เนหะมี 2
2
เนหะมี มี่ง เยลูซาเลม
1อานทาเซซี้ด โหฒว ฮู่ง เตี๋ย หญี่ เหฒียบ หฮญัง วั้ว หฮญัง, นิสาน หฮลา, ม่าย อะหงุ่น ติ๊ว เบ่น เหฒียง เยียม ฮู่ง เตี๋ย เญย หฑะเฮมียน วั้ว หฒั่น, เยีย โป้ว ติ๊ว ปุน ฮู่ง เตี๋ย ฮบ. เยียม ฮู่ง เตี๋ย เญย หฑะเฮมียน เยีย ไม้ ม่าย เจี๋ย เฮมียน เฑ่า. 2ฮู่ง เตี๋ย ฯฒฯ หน่าย เยีย, “เม่ย เญย เฮมียน เหว่ย หาย ติ่ว ด่ง หน่าย เฑ่า? เม่ย ไม้ เฒ์ย ปุ๊ด แป่ง ม่าย ลั่ม มุน ซ่าะ? ต๋าย เม่ย เญย เฮญี้ยว เฑ่า ฮนั้ง.”
เยีย กั้ม เหฑีย ไห่, 3มป่า เยีย เตา ฮู่ง เตี๋ย, “โท้ ปุน ฮู่ง เตี๋ย เฒี่ยง ตุ๊ หม่าน ฝุย. เยีย ฮนั้ง หาย นอ ไม้ เฑ่า? หฒัง เยีย เญย อง-ถาย เญย ฒี่ง เป๋น ฒี่ง ฮวาง. ฒี่ง หลาด เญย แก้ง หย่า หฒุ โต์ว ปั๊ว หว่าย เหฑ่ง.”#2 ฮู่ง โต้ว 25:8-10; 2 ฒุ่น ต่อย โต้ว 36:19; เยเลมี 52:12-14
4ฮู่ง เตี๋ย ฯฒฯ หน่าย เยีย, “เม่ย อ๋อย โท้ หาย หญู่ง ไฟ?”
เยีย เหธา ลู่ง หฒั่ง เญย ทิน-ฮู่ง เต๋า เก๋า, 5หย่า เตา ฮู่ง เตี๋ย, “สี ก๊อง เม่ย ปวัด หอบ เฮญี้ยว เญย, หย่า อะเฮน้ย เยีย, เม่ย เญย โปว นอ, โท้ ปุน เยีย มี่ง ยูดา เต่ย-ปูง, เถา หฒัง เยีย เญย อง-ถาย เญย ฒี่ง เหว่ย แอ๋ง เซียง-เหธย เจี์ย ต้าย.”
6ฮู่ง เตี๋ย เหธา เยีย ก๊อง หว่า วั้ว หฒั่น ม่าย ฮู่ง หม่า เฒว์ย เจี๊ยน นิ่น เญย กะเฮลน. ฮู่ง เตี๋ย หน่าย เยีย, “เม่ย อ๋อย มี่ง ด่ง หาย เล่า? หาย หฒั่น หธีง หฑวน ต้าย?” ฮู่ง เตี๋ย ฆอย เอ๋ย ปุน เยีย มี่ง, เยีย ฯฒฯ ตี่ง เหฒียง เฒี่ยง โห่ ปุน ฮู่ง เตี๋ย ฮิ้ว.
