เอเสเคน 2
2
ทิน-ฮู่ง กิ๊น เอเสเคน โหฒว โต่ว หว่า เมี่ยน
1นิ่น ก๊อง บั๋ว เยีย, “ป้าม เมี่ยน อ้า! เจี์ย ซิน ต้าย โซ้ว เจี๊ยน ม่าะ! เยีย อ๋อย เหธา เม่ย ก๊อง หว่า.” 2นิ่น เหธา เยีย ก๊อง หว่า วั้ว หฒั่น สีง ลี่ง เปียะ เยีย, เถง เยีย โซ้ว เจี์ย ซิน ต้าย. เยีย หย่า ไฮ์ นิ่น เหธา เยีย ก๊อง หว่า.
3นิ่น ก๊อง บั๋ว เยีย, “ป้าม เมี่ยน อ้า! เยีย พ้าย เม่ย มี่ง เถา อิสะลาเอน เมี่ยน, เซ มี่ง เถา เหยียด ฝีง เฮญี้ยว แหง่ง เญย เมี่ยน. นิ่น บัว แหง่ง เจี๊ยน เยีย. นิ่น บัว เหธา นิ่น บัว เญย อง-ถาย ฒู้ง โหฒว ต่อง เยีย เถา อี้ จ๋า ฮนอย. 4นิ่น บัว มน่อม โฮ์, เฮญี้ยว แหง่ง. เยีย พ้าย เม่ย มี่ง ล์อ นิ่น บัว. เม่ย อ๋อย หฒุ ก๊อง, ‘เฒี้ยว ทิน-ฮู่ง ฮนั้ง น้าย นอ ก๊อง.’ 5ไม้ กุ๊น นิ่น บัว หมวัง ไฟ ไม้ หมวัง, (เหว่ย หฒุ นิ่น บัว เป๋น เฮญี้ยว แหง่ง เญย เฒ้ย-ฟุน,) นิ่น บัว ฯฒฯ ฮิ้ว ตุ๊ ม่าย เต้า โต่ว หว่า เมี่ยน เยียม นิ่น บัว บุด๋ง. 6ป้าม เมี่ยน อ้า! เม่ย กั้น ไม้ ตู๋ง กั้ม เหฑีย นิ่น บัว หย่า ไม้ ตู๋ง กั้ม เหฑีย นิ่น บัว ก๊อง เญย หว่า, ไม้ กุ๊น ม่าย ฌิ้ม-โธว ฌิ้ม-หม่วน เว่ย ก๋อม, เม่ย หย่า เยียม เหฒียบ เหญ่ย ด้าง บุด๋ง. ไม้ ตู๋ง กั้ม เหฑีย นิ่น บัว ก๊อง เญย หว่า, ไฟ หลาย นิ่น บัว เญย เฮมียน กั้ม เหฑีย, เหว่ย หฒุ นิ่น บัว เป๋น เฮญี้ยว แหง่ง เญย เฒ้ย-ฟุน. 7เม่ย อ๋อย หฒุ ต้อ เยีย เญย หว่า ก๊อง บั๋ว นิ่น บัว, ไม้ กุ๊น นิ่น บัว หมวัง ไฟ ไม้ คั้ง หมวัง, เหว่ย หฒุ นิ่น บัว เป๋น เฮญี้ยว แหง่ง เญย เฒ้ย-ฟุน. 8มป่า ป้าม เมี่ยน อ้า! เม่ย อ๋อย หฒุ หมวัง เยีย ก๊อง บั๋ว เม่ย เญย หว่า. ไม้ ตู๋ง แหง่ง ฮนั้ง วั้ว เต๋ย เฮญี้ยว แหง่ง เญย เฒ้ย-ฟุน. เม่ย อ๋อย หฒุ หมอง ฆอย ฑุ่ย หญั่น เยีย ปุน เม่ย หญั่น เญย กะน้าย.”
9เยีย ฯฒฯ หมั่ง, ปวัด เจี๊ยะ ปั์ว ซูง ธ้วด ต้าย หูง เจี๊ยน เยีย. ปั์ว นั้น เจี๊ยน หฌุ่น โซว. 10นิ่น ตอง เจี๊ยน เยีย คอย. เยีย ปวัด อี ปูง ฒู้ง เฟี้ย เจี๊ยน หฑั่ง, เซ เฟี้ย เจี๊ยน เฑ่า เญย, เญี้ยม เญย, หฒุ โค้ว เญย หว่า.#หล่าว ย่าง 5:1
Currently Selected:
เอเสเคน 2: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007