1 A̱korontiyawa 12
12
Za̱náng Chet nang A̱za̱za̱rak Ntswa Ka̱u Á̱niet Khwi a̱ni
1Ma̱ninika, nyin á̱niet khwi Yesu ba nang n chat a̱ni, da̱ a̱lyiat nang nyi lyip tazwa za̱náng chet nang A̱za̱za̱rak Ntswa wu ka̱u zi̱t a̱ni. N chat nyi fi̱k a̱lyiat za̱náng nchet nani shansham. 2Nyi lyen di̱n jen nang nyi ku ngyet á̱niet chyi A̱gwaza a̱ni, á̱ ku laai nyin á̱ tyei zan. Nyi si̱ kwok ntong a̱zaghyi nghwughwu a̱yaagwaza sang swuan ba̱ nwai lyiat a̱ni. 3Mat a̱nia, n chat nyi lyen nang á̱ mbyia̱ a̱tyu nang A̱za̱za̱rak Ntswa A̱gwaza na tyia̱ gu gu shyi Yesu a̱ni bah. A̱tyu a̱ na hyia̱ nang Yesu wa ngyet A̱tyoli wu a̱ni; nggu wa ma̱ nyin gu yet a̱tyu nang A̱za̱za̱rak Ntswa A̱gwaza wu shya̱ ndung ma̱ng a̱nggu a̱ni.
4Za̱náng chet A̱za̱za̱rak Ntswa nshya̱ ma̱ a̱di̱di̱t ji̱ vwuon a̱ni. A̱wot A̱za̱za̱rak Ntswa a̱nyiung wa ka̱u nji a̱mgba̱m. 5Nta̱m A̱gwaza nshya̱ ma̱ a̱di̱di̱t na̱ vwuon a̱ni. A̱wot A̱gwaza a̱nyiung wa nang zi̱ nyia̱ nggu kuzang tangka̱i nta̱m. 6A̱gwaza nyia̱ nta̱m di̱ nvak ma̱ a̱di̱di̱t. A̱wot ma̱ A̱gwaza a̱nyiung wa nyia̱ kuzang tangka̱i nta̱m mi̱ konyan ma̱ nzi̱t.
7Á̱ nang konyan ma̱ nzi̱t kuzang ntangka̱i za̱náng chet A̱za̱za̱rak Ntswa, da̱nian zi̱ ka mbeang á̱ghyang.
8A̱ghyang a̱niet, A̱za̱za̱rak Ntswa wu nang gu chet nang gu na nshei a̱lyiat A̱gwaza na ma̱ng a̱tsatsak mumwang#12:8 Wa̱i a̱lyiat: A̱tsatsak mumwang. Shimba Bulut ku lyiat tazwa mumwang nang A̱gwaza nwuak á̱niet ba̱ nshei a̱lyiat tazwa Yesu nang á̱ ku kpang da̱ a̱team a̱khwu wu a̱ni. 1A̱ko 1:18-24; 2:10-13. nang á̱ tyai nggu ndyo a̱ni.
A̱ghyang a̱niet mameang, A̱za̱za̱rak Ntswa wu si̱ nang nggu chet nang gu na ndyiat nang a̱tyu lyen a̱lyiat A̱gwaza nang A̱za̱za̱rak Ntswa wu tyai nggu ndyo a̱ni.
9A̱ghyang a̱niet, A̱za̱za̱rak Ntswa wu si̱ nang nggu chet nang gu na nwuak fwuo gba̱mgbam, A̱gwaza a̱ tyai a̱tsatsak nchet nggu wu da̱ a̱nggu a̱tyu a̱ nwuak fwuo hu a̱ni.#12:9 1A̱ko 13:2.
A̱ghyang a̱niet meang, A̱za̱za̱rak Ntswa wu si̱ nang nggu chet kuzang jen a̱ choot kuzang tangka̱i nzwan.
10A̱ghyang a̱niet, A̱za̱za̱rak Ntswa wu si̱ nang nggu chet kuzang jen gu ni̱ nnyia̱ nta̱m a̱ga̱de njhyang ma̱ a̱di̱di̱t.
