Thuhilhna 1
1
Na khempeuh Amawknapi
1Jerusalem kumpipa David tapa Siapa a#1.1 Ahikeh kikhawm mipi makaipa; tg. 2 le 12 ah zong thugente:#Pn 1:1
2 Siapa in,
"A mawknapi! A mawknapi!
Bangmah hi peuhmah lo a mawknapi!
Na khempeuh a mawknapi ahi hi," a ci hi.
3 Mihing in sun nisa nuai-ah gimpi-in
na a sepna hangin bang lawhtak ahi hiam?#Thn 2:11,22
4 Khang khat tungin khang khat bei-a,
ahi hangin leitung kibangden hi.#Job 8:19
5 Ni suakin ni tum-a
a suah nading lamah kuan kik pah hi.#Ph 19:5-6
6 Leitaw-lam manawh in huih nunga,
leilu lamah nung kikin,
suk nun zel to nun zel-a,
a zuihna ngei teng mah zui-in nungnung hi.
7 Luite khempeuh tuipi sungah luang-a,
tuipi a dim ngei tuan kei hi.
Luite a luankhiatna
a nak mah ah kilehkik hi.
8 Na khempeuh lunggimhuai-a,
mihing gen zawh hi lo hi.
Mit in a muh cim ngei lo-a,#Pn 27:20
bil in a zak cim ngei lo hi.
9 Ahisa mah hi kik-a,
a kisemsa mah a kisem kik ding hi;#Thn 2:12
sunni nuai-ah a thak bangmah om lo hi.
10 "En sin uh! Hih a thak hiveh!
a kici thei ding khat beek om ahi hiam?
Sawt pekpek-a a om khinsa mah hi-a,
ei hun ma-a a na om khinsa ahi hi.
11 Sawt pekpeka te mihing in phawk zo nawn lo a,#Pc 40:23
a piang lai dingte zong
a piang nai lote in
a phawk kha kei ding hi.
Pilna Amawknapi
12 Keimah, Siapa in Jerusalem a Israel-te kumpipa ka hi hi. 13 Van kikhupsin nuai-a pilna tawh a kisemsa khempeuh guizuiha zonkhiat ding ka nak ngaihsut mahmah hi. Pasian in mihing tunga a suat van gik si e! 14 Sunni nuai-a a kihihsa khempeuh ka mu khin ta-a; a vekpi-in a mawknapi, huih nungdelh lel ahi hi.#Job 28:3; Thn 2:16
15 A kihuiheksate kitangsakthei lo a;#Thn 7:13
a om lopi a kisim thei kei hi.
16 Kei kia-in ka ngaihsuna, "En in, ka khan khin a, kei ma-a Jerusalem a ukte khatpeuh sangin ka pilzaw hi; pilna le theihna tampitak ka tuakkha khin hi," ka ci hi. 17 Tua ciangin kei mahmah in pilna a theihtelna le haina a haitatna ka ngaihsun kak-a, ahi hangin hih zong huih nungdelh lel mah ahilam ka theikhia hi.#1Ku 3:12; Thn 2:3
18 Ahang in, pilna tam semsem leh dahna khang semsem-a;
theihna khang semsem leh lunggimna tam semsem hi.#Thn 12:12
Currently Selected:
Thuhilhna 1: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission