เอเสเคน 3
3
1นิ่น ก๊อง บั๋ว เยีย, “ป้าม เมี่ยน อ้า! กุ๊น หญั่น ธุ้น ปุน เม่ย เญย กะน้าย, เซ หญั่น น้าย หฌุ่น โซว. หญั่น ลิ์ว มี่ง เหธา อิสะลาเอน เญย เฒ้ย-ฟุน ก๊อง.”#หล่าว ย่าง 10:9-10 2เยีย ฯฒฯ หมอง ฆอย ฑุ่ย, นิ่น หย่า ปุน เยีย หญั่น วั้ว หฌุ่น โซว.
3นิ่น แอ๋ง ก๊อง บั๋ว เยีย, “ป้าม เมี่ยน อ้า! เม่ย อ๋อย หฒุ หญั่น เยีย ปุน เม่ย น้าย หฌุ่น โซว. หญั่น เหฌี่ย ปวั๊ง เม่ย เญย กะเซีย.” เยีย ฯฒฯ หญั่น. เยียม ฑุ่ย ไฮ์ ฮนั้ง เมว์ย-ต้อง นอ กาม.
4นิ่น แอ๋ง ก๊อง บั๋ว เยีย, “ป้าม เมี่ยน อ้า! เม่ย อ๋อย หฒุ มี่ง อิสะลาเอน เญย เฒ้ย-ฟุน วั้ว, ต้อ เยีย เญย หว่า บั๋ว นิ่น บัว. 5เม่ย ไม้ เฒ์ย หฒุ พ้าย มี่ง เถา ก๊อง กั้น ฝีง เมี่ยน เญย หว่า ไฟ อะ ตุ๊ ก๊อง เญย หว่า. เยีย พ้าย เม่ย มี่ง เซ มี่ง ล์อ อิสะลาเอน เญย เฒ้ย-ฟุน. 6ไม้ เฒ์ย พ้าย เม่ย มี่ง เถา ก๊อง กั้น ฝีง เมี่ยน เญย หว่า ไฟ อะ ตุ๊ ก๊อง เญย หว่า, ต้ง เม่ย ไม้ ไฮ่ เปียะ เฮญี้ยว เญย หว่า. สี ก๊อง เยีย พ้าย เม่ย มี่ง ล์อ น้าย หญู่ง เมี่ยน, ต๋าย นิ่น บัว ฒู้ง อ๋อย หมวัง เม่ย. 7มป่า อิสะลาเอน เญย เฒ้ย-ฟุน ไม้ คั้ง หมวัง เม่ย ก๊อง เหว่ย หฒุ นิ่น บัว ไม้ คั้ง หมวัง เยีย. อิสะลาเอน เญย เหยียด ฒู้ง เฒ้ย-ฟุน มต้าย เป๋น มน่อม โฮ์, เฮญี้ยว แหง่ง เญย เมี่ยน. 8เยีย อ๋อย ปุน เม่ย แหง่ง ตุ๊ เจี๊ยน นิ่น บัว,#3:8 ฟาน หฒะ ฮิบลู หว่า ก๊อง “เยีย อ๋อย ปุน เม่ย เญย เฮมียน เก้า แหง่ง นิ่น บัว เญย เฮมียน”. หย่า อ๋อย ปุน เม่ย เญย มฆ้อง เก้า แหง่ง เจี๋ย นิ่น บัว เญย มฆ้อง.#3:8 ฮิบลู หว่า ก๊อง ปย้อง. 9เยีย ปุน เม่ย เญย มฆ้อง แหง่ง, เก้า แหง่ง เจี๋ย แหง่ง ไห่ เญย หละเปย๊ย, ฒู้ง เก้า แหง่ง โต์ว-เลา. ปวัด นิ่น บัว เญย เฮมียน ไม้ ตู๋ง กั้ม เหฑีย, ไม้ ตู๋ง เฮญี้ยว ฮวาง ไม้ กุ๊น นิ่น บัว เซ เฮญี้ยว แหง่ง เญย เฒ้ย-ฟุน.”
10ทิน-ฮู่ง แอ๋ง ก๊อง บั๋ว เยีย, “ป้าม เมี่ยน อ้า! เม่ย อ๋อย หฒุ หล่ง มน่อม หมวัง หย่า หล่ง เฮญี้ยว จั๋ง เจี๊ยน เยีย ก๊อง เญย เหยียด ฒู้ง หว่า. 11มี่ง อ๊ะ. มี่ง เม่ย เญย ป๊วน-กั๊วะ หฒุ กว๊าด มี่ง เญย เมี่ยน วั้ว เหธา นิ่น บัว ก๊อง. ไม้ กุ๊น นิ่น บัว หมวัง ไฟ ไม้ หมวัง อ๋อย หฒุ ก๊อง บั๋ว นิ่น บัว, ‘เฒี้ยว ทิน-ฮู่ง ฮนั้ง น้าย นอ ก๊อง.’”
