Sekaria 1
1
Korowii yerɛ o nɛra ŋɔ bá berɛ ba o be
1Pɛɛsea Koojen Dareɔs aa di kora bennɛɛte korobie anuatoro ta la, Korowii bol waa o keame Sekaria waa ɛ Bɛrekea bibaa be. Sekaria nabaa sɔne Ido.#Ɛsr 4:24; 5:1; 6:14; Mat 23:35
2Korowii Waa Ɛ Koranar Bwa Kooro ŋɔ Sekaria be ŋɔ ó bol nɛra la be ŋɔ on Korowii baah fa di o naawa nɛɛ taeh, 3dɛ ŋɔ, “Dɛ he charɛ he liire dɛ berɛ ba n be naa, mɛɛ nyiŋi he nɛɛ. 4He bɛ ɛ kɛŋɔ he naawa. Banee n keamere baa tɔ sie la bol n waa ba be ŋɔ bá charɛ ba liire le ba wechɔɡa ne wedoŋa ta, kɛ ba ta n be noɛ, kɛɛ dɛ kpɔ duure tɛ mɛ la. 5He naawa sɛ taraken jaɔ? N keamere la ɡe ta lole ja aa? 6N cheɡɛ n bonɔɔna baa ɛ n keamere nɛɛ dɛ kpɔ me Mmarare ne n waa tɛ he naawa dɛ ja ba, kɛ ba vɛah dɛ dɔ a deŋnetɛra.
Belaa ba charɛ ba liire ŋɔ men Korowii Maa Ɛ Koronar Bwa Kooroo tɛr ba deŋne ɡɛ aa chɛa. Deŋnetɛra aa chɛ ba laanee ba dɔ le Korowii Waa Ɛ Koranar Bwa Kooro be ɡɛ waa ŋɔa wɛɛ ɛo la.”
Korowii keame Sekaria jaɡre ane waa naa wepila ta wa
7Koojen Dareɔs aa di kora bennɛɛte, korobie fi dɛ beŋkpoŋ baa dɛ yerɔ Sebat,#1:7 Hibru tena korobie Sebat ɛ Dɛɡa Ponyoo korobie. tɔpera fifraanɛ dɛ anaarɛ ta la, Korowii bol waa o keame Sekaria be jwaana. Kenii Sɛkaria bol Korowii waa la.
8“Awola jwaana la, men Sekaria na baa bɛl wepila ta o so jaaɡɔswɛm ta. Dɛ o cheɡɛ daa ane baa dɛ yera mɛtel baah ta fɛlembɔjen bɛl bini, asɛ nɛra bane ɡe so jaaɡɔswɛɛma, ne jaaɡɔkɔla dɛ jaaɡɔpoŋa ta o habɔɔ.#Wep 6:2-8
9Ate, n bɔɔro ŋɔ, ‘N dɔɔ, nɛra baa soɡe jaɡre ta nɔ munii ɛrɔɔ?’
Korowii nyundua torome la n ne waa dɛ bol waa la chaŋe ŋɔ, ‘Mɛɛ chaɡle a munii.’
10Belaa baa waa soɡe jaaɡɔswɛm ta dɛ che daa la baah ta la ŋɔ, ‘Banee banɔ la Korowii aa toma ŋɔ bá ka ɡaaɡe harɛ nɔ bwa ta dɛ́ na waa aa dɛ chiɡ.’
11Ba balɔ dɛ ba ŋɔ Korowii nyundua torome la waa cheɡɛ daa la baah ta la be ŋɔ, ‘Ya laŋɔ ka ɡaaɡe harɛ nɔ ta bwa, dɛ na kɛ harɛ la sɔɔhnɔ o nɛra bwa ɡwɛɡre.’
12Ate, Korowii nyundua torome la ŋɔ, ‘Koronar Bwa Kooro, bene fifraanuanɛɛ nɔ he baah aa di Jerusalam ne Juda bwɛjena tena nɛ. Saŋ besoo hɛɛ ba ba sum nae yɔ?’#Jer 29:10 13Belaa Korowii bol wobodɛɛɡa ne bolarawa waa o nyundua torome n ne waa bol waa la be.