7เยีย ฯฒฯ บั๋ว ฮู่ง เตี๋ย, “สี ก๊อง หอบ เม่ย เญย เฮญี้ยว นอ, โท้ ปุน เฒ้ย โซว เยีย ต้อ มี่ง ปุน ยูเฟติด ด้าย บะฮนอย ด๊อด แหมง เญย แซ้ง-เฒี้ยว. นิ่น บัว ฯฒฯ ฆอย ฑุ่ย ปุน เยีย เจี๋ย มี่ง เถา ยูดา เต่ย-ปูง. 8เยีย แอ๋ง โท้ เฒ้ย โซว ปุน กุ๊น ฮู่ง เตี๋ย เญย เดี๋ยง-หล่ม วั้ว เต้า อาสาบ, บั๋ว นิ่น ปุน เดี๋ยง เยีย หล่ง โหฒว ฒั้ว หฒั่ง ทิน-ฮู่ง เญย เปย๊า เญย ล่าว เญย แก้ง ชอง, โหฒว ฒี่ง หลาด หย่า โหฒว เยีย กั้น เยียม เญย เปย๊า.” เหว่ย หฒุ ทิน-ฮู่ง เหธา เยีย เยียม, เยีย โท้ เญย หญู่งๆ ฮู่ง เตี๋ย ฯฒฯ ปุน เยีย. 9เยีย ฯฒฯ มี่ง เถา ยูเฟติด ด้าย บะฮนอย ด๊อด แหมง เญย แซ้ง-เฒี้ยว, เฒาะ ฮู่ง เตี๋ย เญย โซว จิว ปุน นิ่น บัว. ฮู่ง เตี๋ย แอ๋ง พ้าย เต๋ย แปง-เปย๊ย เหธา เก้ ม์า แปง เหธา เจี๊ยน เยีย มี่ง.
10มป่า เบดโฮโลน ฒี่ง เญย เมี่ยน, สันบานลัด, เหธา อัมโมน เมี่ยน เญย เจียน, โทบีอา, ไฮ์ ลิ์ว น้าย เต๋ย เจ๊า-โหล่ว, นิ่น บัว ไม้ หอบ เฮญี้ยว เหยียด เต๋ย, เหว่ย หฒุ ปวัด ม่าย เมี่ยน ต้าย อ๋อย เถง อิสะลาเอน เมี่ยน ตุ๊ หลง.
เนหะมี ฒ่า หมั่ง เยลูซาเลม เญย ฒี่ง หลาด
11เยีย ฯฒฯ เถา เยลูซาเลม, ฮิด วั้ว ปัว ฮนอย. 12เยีย หย่า ไม้ บั๋ว หาย เต้า เมี่ยน ทิน-ฮู่ง ปุน เยีย ม่าย เฮญี้ยว เหว่ย เยลูซาเลม ฒี่ง โหฒว หาย หญู่ง. ลู่ง ม์วน หฒั่น ม่าย อี เหฒีย เต้า เมี่ยน เหธา เยีย เจี์ย ซิน ธ้วด มี่ง. ธ้วด ลิ์ว เยีย เก้ เญย แซง-คู้, ไม้ ม่าย กั้น เต้า แซง-คู้ เหธา เยีย มี่ง.
13ลู่ง ม์วน หฒั่น เยีย ยั่ง ฮ์อง-แก้ง วั้ว เต้า แก้ง ธ้วด มี่ง เถา เฮยี่ย จู๊ ววม-ฒี้ง,#2:13 เฮยี่ย จู๊ ววม-ฒี้ง ไฟ จูง-ฮู่ง ววม-ฒี้ง ไฟ ง่ง หญอ เปี๊ยว ววม-ฒี้ง. แอ๋ง เจี๋ย มี่ง เถา หละฟับ-ดุย แก้ง#2:13 ม่าย เต๋ย โซว ฟาน ต้าย ก๊อง ไฆ้-เธี้ยง แก้ง. ฒ่า หมั่ง เยลูซาเลม เญย ฒี่ง หลาด หฒุ บาง หว่าย เญย ต๋อง เหธา หฒุ โต์ว ปั๊ว หว่าย เญย ฒี่ง แก้ง. 14เยีย แอ๋ง เจี๋ย มี่ง เถา ววม-ฒี้ง แก้ง เหธา ฮู่ง เตี๋ย เญย ววม-ต้ม มป่า ไม้ ม่าย ต๋อง ปุน เยีย เก้ เญย แซง-คู้ เจี๋ย ตุ๊ มี่ง. 15ลู่ง ม์วน หฒั่น เยีย กัน ขิดโลน ฮ์อง มี่ง ฒ่า หมั่ง ฒี่ง หลาด ฯฒฯ ต๋าว ซิน ยั่ง โล์-เจ๊า หฑวน แอ๋ง กัน เจี๊ยน ฮ์อง-แก้ง เปียะ ฒี่ง. 16โก๋ว ฒี่ง เญย เจียน หย่า ไม้ ฮิ้ว ตุ๊ เยีย มี่ง หาย ไฟ โหฒว หาย หญู่ง. เยีย หย่า ไม้ แก้ง บั๋ว ยิวไท เมี่ยน, ไซ เมี่ยน, โหฒว โฮล โหฒว เจียน เญย เมี่ยน, ไฟ หาย เต้า อ๋อย หฒุ เถง โหฒว น้าย หญู่ง กง เญย เมี่ยน.