12วั้ว หฒั่น สีง ลี่ง โป้ว เยีย ฝาว. เฒี้ยว เญย ฌัง-หล่าง เยียม นิ่น เญย ต๋อง ฝาว#3:12 ฮิบลู หว่า ก๊อง “อ๋อย หฒุ เธง เฒี้ยว เยียม นิ่น เญย ต๋อง หิ่น ธ้วด เญย ฌัง-หล่าง.” น้าย เหยี่ยม ฮิบลู หว่า อะ ตุ๊ เม่ง แปะ. วั้ว หฒั่น, เยีย ไฮ์ เยียม เยีย เญย ฆะฮ้า ฆาง ม่าย เฉีย ล์มๆ เญย บุย. 13เยีย ไฮ์ วั้ว เต๋ย เฉีย เซ วั้ว เต๋ย นั่ง เญย กะน้าย เญย ด๊าด ธ่อ จ๋า, แอ๋ง เหธา เยียม นิ่น บัว เญย กะเฮลน วั้ว เต๋ย เยี่ยน เญย เฉีย ล์มๆ เญย บุย ฮนั้ง เดา-ต์ง. 14สีง ลี่ง โป้ว เยีย ฝาว แอ๋ง ต้อ เยีย มี่ง. เยีย ไฮ์ เฮญี้ยว โหย่ว โค้ว โหย่ว เฉีย เจี์ย เญย. มป่า เฒี้ยว เญย ต้ม ชะ#3:14 ฮิบลู หว่า ก๊อง ปั์ว. เยียม เยีย เญย ซิน. 15เยีย ฯฒฯ เถา หฒุ กว๊าด มี่ง เญย เมี่ยน เยียม เทนอาบิบ, เคบา ด้าย เฮลน วั้ว. เยีย เยียม นิ่น บัว บุด๋ง เฒว์ย เจี๊ยน โยวๆ เยียะๆ เสี่ย ฮนอย.
เฒี้ยว พ้าย เอเสเคน โหฒว เซี้ยว แกง เมี่ยน
(เป๊ย หมั่ง เอเสเคน 33:1-9)
16วั้ว เต๋ย เสี่ย ฮนอย เจี๋ย ลิ์ว, เยีย แอ๋ง ตุ๊ ฒิบ เฒี้ยว เญย หว่า ก๊อง, 17“ป้าม เมี่ยน อ้า! เยีย เหลียบ เม่ย โหฒว เซี้ยว แกง เมี่ยน เซี้ยว อิสะลาเอน เญย เฒ้ย-ฟุน. เม่ย หาย หฒั่น ไฮ์ เยีย ก๊อง, เม่ย อ๋อย หฒุ ต้อ เยีย เญย หว่า เถง เยีย ต๊น นิ่น บัว. 18สี ก๊อง เยีย บั๋ว เอ๊าะ เมี่ยน, ‘เม่ย ด่ง หาย ฒู้ง อ๋อย หฒุ ไต่,’ เม่ย หย่า ไม้ ต๊น นิ่น หย่า ไม้ ขวิน นิ่น กวั่ง ฆอย นิ่น โหฒว เอ๊าะ เญย เจ๊า เหว่ย เหฌียว นิ่น เญย แหม่ง นอ, วั้ว เต้า เอ๊าะ เมี่ยน ฒู้ง อ๋อย หฒุ หลาย นิ่น เญย ฒุ์ย ไต่, มป่า เหว่ย นิ่น หฒุ ไต่#3:18 ฮิบลู หว่า ก๊อง นิ่น เญย ฑย้าม. เยีย ปุน เม่ย ดาม-ตอง. 19มป่า สี ก๊อง เม่ย ต๊น เอ๊าะ เมี่ยน, นิ่น หย่า ไม้ กวั่ง นิ่น โหฒว เญย เอ๊าะ สี่, หย่า ไม้ กวั่ง นิ่น โหฒว เอ๊าะ เญย เจ๊า. นิ่น อ๋อย หฒุ หลาย นิ่น กั้น เญย ฒุ์ย หฒุ ไต่, มป่า เม่ย ตุ๊ เหฌียว ธ้วด เม่ย กั้น เญย แหม่ง.
