, บินนุย, แอ๋ง หฒ่อ เหยียด โต่ว, เยียม อาซาลิยา เญย เปย๊า มี่ง เถา ฒี่ง หลาด หฑวน ฌ้วด หย่า เถา ฒี่ง เก๊าะ. 25อุไซ เญย ตอน, ปาลาน, หฒ่อ ต๋อย ฒี่ง หลาด หฑวน ฌ้วด เหธา เยียม กู้ หงว่าย วั้ว คัง ฮู่ง ติ่น ธับ ธ้วด โหฒว ล่าว เญย ต๋อง, นิด ฒั้ว ฮู่ง ติ่น เญย เธี้ยง. ต๋าว น้าย มี่ง, ปาโล้ด เญย ตอน, เปดายา, 26เหธา เยียม โอเฟน บง โหฒว หฒั่ง ทิน-ฮู่ง เญย เปย๊า เญย โปว วั้ว เต๋ย หฒ่อ เถา ตง ปูง แหมง ววม-แก้ง เญย ต๋อย-หง่าน เหธา ธับ ล่าว ธ้วด เญย ต๋อง.
แอ๋ง กั้น ม่าย เต๋ย โหฒว ฒี่ง หลาด เญย เมี่ยน
27ต๋าว น้าย มี่ง เทโคอา เมี่ยน แอ๋ง หฒ่อ โต่ว เยียม ธับ ธ้วด เญย ต้ม ล่าว มี่ง เถา นิด โอเฟน เญย ฒี่ง หลาด.
28เยียม ม์า-แก้ง ฝาว, ไซ เมี่ยน หฒ่อ. เก๊าะ-เมี่ยน หย่า หฒ่อ ต๋อย เก๊าะ-เมี่ยน เญย เปย๊า เญย ฒี่ง หลาด. 29เจี๋ย มี่ง อิมเม เญย ตอน, สาโดก, หฒ่อ ต๋อย นิ่น กั้น เญย เปย๊า วั้ว โต่ว. ต๋าว น้าย มี่ง, เซคานิยา เญย ตอน, เซไมอา, ต้ง ฒั้ว ตง ปูง แก้ง วั้ว เต้า หฒ่อ. 30เจี๋ย มี่ง เซเลมิยา เญย ตอน, ฮานันยา, เหธา สาล้าบ เญย ตะหลัวะ เต้า ตอน, ฮานูน, หฒ่อ เหยียด โต่ว. ต๋าว น้าย มี่ง, เบเลคิยา เญย ตอน, เมซุนลาม, หฒ่อ ต๋อย นิ่น กั้น เยียม เญย ต๋อง. 31ต๋าว เจี๊ยน มี่ง ม่าย เต้า เจียม-หฒั่ง, บั๋ว เห่ว มันคิยา, หฒ่อ เถา หฒั่ง ทิน-ฮู่ง เญย เปย๊า เญย โปว เหธา แซง-เอ๋ย เมี่ยน เยียม เญย เปย๊า, ต๋อย ฮามีปาคัด แก้ง#3:31 ไฟ ติ๊ม แปง แก้ง. มี่ง เถา ฒี่ง หลาด เก๊าะ กู้ หงว่าย เญย ล่าว. 32เยียม เก๊าะ กู้ หงว่าย เญย ล่าว มี่ง เถา ปะกี ยู่ง แก้ง เซ เจียม-หฒั่ง เหธา แซง-เอ๋ย เมี่ยน หฒ่อ.
Currently Selected:
เนหะมี 3: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007