A̱wot a̱ghyang a̱niet meang, á̱ si̱ nang nggu chet shei a̱lyiat A̱gwaza nang A̱za̱za̱rak Ntswa wu ni̱ tyai gu kpa̱sai#12:10a Wa̱i a̱lyiat: Shei a̱lyiat A̱gwaza nang A̱za̱za̱rak Ntswa wu ni̱ tyai gu kpa̱sai. Jen jhyang shei á̱zanson hu ni̱ yet tak kyang ku na bai á̱zanson a̱ni, a̱wot ku yet shei á̱zanson hwa kuzang jen bah. Da̱ nhu ku fa nyia̱ nta̱m na̱ yet a̱lama nia a̱ni za̱m bah. Ma̱nang Iri̱miya, a̱ta̱m a̱kwonu A̱gwaza ku nda̱p a̱nunuut a̱toot ndyang nang á̱ ku nok ma̱ng wulyin a̱ni. Iri̱ 13:1. Ma̱ á̱niet khwi ba á̱ nang konyan za̱nang jini Jow 2:28-30; Nta̱m 2:17-18; 1Ta̱s 5:19-22; Rom 12:6. Ma̱ng a̱nia, á̱niet khwi nang á̱ ku ka̱u mba za̱nang nchet jini a̱ni, á̱ ku yei mba a̱yaata̱m a̱kwonu A̱gwaza kuzang jen. gu shei susot á̱niet khwi ji a̱ni.
A̱ghyang a̱niet byia̱ chet khap A̱za̱za̱rak Ntswa ma̱ng a̱ka̱tuk ntswa a̱ni.#12:10b Lyuut cha̱chaat: “Tswá ji.” Wa̱i a̱lyiat: Tswá ji. Ku fa a̱ka̱tuk ntswá a̱ni kang ma̱ng A̱za̱za̱rak Ntswa 1Yon 4:1. Ku Tswá ji fa tswá a̱yaata̱m a̱kwonu A̱gwaza, á̱ fa a̱yaata̱m a̱kwonu A̱gwaza ma̱ á̱niet khwi. Si̱ huni fa a̱lyiat A̱gwaza nang gu shei á̱niet khwi a̱ni, á̱ na mak na á̱ li ke na̱ neet da̱ a̱vwuo A̱za̱za̱rak Ntswa kya 1Ta̱s 5:20-21; 1A̱ko 5:3-4; 14:12,14,29,32.
Ma a̱nia wa, a̱ghyang a̱niet á̱ nang nggu chet a̱ lyiat di̱ lilyem A̱za̱za̱rak Ntswa ma̱ a̱di̱di̱t nang á̱ghyang á̱niet chyi a̱ni.#12:10c Wa̱i a̱lyiat: Lilyem A̱za̱za̱rak Ntswa ma̱ a̱di̱di̱t nang á̱ghyang á̱niet chyi a̱ni. Huhwa yet: A̱za̱za̱rak Ntswa wa nwuat 1A̱ko 12:7,11; 14:2. A̱tyu lyiat wu ni̱ ta̱bat a̱pyia̱ nggu di̱n jen a̱lyiat ji. 1A̱ko 14:27-28. Kuzang jen nggu a̱tyu lyiat wu ma̱ng a̱tyu fwuong wu, ni̱ fi̱k a̱lyiat na nang a̱lyem ka lyiat mi̱ swanta hu a̱ni bah, a̱wot ma̱ng a̱nia, ka̱ neet da̱ a̱vwuo A̱gwaza kya 1A̱ko 14:14-16 A̱wot a̱ lyiat ma̱ng A̱gwaza wa ma̱nyin nggu tazwa kyang ku shya̱ di̱ niat di̱ nwuak a̱chuchuk a̱ni 1A̱ko 14:2; 14:15,28. Za̱nang chet A̱za̱za̱rak Ntswa jini ja ku yet si̱ nang á̱niet khwi A̱korontiyawa ba chat a̱ swak a̱ni, a̱wot Bulut ku shei nang jija ngyet a̱tsatsak wu a̱ swak bah. 1A̱ko 14:1-5; 13.
A̱wot a̱ghyang a̱niet, á̱ si̱ nang nggu chet bwan a̱lyiat#12:10d Wa̱i a̱lyiat: Chet bwan a̱lyiat. Lyiat di̱ lilyem ku yet kyang a̱ri̱bi̱di wa mi̱ Nta̱m 2:3-11 a̱ni, ku laai vwuon ma̱ chunchwiit mi̱ lilyem huni. Mi̱ ta̱ka̱da Nta̱m A̱yaata̱m, A̱za̱za̱rak Ntswa wa ku nwuak a̱yaata̱m Yesu ba chet ba̱ shei a̱lyiat A̱gwaza na di̱n vak a̱ri̱bi̱di di̱ lilyem swanta hu da̱ nang ba̱ ka̱n myiam a̱ni bah. A̱mgba̱m ma̱ng a̱nia, á̱niet ba si̱ kin fi̱k a̱lyiat na kiki, di̱ ma̱ a̱tyu bwan mba a̱lyiat da̱ a̱lyem ka, nang ku ndi a̱ji mi̱ 1A̱ko 12‒14. neet di̱ lilyem A̱za̱za̱rak Ntswa nat ndyo di̱ swáng a̱lyiat lilyem susot á̱niet khwi.#12:10e Wa̱i a̱lyiat: Di̱ swáng a̱lyiat lilyem susot á̱niet khwi.A̱za̱za̱rak Ntswa wu si̱ mi̱n nwuak a̱tyu a̱ lyiat ku a̱ghyang a̱niet ma̱ zan za̱nang chet jini mami a̱tung á̱niet khwi 1A̱ko 14:5,13,27-28.
11A̱mgba̱m za̱náng chet jini A̱za̱za̱rak Ntswa A̱gwaza wa ma̱nyin gu ka̱u njii. Nggu wa ma̱nyin gu bu khai za̱náng chet nang gu na nang konyan a̱ni.
A̱mgba̱m Á̱niet Khwi ba yet Nkap Vam Nyiung nia
12Vam a̱tyubishyi hu byia̱ nkap ma̱ a̱di̱di̱t. A̱wot a̱mgba̱m nkap a̱nia yet vam nyiung hwa. Ma a̱nia wa, nzi̱t zi̱ yet kidee vam Yesu Kristi hu a̱ni ndi.
13Á̱niet khwi á̱ghyang ma̱ nzi̱t yet A̱yahudawa bya. Á̱ghyang á̱niet si̱ yet Nnwap na̱ nwai yet A̱yahudawa a̱ni. Á̱ghyang si̱ yet á̱khwo bya. Á̱ghyang si̱ yet mman a̱li nia. A̱wot A̱za̱za̱rak Ntswa wu wa nyia̱ a̱mgba̱m nzi̱t ba̱ptisman ji, zi̱ si̱ yet vam nyiung. A̱wot a̱mgba̱m nzi̱t, zi̱ byia̱ A̱za̱za̱rak Ntswa a̱nyiung wa.#12:13 Lyuut cha̱chaat: “A̱mgba̱m nzi̱t, á̱ nang zi̱t zi̱ swuo mami A̱za̱za̱rak Ntswa a̱nyiung.”
14A̱tsak a̱lyiat, vam hu byia̱ nkap ma̱ a̱di̱di̱t, ku yet kap nyiung hwa bah. 15Ki̱ tak hu ku shya̱ mi̱ vam hu a̱ni nyia̱, “N gyet bwak bah. Mat a̱nia, n gyet kap vam bah.” Si̱ a̱hwa vwuong hu yet kap vam bah. 16Ma a̱nia wa, ki̱ fufwuo ma nyia̱, “Nung, ngyet tswa a̱li bah. Mat a̱nia, n gyet kap vam bah.” Si̱ a̱hwa na vwuong hu yet kap vam a? 17Ka̱ a̱mgba̱m vam hu wa yet tswa a̱li ja, si̱ yihwa zi̱ na nfwuong a̱vwuo na? Ma a̱nia wa, ka a̱mgba̱m vam hu wa yet fufwuo hwa, si̱ yihwa zi̱ na nfwuong swam nkyang hu?
18Mat a̱nia, nvam nzi̱t na byia̱ nkap ma̱ a̱di̱di̱t. A̱wot A̱gwaza si̱ tyia̱ kuzang kap di̱ tyan nang nggu n chat hu a̱ni. 19Ka̱ a̱mgba̱m vam hu wa yet kap nyiung hwa, si̱ ku li kang! 20A̱tsak a̱lyiat, á̱ mbyia̱ nkap ma̱ a̱di̱di̱t. A̱mgba̱m ma̱ng a̱nia, vam hu yet nyiung hwa.
21Mat a̱nia, tswa a̱li si̱ mi̱n nyia̱ ma̱ng bwak, “N byia̱ a̱ka̱ta ma̱ng a̱nwan bah.” Ma a̱nia wa, ku a̱pyia̱ meang ka̱ nyia̱ ma̱ng a̱ti̱tak, “N byia̱ a̱ka̱ta ma̱ng a̱nyin bah.”
22Mami a̱tsak a̱lyiat, nkap na nang á̱ nwuan na sang chet, á̱ si̱ bu kyiak na nang kyang a̱ni bah, na̱ yet kyang chat hwa mi̱ vam hu. 23Ma a̱nia wa, nkap vam na na̱ shya̱ di̱ niat a̱ni, zi̱ ni̱ chok na a̱tsatsak chok. Zi̱ ni̱ ta̱bam zi̱ kup nkap na di̱ na̱ myim á̱ li a̱ni bah. 24Ku nang a̱cha̱chet nkap wu n chat á̱ ta̱bam á̱ kup naa a̱ni bah. Huhwa mbyia̱ A̱gwaza ntung vam hu ndung, da̱nian á̱ bu mbeang shi hu. A̱wot á̱ kup nkap na̱ shya̱ di̱ niat a̱ni, ma̱ng a̱yaatoot. 25Si̱ huni na tyia̱ nkap na na̱ mun á̱pyia̱ mi̱ vam hu, mat a̱mgba̱m nkap na na̱ ka beang jhyang. 26Ki̱ kap nyiung swuo a̱bung, a̱mgba̱m á̱kum nkap ka na mun á̱ swuo a̱bung ka dundung ma̱ng a̱nhu. Ma a̱nia wa, ka̱ á̱ ma nwuak kap nyiung shi, a̱mgba̱m á̱kum nkap ka na gwai dundung ma̱ng a̱nhu.
27Ma a̱nia wa, a̱mgba̱m nyin sot á̱niet khwi ji, nyi yet vam Kristi hwa. A̱wot konyan ma̱ nyin yet kap nyiung hwa mi̱ vam nggu hu. 28A̱wot A̱gwaza si̱ khai á̱ghyang á̱niet mi̱ sot á̱niet khwi ji:
a̱nyiung, a̱yaata̱m Yesu#12:28 Wa̱i a̱lyiat: A̱yaata̱m Yesu fa, á̱niet ba nang Yesu ku khai a̱ si̱ ta̱m ba̱ yet á̱niet shei a̱lyiat nggu ba, bibya bu ku yet a̱son kpaat á̱niet khwi Yesu ba Mat 10:2; Ma̱r 6:30; Luk 6:13. A̱wot ba̱ si̱ kyiak ta̱m a̱hwa, ba̱ si̱ yet a̱yaakwak a̱son á̱niet khwi ba. A̱yaata̱m swak ma̱ a̱feang bani ku li doot Yesu hu ma̱ng swuan ma̱ á̱niet ba̱ ka̱n kwi a̱ni ma̱ng a̱ghyi. Bulut meang, ku li Yesu ma̱ng a̱ghyi nang gu ka̱n doot ma̱ng swuan ma̱ á̱niet ba̱ ka̱n kwi a̱ni, di̱n vak nang gu naat Da̱maskut. Mat a̱nia, Bulut meang a̱ maai a̱ yet a̱ta̱m Yesu wu.;
a̱feang, a̱yaata̱m a̱kwonu A̱gwaza;
a̱tat, á̱niet tyiet;
a̱wot ma̱ng á̱niet nyia̱ nkyang a̱ga̱de,
ma̱ng á̱niet ba̱ byia̱ za̱náng chet choot á̱niet nzwán a̱ni;
ma̱ng á̱niet ba̱ byia̱ za̱náng chet beang á̱ghyang a̱ni;
ma̱ng á̱niet byia̱ za̱náng chet yet a̱yaakwak a̱son a̱ni;
ma̱ng á̱niet ba̱ lyiat di̱ lilyem A̱za̱za̱rak Ntswa nang á̱ chyi a̱ni.