14Ate, Korowii nyundua torome la waa bol waa n be la ŋɔ ń ka bol Koranar Bwa Kooro waa waa ŋɔa ŋɔ, ‘N dɛ nyin Jerusalam n bwɛjen waa do ɡoroŋ la waa taeh, 15kɛ n baah di harɛre a nɛra aa dɛ lii kɛŋɔ ba soɡe deŋnesɔɔhna ta la nɛɛ kohona. Dɛ n fe dɛ na n nɛra sum, kɛ ɡɛ harɛre la nɛra ɡelɔ n nɛra wahala ɡwaa kohona.
16Mɛɛ sune Jerusalam tena nɛɛ, dɛ́ berɛ ba bela, ásɛ ba kwaa ma n Dea ne bwɛjen la bwa. Men Koranar Bwa Kooroo bola.’
17Korowii nyundua torome berɔ ŋɔ kenii Koranar Bwa Kooro ɛɛ bol, ‘Mɛɛ ɡeloo n bwɛɛre la berɛ dɔ a te, ásɛ dɛ larawe n nɛra baa lɔ Jerusalam bwara, dɛ́ kpɔ bwɛjen la ɛ n kon.’
Nyeɡlare ane wa
18Wepila ane ɡe ta, n na nabal nyeɡlare anaarɛ ane. 19N bɔɔ Korowii nyundua torome la waa dɛ bol waa n be la ŋɔ, ‘Nyeɡlare nɔ ɡe munii ɛrɔɔ?’
O chaŋe ŋɔ, ‘Nyeɡlare nɔ cheɡɔ tɛ harɛre a nɛra aa kpeɡa, dɛ lɔ Juda ne Israel dɛ Jerusalam tena peɡre kaa harɛre ta la.’
20Belaa Korowii baɡ mɛ loɡra banaarɛ bane ɡe. 21N bɔɔ ŋɔ, ‘Bɔkwaa baala nɔ ɛɛ ba ba ɛɔ?’
Asɛ Korowii nyundua torome la chaŋe ŋɔ, ‘Ba balɔ dɛ́ ba aah, dɛ́ doŋi harɛre a nɛra aa kpeɡa, dɛ ba chɔɡ Juda harɛ dɛ lɔ o ta nɛra bwa peɡre kaa harɛre ta la.’ ”
Currently Selected:
Sekaria 1: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Sekaria 1
1
Korowii yerɛ o nɛra ŋɔ bá berɛ ba o be
1Pɛɛsea Koojen Dareɔs aa di kora bennɛɛte korobie anuatoro ta la, Korowii bol waa o keame Sekaria waa ɛ Bɛrekea bibaa be. Sekaria nabaa sɔne Ido.#Ɛsr 4:24; 5:1; 6:14; Mat 23:35
2Korowii Waa Ɛ Koranar Bwa Kooro ŋɔ Sekaria be ŋɔ ó bol nɛra la be ŋɔ on Korowii baah fa di o naawa nɛɛ taeh, 3dɛ ŋɔ, “Dɛ he charɛ he liire dɛ berɛ ba n be naa, mɛɛ nyiŋi he nɛɛ. 4He bɛ ɛ kɛŋɔ he naawa. Banee n keamere baa tɔ sie la bol n waa ba be ŋɔ bá charɛ ba liire le ba wechɔɡa ne wedoŋa ta, kɛ ba ta n be noɛ, kɛɛ dɛ kpɔ duure tɛ mɛ la. 5He naawa sɛ taraken jaɔ? N keamere la ɡe ta lole ja aa? 6N cheɡɛ n bonɔɔna baa ɛ n keamere nɛɛ dɛ kpɔ me Mmarare ne n waa tɛ he naawa dɛ ja ba, kɛ ba vɛah dɛ dɔ a deŋnetɛra.
Belaa ba charɛ ba liire ŋɔ men Korowii Maa Ɛ Koronar Bwa Kooroo tɛr ba deŋne ɡɛ aa chɛa. Deŋnetɛra aa chɛ ba laanee ba dɔ le Korowii Waa Ɛ Koranar Bwa Kooro be ɡɛ waa ŋɔa wɛɛ ɛo la.”
Korowii keame Sekaria jaɡre ane waa naa wepila ta wa
7Koojen Dareɔs aa di kora bennɛɛte, korobie fi dɛ beŋkpoŋ baa dɛ yerɔ Sebat,#1:7 Hibru tena korobie Sebat ɛ Dɛɡa Ponyoo korobie. tɔpera fifraanɛ dɛ anaarɛ ta la, Korowii bol waa o keame Sekaria be jwaana. Kenii Sɛkaria bol Korowii waa la.
8“Awola jwaana la, men Sekaria na baa bɛl wepila ta o so jaaɡɔswɛm ta. Dɛ o cheɡɛ daa ane baa dɛ yera mɛtel baah ta fɛlembɔjen bɛl bini, asɛ nɛra bane ɡe so jaaɡɔswɛɛma, ne jaaɡɔkɔla dɛ jaaɡɔpoŋa ta o habɔɔ.#Wep 6:2-8
9Ate, n bɔɔro ŋɔ, ‘N dɔɔ, nɛra baa soɡe jaɡre ta nɔ munii ɛrɔɔ?’
Korowii nyundua torome la n ne waa dɛ bol waa la chaŋe ŋɔ, ‘Mɛɛ chaɡle a munii.’
10Belaa baa waa soɡe jaaɡɔswɛm ta dɛ che daa la baah ta la ŋɔ, ‘Banee banɔ la Korowii aa toma ŋɔ bá ka ɡaaɡe harɛ nɔ bwa ta dɛ́ na waa aa dɛ chiɡ.’
11Ba balɔ dɛ ba ŋɔ Korowii nyundua torome la waa cheɡɛ daa la baah ta la be ŋɔ, ‘Ya laŋɔ ka ɡaaɡe harɛ nɔ ta bwa, dɛ na kɛ harɛ la sɔɔhnɔ o nɛra bwa ɡwɛɡre.’
12Ate, Korowii nyundua torome la ŋɔ, ‘Koronar Bwa Kooro, bene fifraanuanɛɛ nɔ he baah aa di Jerusalam ne Juda bwɛjena tena nɛ. Saŋ besoo hɛɛ ba ba sum nae yɔ?’#Jer 29:10 13Belaa Korowii bol wobodɛɛɡa ne bolarawa waa o nyundua torome n ne waa bol waa la be.
14Ate, Korowii nyundua torome la waa bol waa n be la ŋɔ ń ka bol Koranar Bwa Kooro waa waa ŋɔa ŋɔ, ‘N dɛ nyin Jerusalam n bwɛjen waa do ɡoroŋ la waa taeh, 15kɛ n baah di harɛre a nɛra aa dɛ lii kɛŋɔ ba soɡe deŋnesɔɔhna ta la nɛɛ kohona. Dɛ n fe dɛ na n nɛra sum, kɛ ɡɛ harɛre la nɛra ɡelɔ n nɛra wahala ɡwaa kohona.
16Mɛɛ sune Jerusalam tena nɛɛ, dɛ́ berɛ ba bela, ásɛ ba kwaa ma n Dea ne bwɛjen la bwa. Men Koranar Bwa Kooroo bola.’
17Korowii nyundua torome berɔ ŋɔ kenii Koranar Bwa Kooro ɛɛ bol, ‘Mɛɛ ɡeloo n bwɛɛre la berɛ dɔ a te, ásɛ dɛ larawe n nɛra baa lɔ Jerusalam bwara, dɛ́ kpɔ bwɛjen la ɛ n kon.’
Nyeɡlare ane wa
18Wepila ane ɡe ta, n na nabal nyeɡlare anaarɛ ane. 19N bɔɔ Korowii nyundua torome la waa dɛ bol waa n be la ŋɔ, ‘Nyeɡlare nɔ ɡe munii ɛrɔɔ?’
O chaŋe ŋɔ, ‘Nyeɡlare nɔ cheɡɔ tɛ harɛre a nɛra aa kpeɡa, dɛ lɔ Juda ne Israel dɛ Jerusalam tena peɡre kaa harɛre ta la.’
20Belaa Korowii baɡ mɛ loɡra banaarɛ bane ɡe. 21N bɔɔ ŋɔ, ‘Bɔkwaa baala nɔ ɛɛ ba ba ɛɔ?’
Asɛ Korowii nyundua torome la chaŋe ŋɔ, ‘Ba balɔ dɛ́ ba aah, dɛ́ doŋi harɛre a nɛra aa kpeɡa, dɛ ba chɔɡ Juda harɛ dɛ lɔ o ta nɛra bwa peɡre kaa harɛre ta la.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.