17เยีย ฯฒฯ ก๊อง บั๋ว นิ่น บัว หฒวัง เมี่ยน, “เม่ย บัว หฒวัง เมี่ยน ปวัด เจี๊ยน บัว ด๊อด หน่าน ด่ง หาย โค้ว. เยลูซาเลม ฒี่ง บาง หว่าย หมี่ อ๊ะ. ฒี่ง แก้ง หย่า หฒุ โต์ว ปั๊ว หว่าย เหฑ่ง. ต้าย ม่าะ! บัว ล่ม ฑ่อย เหธย เยลูซาเลม เญย ฒี่ง หลาด เจี์ย ต้าย, ปุน บัว ไม้ หฒุ แอ๋ง ป่าย เฮมียน.” 18เยีย แอ๋ง ก๊อง บั๋ว นิ่น บัว, ทิน-ฮู่ง ฮนั้ง หาย นอ เหธา เยีย เยียม, เถง เจี๊ยน เยีย, ปุน นิ่น บัว ฮิ้ว ตุ๊ ฮู่ง เตี๋ย บั๋ว เยีย เญย หว่า.
หฒวัง เมี่ยน ก๊อง, “บัว ล่ม ฑ่อย เหฌี่ย ปั์ว แอ๋ง เหธย เจี์ย ต้าย ม่าะ!” นิ่น บัว ฯฒฯ เหฌี่ย ปั์ว โหฒว น้าย หญู่ง คู้ กง.
19เบดโฮโลน ฒี่ง เญย เมี่ยน, สันบานลัด, เหธา อัมโมน เมี่ยน เญย เจียน, โทบีอา, แอ๋ง เหธา อาหลับ เมี่ยน, เกเซม, หมวัง ไฮ์ เยีย บัว โหฒว เญย กง, นิ่น บัว ฯฒฯ จั๊ด เยีย บัว, หมั่ง เผีย เยีย บัว. นิ่น บัว ก๊อง, “เม่ย บัว หน่าย โหฒว หาย หญู่ง แล่? เม่ย บัว ฟ้าน เฮญี้ยว แหง่ง ฮู่ง เตี๋ย ไฟ?”
20เยีย เตา นิ่น บัว, “ลู่ง หฒั่ง เญย ทิน-ฮู่ง อ๋อย เถง เยีย บัว โหฒว เหฒียง. เยีย บัว, นิ่น เญย โปว, ฒู้ง อ๋อย เหฌี่ย ปั์ว เหธย อ๊ะ. มป่า เยียม เยลูซาเลม ไม้ ม่าย เม่ย บัว เญย ป่วน. เม่ย บัว หย่า ไม้ ม่าย เล์ย หย่า ไม้ ม่าย เม่ย บัว โล์-ฮนอย เญย กอน-ป๊วน.”
Currently Selected:
เนหะมี 2: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007