YouVersion Logo
Search Icon

MADIU 2

2
Tokwabitam imakaiasi Yesu
1Yesu ikaloubusi Bedeliem#Mapilana katitaikina Yerusalem opilibolimila kala kaduwonaku Kaibola bitala Omarakana (8 km). viluwela Yudia,#Mina Isireli si valu pilamwaidona eibobwaisi e katupotala mapilana Yudia. ola tuta Kini Erodi.#Matauwena Erodi Toveka; kugisi makasana Biga Kala Katumiki. E oluvi tokwabitam#Matausina si kabitam utuyam livalela deli liliula. metoyasi opilibomatu imakaiasi Yerusalem, ikaibigasi, kawasi, 2“Ambaisa matauna eikaloubusi mina Yudia si kini? Paila bogwa kagisaisi kala utuyam leiyuwola obomatu, e lakamaisi mwada bakakavaginasi baisa matauna.”
3Kini Erodi bogwa ilagi ikubukubu lopola deli komwaidosi mina Yerusalem. 4E idou isigugulasi tolula kasi tokugwa#Mabudona Tolula Toveka (kugisi makasana Biga Kala Katumiki) paila taitu makwaina, deli matausina tolula tovakaveka tobubogwa availa availa isisuaisi tommomova, deli goli mimilisi tovakaveka tuvaila. deli toninitalapula paila Karaiwaga,#Kugisi makasana Biga Kala Katumiki. ikatupoi matausina, kawala, “Ki, ambaisa bikaloubusi Mesaia?”#Kugisi Md 1.17 kala katumiki.
5E ilukwaisi matauna, kawasi, “Mapilana Bedeliem oviluwela Yudia, paila makawala tovitoubobuta leigini, kawala,
6‘E, yoku Bedeliem, mapilana Yuda,
yoku gala valu kasi kwekekita oluwalaisi vilouvakaveka mapilana Yuda;
paila metoya baisa yoku tokwaraiwaga bima
biyamati uli tomota Isireli.’” #Mai 5.2
7Erodi ikium idou tokwabitam e ilagi metoya baisa matausina avai tuta utuyam eiyoumatila. 8E iwitali matausina bilosi Bedeliem, ikaibiga, kawala, “Kulosi bukunevisi mokwita paila gwadi magudiwena; e avai tuta kubanaisi magudina, bukumiakaigusi biga, e yeigu tuvaila bala bakavagina baisa magudina.”
9Matausina bogwa ilagaisi kini la biga e ilosi. Ililoulasi, e ka, igisaisi utuyam, minawena omitibogwa leigisaisi obomatu. E utuyam ikugwai matausina, e itom ikibuboti ambaisa monagwadi ikanukwenu. 10Imwamwasila ninasi tutala igisaisi utuyam deli si mwasawa sainela. 11E isuvisi wa bwala, igisaisi monagwadi deli Meri inala, e ikavaginasi baisa matauna. Itagaiyaisi kasi kauya, si bobwailila isakaisi baisa magudina; goula, bulami mapula mwau toyo mro.
12E Yaubada iluki matausina wa mimi taga bikaimilavausi baisa Erodi; mapaila ivapoisi keda ituwoli ilosi osi valu.
Isakaulasi Itipita
13Tokwabitam isilavaisi mapilana, e la anelosi Guyau iyoumatila baisa Yosepa wa mimi, ikaibiga, kawala, “Kutokaia, kulau monagwadi deli inala, e kusakaulasi bukulosi Itipita baisa bukusigagasi igau balukwaim; paila Erodi igau binevi monagwadi mwada bikatumati matauna.”
14Itokaia, isakawoli monagwadi sola inala wa bogi, e ilokaiasi Itipita, 15e isigagasi baisa igau bikaliga Erodi; kidamwa avaka Guyau bogwa ilivala metoya ola tovitoubobuta gala bisala, kawala, “Ladou latugu bisilavi Itipita bima.” #Osi 11.1
Erodi ikatumati gugwadi
16Erodi igisi tokwabitam eisipulokaisi matauna, e igibuluwa sainela; ikaraiwaga bikatumataisi gugwadi tauwau komwaidosi isisuaisi Bedeliem toyo okatuposulala mapilana kidamwa kasi taitu kwaiyu kaina gala iboda kwaiyu, makawala tuta eilagi metoya baisa matausina tokwabitam.
17E avaka Yeremaia tovitoubobuta ilivala gala isala, kawala,
18“Kaigila ilagaisi mapilana Rama,#Mapilana valu isisu katitaikina Yerusalem opiliyavata kala kaduwonaku Losuia bitala Obwelia (8 km). Opapala mapilana valu tommoya tobubogwa eibakwaisi minana Retieli, minawena Yekobe la kwava deli Yosepa inala; kugisi 1 Sml 10.2.
valam, kavivia sainela,
Retieli iuvalam paila litula,
gala magila visimoli,
paila bogwa ikaligasi litula.” #Yer 31.15
Ikaimilavausi metoya mapilana Itipita
19Erodi bogwa ikaliga. E mapilana Itipita Yosepa imimi igisi la anelosi Guyau iyoumatila. 20Anelosi ikaibiga, kawala, “Kutokaia kulau monagwadi sola inala, kukwaimilavausi mapilana Isireli; paila matausina mwada bikatumataisi monagwadi bogwa leikaligasi.” 21E itokaia ilau monagwadi sola inala, ikaimilavausi mapilana Isireli.
22Mitaga tutala ilagi Akelosi#Matauna iguguyoi mapilasina Yudia, Sameria deli Idumia wa taitu makwaisina 4 BC bila 6 AD. E tamala yagala Erodi Toveka. iguguyoi Yudia kaimapula tamala Erodi, ikukoli bilokaia baisa; Yaubada ivituloki matauna wa mimi, mapaila isaitaula ila Galili,#Mapilana valu isisu opiliyavata e matauna Akelosi bodala yagala Erodi Anitipasa iguguyoi baisa. 23e ila isisu ovalu yagala Nasaredi,#Mapilana valu isisu milaveta Galili opilibolimilayouya kala kaduwonaku makawala Kaibola bitala Obulaku (26 km). e mwada avaka ilivalasi tovitoubobuta gala bisala, kawasi, “Bidokaisi matauna guma Nasaredi.”#Biga mabigasina gala wala isisu olumoulela mapilana Buki Kabutubogwa. Mimilisi tokabitam idokaisi mabigana “guma Nasaredi” kala lega makawala “guma Nasira”; kugisi Tok 13.5-7. E tuvaila kala lega makawala mina Iberu si biga paila kaitasusila; kugisi Ais 11.1. #Mk 1.24; Lk 2.39; Yn 1.45

Currently Selected:

MADIU 2: PNGKIR

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy