Sekaria 2
2
Baa bɛl waa kpoŋe ŋwɛn baa kpɔa dɛɛ maɡɛ bɔr
1Wepila ane ɡe ta, men Sekaria na bonɔmbii bɛl waa kpoŋe ŋwɛn baa kpɔa dɛɛ maɡɛ bɔr. 2N bɔɔro ŋɔ, “Leperaa hɛɛ kaalɔ?”
O chaŋe ŋɔ, “N dɛ la ka maɡɛ Jerusalam dɛ́ na ɡɛ o paɡri ne o jaŋne aa doa.”
3Belaa Korowii nyundua torome la n ne waa bol waa la le dɛɛ kaa, asɛ o dɔŋ ba chemo, 4dɛ ŋɔ o be ŋɔ, “Chwa la ka ŋɔ bonɔmbii la be ŋɔ bɔr toole bá ma danjwɛɛ bar Jerusalam kpa, dɛkalkɛ nɛra ne kondɛɛra warɛ o ta. 5Korowii ŋɔ wɛɛ ɛo kɛŋɔ nii, dɛ́ bar bwɛjen la kɛŋɔ danjwɛɛ ken, dɛɛ daah bwɛjen la, ásɛ dɛ so o baah ta o jirima ne.”
6Korowii berɔ ŋɔ o nɛra be ŋɔ, “Hé ba warane. Hé chwa le weekaŋle nyunduabɔr harɛ la ta ba, dɛkalkɛ menee lɔ heyaa peɡre harɛ nɔ ta bobɛlbwa. Men Korowiirii bola.#Aes 48:20
7Saayɔn tena, hé chwa le ba Jerusalam, he banɔ la baa lawɛ heyaa laa ta kaa bojaŋ Babelɔn harɛ ta la. 8He waa hiah mɛ kɛŋɔ n siwinyiŋi ken, anomanta, dɛ nomɛlbwa leɡe heyaa kɛɛ dɛ ɛ heyaa waane aa, dɛ menee o ɛ la. 9Men Korowii ɡbabirii dɛ́ yoo ba, ásɛ n nɛra ba fa aa ɛɛ ba yoma la pa ba laala kɛ laa ta kwaa kaa.” Anɔ bwa chiɡaa, hɛɛ jemɔ kɛŋɔ Koranar Bwa Kooroo tomɛ men Sekaria.
10Korowii ŋɔ, “Jerusalam tena, hé ɡel he sie lɛ hɛɛ ɡo yela! N dɛ ba dɛ́ ba so he baah ta.” 11Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.#Aes 2:2 12Korowii ɛɛ berɔ ba kpɔ Juda harɛ ɛ o kon waa dɛ nyinu kohona, harɛ waa do ɡoroŋ la ta, dɛ́ nyin bwɛjen Jerusalam ɡwaa bwɛɛ bɛlbwa. 13Nɛwɛnyina bwa hel Korowii sie, dɛkalkɛ o iro le o boɡoroŋ bela waa lole.
Currently Selected:
Sekaria 2: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Sekaria 2
2
Baa bɛl waa kpoŋe ŋwɛn baa kpɔa dɛɛ maɡɛ bɔr
1Wepila ane ɡe ta, men Sekaria na bonɔmbii bɛl waa kpoŋe ŋwɛn baa kpɔa dɛɛ maɡɛ bɔr. 2N bɔɔro ŋɔ, “Leperaa hɛɛ kaalɔ?”
O chaŋe ŋɔ, “N dɛ la ka maɡɛ Jerusalam dɛ́ na ɡɛ o paɡri ne o jaŋne aa doa.”
3Belaa Korowii nyundua torome la n ne waa bol waa la le dɛɛ kaa, asɛ o dɔŋ ba chemo, 4dɛ ŋɔ o be ŋɔ, “Chwa la ka ŋɔ bonɔmbii la be ŋɔ bɔr toole bá ma danjwɛɛ bar Jerusalam kpa, dɛkalkɛ nɛra ne kondɛɛra warɛ o ta. 5Korowii ŋɔ wɛɛ ɛo kɛŋɔ nii, dɛ́ bar bwɛjen la kɛŋɔ danjwɛɛ ken, dɛɛ daah bwɛjen la, ásɛ dɛ so o baah ta o jirima ne.”
6Korowii berɔ ŋɔ o nɛra be ŋɔ, “Hé ba warane. Hé chwa le weekaŋle nyunduabɔr harɛ la ta ba, dɛkalkɛ menee lɔ heyaa peɡre harɛ nɔ ta bobɛlbwa. Men Korowiirii bola.#Aes 48:20
7Saayɔn tena, hé chwa le ba Jerusalam, he banɔ la baa lawɛ heyaa laa ta kaa bojaŋ Babelɔn harɛ ta la. 8He waa hiah mɛ kɛŋɔ n siwinyiŋi ken, anomanta, dɛ nomɛlbwa leɡe heyaa kɛɛ dɛ ɛ heyaa waane aa, dɛ menee o ɛ la. 9Men Korowii ɡbabirii dɛ́ yoo ba, ásɛ n nɛra ba fa aa ɛɛ ba yoma la pa ba laala kɛ laa ta kwaa kaa.” Anɔ bwa chiɡaa, hɛɛ jemɔ kɛŋɔ Koranar Bwa Kooroo tomɛ men Sekaria.
10Korowii ŋɔ, “Jerusalam tena, hé ɡel he sie lɛ hɛɛ ɡo yela! N dɛ ba dɛ́ ba so he baah ta.” 11Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.#Aes 2:2 12Korowii ɛɛ berɔ ba kpɔ Juda harɛ ɛ o kon waa dɛ nyinu kohona, harɛ waa do ɡoroŋ la ta, dɛ́ nyin bwɛjen Jerusalam ɡwaa bwɛɛ bɛlbwa. 13Nɛwɛnyina bwa hel Korowii sie, dɛkalkɛ o iro le o boɡoroŋ bela waa lole.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.