29A̱mgba̱m á̱niet khwi ba yet a̱yaata̱m#12:29 Wa̱i a̱lyiat: A̱yaata̱m. Di̱n jen jhyang, nang a̱lyoot “A̱yaata̱m” ka a̱ji a̱ni: Á̱ ku yei nka á̱ nfa á̱ghyang á̱niet bya kang ma̱ng a̱yaata̱m swak ma̱ a̱feang mba nang Yesu ma̱ a̱pyia̱ nggu ku tsa khai hu a̱ni, ma̱ng Bulut. Nwuan A̱fi 4:11. A̱yaata̱m á̱ghyang nang á̱ lyiat a̱ji a̱ni, bibya yet, Ba̱nabat, Sila, A̱dronikut, Juniat, ma̱ng á̱ghyang ma̱ a̱di̱di̱t. A̱mgba̱m ma̱ng a̱nia, ma̱ á̱niet nang á̱ ku kyiak Yesu wa khai mba a̱wot A̱za̱za̱rak Ntswa wu si̱ nang mba za̱nang chet ba̱ tung á̱niet khwi a̱fai, a̱wot ba̱ bu nyia̱ tyok tazwa á̱niet ba á̱ ku tsa tyia̱ mba a̱lyoot “A̱ta̱m” á̱niet khwi ka a̱ni. Yesu byaa? A̱mgba̱m á̱niet khwi ba yet a̱yaata̱m a̱kwonu A̱gwaza bya mami susot á̱niet khwi ji a? A̱mgba̱m á̱niet khwi ba yet á̱niet tyiet byaa? Kee, a̱mgba̱m á̱niet khwi ba yet á̱niet nyia̱ nta̱m a̱ga̱de byaa? 30A̱mgba̱m á̱niet khwi bibya byia̱ za̱náng chet choot á̱niet nzwán baa? A̱mgba̱m á̱niet khwi bibya byia̱ za̱náng chet lyiat di̱ lilyem A̱za̱za̱rak Ntswa ghyang nang á̱ chyi a̱ni a? Kee, a̱mgba̱m mba wa byia̱ za̱náng chet bwan lilyem A̱za̱za̱rak Ntswa ghyang hu? Kaai!
31Mat a̱nia, ku myim nyi byia̱ di̱dang za̱náng chet ji̱ na beang a̱ swak a̱ni. A̱wot a̱mgba̱m ma̱ng a̱nia, n na ntyai nyin vak ku yet a̱ swak a̱ni#12:31 Wa̱i a̱lyiat: Vak ku yet a̱ swak a̱ni, huhwa yet: Zi̱ nyia̱ nta̱m ma̱ng za̱náng chet ji di̱n vak chat á̱ghyang, da̱nian zi̱ ka tyia̱ á̱niet khwi á̱ghyang gba̱gbak ba̱ yong mi̱ chet di̱ khwi Yesu hu..
Currently Selected:
1 A̱korontiyawa 12: TyapNT
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
1 A̱korontiyawa 12
12
Za̱náng Chet nang A̱za̱za̱rak Ntswa Ka̱u Á̱niet Khwi a̱ni
1Ma̱ninika, nyin á̱niet khwi Yesu ba nang n chat a̱ni, da̱ a̱lyiat nang nyi lyip tazwa za̱náng chet nang A̱za̱za̱rak Ntswa wu ka̱u zi̱t a̱ni. N chat nyi fi̱k a̱lyiat za̱náng nchet nani shansham. 2Nyi lyen di̱n jen nang nyi ku ngyet á̱niet chyi A̱gwaza a̱ni, á̱ ku laai nyin á̱ tyei zan. Nyi si̱ kwok ntong a̱zaghyi nghwughwu a̱yaagwaza sang swuan ba̱ nwai lyiat a̱ni. 3Mat a̱nia, n chat nyi lyen nang á̱ mbyia̱ a̱tyu nang A̱za̱za̱rak Ntswa A̱gwaza na tyia̱ gu gu shyi Yesu a̱ni bah. A̱tyu a̱ na hyia̱ nang Yesu wa ngyet A̱tyoli wu a̱ni; nggu wa ma̱ nyin gu yet a̱tyu nang A̱za̱za̱rak Ntswa A̱gwaza wu shya̱ ndung ma̱ng a̱nggu a̱ni.
4Za̱náng chet A̱za̱za̱rak Ntswa nshya̱ ma̱ a̱di̱di̱t ji̱ vwuon a̱ni. A̱wot A̱za̱za̱rak Ntswa a̱nyiung wa ka̱u nji a̱mgba̱m. 5Nta̱m A̱gwaza nshya̱ ma̱ a̱di̱di̱t na̱ vwuon a̱ni. A̱wot A̱gwaza a̱nyiung wa nang zi̱ nyia̱ nggu kuzang tangka̱i nta̱m. 6A̱gwaza nyia̱ nta̱m di̱ nvak ma̱ a̱di̱di̱t. A̱wot ma̱ A̱gwaza a̱nyiung wa nyia̱ kuzang tangka̱i nta̱m mi̱ konyan ma̱ nzi̱t.
7Á̱ nang konyan ma̱ nzi̱t kuzang ntangka̱i za̱náng chet A̱za̱za̱rak Ntswa, da̱nian zi̱ ka mbeang á̱ghyang.
8A̱ghyang a̱niet, A̱za̱za̱rak Ntswa wu nang gu chet nang gu na nshei a̱lyiat A̱gwaza na ma̱ng a̱tsatsak mumwang#12:8 Wa̱i a̱lyiat: A̱tsatsak mumwang. Shimba Bulut ku lyiat tazwa mumwang nang A̱gwaza nwuak á̱niet ba̱ nshei a̱lyiat tazwa Yesu nang á̱ ku kpang da̱ a̱team a̱khwu wu a̱ni. 1A̱ko 1:18-24; 2:10-13. nang á̱ tyai nggu ndyo a̱ni.
A̱ghyang a̱niet mameang, A̱za̱za̱rak Ntswa wu si̱ nang nggu chet nang gu na ndyiat nang a̱tyu lyen a̱lyiat A̱gwaza nang A̱za̱za̱rak Ntswa wu tyai nggu ndyo a̱ni.
9A̱ghyang a̱niet, A̱za̱za̱rak Ntswa wu si̱ nang nggu chet nang gu na nwuak fwuo gba̱mgbam, A̱gwaza a̱ tyai a̱tsatsak nchet nggu wu da̱ a̱nggu a̱tyu a̱ nwuak fwuo hu a̱ni.#12:9 1A̱ko 13:2.
A̱ghyang a̱niet meang, A̱za̱za̱rak Ntswa wu si̱ nang nggu chet kuzang jen a̱ choot kuzang tangka̱i nzwan.
10A̱ghyang a̱niet, A̱za̱za̱rak Ntswa wu si̱ nang nggu chet kuzang jen gu ni̱ nnyia̱ nta̱m a̱ga̱de njhyang ma̱ a̱di̱di̱t.
A̱wot a̱ghyang a̱niet meang, á̱ si̱ nang nggu chet shei a̱lyiat A̱gwaza nang A̱za̱za̱rak Ntswa wu ni̱ tyai gu kpa̱sai#12:10a Wa̱i a̱lyiat: Shei a̱lyiat A̱gwaza nang A̱za̱za̱rak Ntswa wu ni̱ tyai gu kpa̱sai. Jen jhyang shei á̱zanson hu ni̱ yet tak kyang ku na bai á̱zanson a̱ni, a̱wot ku yet shei á̱zanson hwa kuzang jen bah. Da̱ nhu ku fa nyia̱ nta̱m na̱ yet a̱lama nia a̱ni za̱m bah. Ma̱nang Iri̱miya, a̱ta̱m a̱kwonu A̱gwaza ku nda̱p a̱nunuut a̱toot ndyang nang á̱ ku nok ma̱ng wulyin a̱ni. Iri̱ 13:1. Ma̱ á̱niet khwi ba á̱ nang konyan za̱nang jini Jow 2:28-30; