MADIU 3
3
Yoni Tobapitaisi la kamituli
(Mk 1.1-8; Lk 3.1-9,15-17; Yn 1.19-28)
1Tuta baisa#Matauna Yoni Tobapitaisi ivitouula kakamatula wa taitu makwaina 27 AD; kugisi Lk 3.1-3. Yoni Tobapitaisi ima Yudia oviloupakala,#Mapilana isisu wa Waya Yoridani mapilana opilikwaibwaga katitaikina Milaveta Pilamata. ikikamituli, 2kawala, “Kuninavilasi, paila Labuma Karaiwogala#Kugisi makasana Biga Kala Katumiki. bogwa ivakatitaikina.” #Md 4.17; Mk 1.15 3Aisea tovitoubobuta eilivala paila matauna Yoni, kawala,
“Taitala idoudou oviloupakala,
‘Kukwatubiasaisi la keda Guyau,
kukiduwosisiaisi la keda.’” #Ais 40.3
4Yoni isikam kala kakapula iwoliki unuunula kameli, palitula#Miyana yabeiyaya bisipu okuvalila mwada bisipukikita kala karekwa, e tuvaila ivigaki kauyala la mani deli avai guguwa. Omitibogwa matauna tovitoubobuta Ilaitia bisikam kala karekwa deli palitula makawala. yatala kanuvinela bulumakau; e kʹala, kilili toyo kitorina. #2 Gwe 1.8 5Mina Yerusalem toyo mapilana Yudia komwaidona, toyo viluwela Yoridani komwaidona ilokaiasi matauna; 6ikamitulaisi si mitugaga, e Yoni ibapitaisi matausina wa Waya Yoridani.
7Tutala igisi bidubadu Parisi toyo Sadusi#Kugisi makasana Biga Kala Katumiki. imaisi paila bapitaiso, iluki matausina, kawala, “Tubula mitugaga yokomi, availa ilukwaimi bukusakaulasi metoya omi sula mapula igau Yaubada biwitali? #Md 12.34; 23.33 8Kuvagaisi avaka bivituloki mi ninavila. 9Taga kuvitokaimi oninami, ‘Matauna Eberaam tabudasi.’ Paila alukwaimi, gagabila Yaubada bikau dakuna makwaisina bivigaki tubula Eberaam. #Yn 8.33 10Baisa tuta kema eikatubiasaisi mwada biteyasi kai ouula. Mapaila avai kai gala biuwa kaiuwala bwaina biteyasi bilavaisi bila wa kova. #Md 7.19
11“Yeigu abapitaisaimi metoya wa sopi bivituloki mi ninavila, mitaga matauna iyeikulaigu imaima, matauna bibapitaisaimi metoya baisa Baloma Tobumaboma deli kova. Matauwena ikalisauwaigu, katubukolela kaikela gala ikwanaigu bakeula.#Wotetila makwaina bibodi taitala la ula saina towatanawa bivagi; baisa makawala Yoni eilivala mwada wotetila makwaina saina watanawa, mitaga avai tau bivagi baisa matauna saina ikalisau Yoni. 12Iyosi la kabokila oyamala bikatukili witi#Tobigubagula mina Yudia otutala tayoyuwa biyavi witi opwaipwaia bivapupoi, e oluvi metoya okabokila bilavi walakaiwa e yagila biyuvisau wawa mitaga wititoula kwemomwau bikapusivau bim opwaipwaia. Oluvi bikaidodigasi wala. kalagila deli kanuvinela. La witi bikedidagi ola bwaima, mitaga kanuvinela bigabu wa kova gala bimata.”
Yesu ibapitaiso
(Mk 1.9-11; Lk 3.21-22)
13Wa tuta matutona Yesu isilavi Galili imakaia Waya Yoridani mwada Yoni bibapitaisi matauna. 14Mitaga Yoni mwada bisilibodi matauna, kawala, “Ibodaigu bukubapitaisaigu, taga yoku kumakaiagu ke?”
15Yesu ivitakauloki matauna, kawala, “Kutagwala tuta baisa, ibodaida bitavagi komwaidona avaka Yaubada magila.” E Yoni itagwala.
16Yesu bogwa ibapitaiso, e nanakwa ivalaguva metoya wa sopi, e ka, labuma ikivi, igisi Bilomala Yaubada italakapusi makawala bubuna itoula baisa matauna. 17E, kaigila metoya wa labuma, kawala, “Matauna Latugu Tombwailigu, saina iyomwasalaigu.” #Vit 22.2; Sam 2.7; Ais 42.1; Md 12.18; 17.5; Mk 1.11; Lk 9.35
Currently Selected:
MADIU 3: PNGKIR
Highlight
Share
Copy
Want to have your highlights saved across all your devices? Sign up or sign in
Kiriwina Bible (Buki Pilabumaboma) © Bible Society of Papua New Guinea, 2011.