Sekaria 3
3
Sɔfonomoa bɛl wepila wa
1Wepila ane ɡe ta, Korowii baɡle men Sekaria Sɔfonomoa Josua#3:1 Josua nɔ ne Jesua bwa ɛ sɔn beŋkpoŋ. o che Korowii nyundua torome bɛl sie. Asɛ Bɔnsam ɡe ba che Josua diɡ ta dɛɛ ba waa kpɔe dawɛ o nɛ.#Wep 12:10#Ɛsr 3:2 2Korowii nyundua torome la ŋɔ Bɔnsam be ŋɔ, “Bɔnsam, Korowiirii dɛ́ pae bolchɔɡe! Korowii waa le Jerusalam tɛ o te la, onee dɛ́ pae bolchɔɡe! Baa nɔ do kɛŋɔ nindaa baa keero le nii ta.”
3Dɛ Josua cheɡɛ Korowii nyundua torome la sie dɛ do laaladoŋa. 4Belaa Korowii nyundua torome la ŋɔ o bala baa cheɡɛ o sie la be ŋɔ, “Hé laa baa nɔ laaladoŋa la foo.”
Dɛ ŋɔ Josua be ŋɔ, “Na, n laa he wechɔɡa kpɔ he nɛ, mɛɛ kpɔ laaladɛɛɡaa doe.”#Wep 7:13-14
5Belaa o ŋɔ bá kpɔ yal baa kpɔa dɛɛ vɔwɛ nyu la ondɛɛɡe vɔwɔ, asɛ ba kpɔ vɔwɔ, dɛ doo laaladɛɛɡa, dɛ Korowii nyundua torome la cheɡɛ bela.
6Ate, Korowii nyundua torome la bol Josua be ŋɔ 7Koranar Bwa Kooro ŋɔ, “Hɛɛ dɛɛ teŋɛ n waa taa, dɛɛ ɛ waa maa dɛ nyin tenaa, mɛɛ kpɔ n Dea wobɛlbwaa do he nɔn ta, ásɛ hɛɛ nyiŋi o dembaahna bwa ta. Mɛɛ no he wesoŋaa, ɡɛ maa dɛ no nyundua toroma baa cheɡɛ he sie nɔ wesoŋa.
8Sɔfonomoa Josua, he ne he bala sɔfore baa ja he nɛɛ la, hé no. He cheɡɔɔ tɛ wedɛɛɡa aa dɛ ba bala kerekere. N dɛ ba n bonɔɔ baa dɛ yerɔ Daa Kpale#3:8 Daa Kpale nɔ cheɡɔ tɛ kooro, kɛɛ nɛn Korowii aa leo ŋɔ ó ba lɛ nɛwɛnyina la. O sɔn bɛl ɡee Mɛsaya. ne.#Jer 23:5; 33:15; Sek 6:12 9Hé na bwe maa kpɔa bil Josua sie. Baŋne anuanɛ lɔ bwe beŋkpoŋ la ta. Mɛɛ di ɡwinee dawɛ o taa, dɛ́ laa wechɔɡa aa lɔ harɛ nɔ ta kpɔ tɔpebeŋkpoŋ ɡbo. Men Koranar Bwa Kooroo bola.
10Awola tɔpere la, he bini bɛlbwa ɛɛ yerɛ o dɔŋee he so deŋnesɔɔhna ta, ásɛ he ɡrepo ne he fiɡ daa kooni bar heya.”
Currently Selected:
Sekaria 3: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Sekaria 3
3
Sɔfonomoa bɛl wepila wa
1Wepila ane ɡe ta, Korowii baɡle men Sekaria Sɔfonomoa Josua#3:1 Josua nɔ ne Jesua bwa ɛ sɔn beŋkpoŋ. o che Korowii nyundua torome bɛl sie. Asɛ Bɔnsam ɡe ba che Josua diɡ ta dɛɛ ba waa kpɔe dawɛ o nɛ.#Wep 12:10#Ɛsr 3:2 2Korowii nyundua torome la ŋɔ Bɔnsam be ŋɔ, “Bɔnsam, Korowiirii dɛ́ pae bolchɔɡe! Korowii waa le Jerusalam tɛ o te la, onee dɛ́ pae bolchɔɡe! Baa nɔ do kɛŋɔ nindaa baa keero le nii ta.”
3Dɛ Josua cheɡɛ Korowii nyundua torome la sie dɛ do laaladoŋa. 4Belaa Korowii nyundua torome la ŋɔ o bala baa cheɡɛ o sie la be ŋɔ, “Hé laa baa nɔ laaladoŋa la foo.”
Dɛ ŋɔ Josua be ŋɔ, “Na, n laa he wechɔɡa kpɔ he nɛ, mɛɛ kpɔ laaladɛɛɡaa doe.”#Wep 7:13-14
5Belaa o ŋɔ bá kpɔ yal baa kpɔa dɛɛ vɔwɛ nyu la ondɛɛɡe vɔwɔ, asɛ ba kpɔ vɔwɔ, dɛ doo laaladɛɛɡa, dɛ Korowii nyundua torome la cheɡɛ bela.
6Ate, Korowii nyundua torome la bol Josua be ŋɔ 7Koranar Bwa Kooro ŋɔ, “Hɛɛ dɛɛ teŋɛ n waa taa, dɛɛ ɛ waa maa dɛ nyin tenaa, mɛɛ kpɔ n Dea wobɛlbwaa do he nɔn ta, ásɛ hɛɛ nyiŋi o dembaahna bwa ta. Mɛɛ no he wesoŋaa, ɡɛ maa dɛ no nyundua toroma baa cheɡɛ he sie nɔ wesoŋa.
8Sɔfonomoa Josua, he ne he bala sɔfore baa ja he nɛɛ la, hé no. He cheɡɔɔ tɛ wedɛɛɡa aa dɛ ba bala kerekere. N dɛ ba n bonɔɔ baa dɛ yerɔ Daa Kpale#3:8 Daa Kpale nɔ cheɡɔ tɛ kooro, kɛɛ nɛn Korowii aa leo ŋɔ ó ba lɛ nɛwɛnyina la. O sɔn bɛl ɡee Mɛsaya. ne.#Jer 23:5; 33:15; Sek 6:12 9Hé na bwe maa kpɔa bil Josua sie. Baŋne anuanɛ lɔ bwe beŋkpoŋ la ta. Mɛɛ di ɡwinee dawɛ o taa, dɛ́ laa wechɔɡa aa lɔ harɛ nɔ ta kpɔ tɔpebeŋkpoŋ ɡbo. Men Koranar Bwa Kooroo bola.
10Awola tɔpere la, he bini bɛlbwa ɛɛ yerɛ o dɔŋee he so deŋnesɔɔhna ta, ásɛ he ɡrepo ne he fiɡ daa kooni bar heya.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.