20“แอ๋ง ม่าย ติ่ว. สี ก๊อง ม่าย เต้า คู้ เมี่ยน กวั่ง นิ่น โหฒว เญย คู้ สี่ แอ๋ง ป์าม ฒุ์ย, เยีย ฯฒฯ เฒาะ หญู่ง ปุน นิ่น ดิ๊ หฒุ ดอบ, นิ่น หย่า หฒุ ไต่. เหว่ย หฒุ เม่ย ไม้ ต๊น นิ่น, นิ่น อ๋อย หฒุ หลาย นิ่น เญย ฒุ์ย ไต่. นิ่น โหฒว เจี๋ย เญย คู้ สี่ ไม้ ม่าย หาย เต้า จั๋ง. เหว่ย นิ่น หฒุ ไต่,#3:20 เป๊ย หมั่ง เอเสเคน 3:18. เยีย ปุน เม่ย ดาม-ตอง. 21มป่า สี ก๊อง เม่ย ต๊น คู้ เมี่ยน ไม้ ตู๋ง ป์าม ฒุ์ย, นิ่น หย่า ไม้ ป์าม ฒุ์ย, นิ่น ด่ง หาย ฒู้ง ตุ๊ แหม่ง เฒี่ยง, เหว่ย หฒุ นิ่น ตุ๊ ฒิบ เม่ย ต๊น เญย หว่า. เม่ย หย่า ตุ๊ เหฌียว เม่ย กั้น เญย แหม่ง.”
เฒี้ยว ปุน เอเสเคน ไม้ ไฮ่ ก๊อง หว่า
22เยียม วั้ว เฒี้ยว เญย ชะ เหฌี่ย ต้าย เยียม เยีย.#3:22 ฮิบลู หว่า ก๊อง “เฒี้ยว เญย ปั์ว เยียม เยีย”. นิ่น ก๊อง บั๋ว เยีย, “เจี์ย ต้าย มี่ง วั้ว เดา-แป้ง.#3:22 ไฟ ฮ์อง. เยียม วั้ว เยีย อ๋อย เหธา เม่ย ก๊อง หว่า.” 23ฮนั้ง หน่าย เยีย เจี์ย ต้าย มี่ง วั้ว เดา-แป้ง. ม่าย เฒี้ยว เญย ฌัง-หล่าง เยียม วั้ว, ฮนั้ง เยียม เคบา ด้าย เฮลน เยีย ปวัด เจี๋ย เญย ฌัง-หล่าง นอ. เยีย ฯฒฯ พัวะ เหฌี่ย เดา.
24มป่า สีง ลี่ง เปียะ เยีย, เถง เยีย โซ้ว เจี์ย ซิน ต้าย. เฒี้ยว เหธา เยีย ก๊อง หว่า แอ๋ง บั๋ว เยีย, “หฑวน เปย๊า มี่ง เฒาะ กั้น หววน เจี๊ยน. 25ป้าม เมี่ยน อ้า! เมี่ยน อ๋อย เฒาะ ฮลาง โด้ เจี๊ยน เม่ย, เม่ย ฯฒฯ หฒุ โด้, ไม้ ไฮ่ ธ้วด มี่ง เยียม เมี่ยน บุด๋ง. 26เยีย อ๋อย ปุน เม่ย เญย เบียด แน้ด เจี๊ยน ฑุ่ย ตู์ง, เม่ย ฯฒฯ หฮงง มี่ง, ไม้ ไฮ่ ก๊อง นิ่น บัว, เหว่ย หฒุ นิ่น บัว มต้าย เฮญี้ยว แหง่ง เญย เฒ้ย-ฟุน. 27มป่า เยีย เหธา เม่ย ก๊อง หว่า เญย เฒี่ยง โห่, เยีย อ๋อย ปุน เม่ย เญย ฑุ่ย ฆอย. เม่ย ฯฒฯ บั๋ว นิ่น บัว, ‘เฒี้ยว ทิน-ฮู่ง ฮนั้ง น้าย ก๊อง.’ หาย เต้า หมวัง, กุ๊น ปุน นิ่น หมวัง. หาย เต้า แหง่ง เจี๊ยน ไม้ หมวัง, เซว่ย นิ่น แหง่ง, เหว่ย หฒุ นิ่น บัว มต้าย เฮญี้ยว แหง่ง เญย เฒ้ย-ฟุน.
Currently Selected:
เอเสเคน 3: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007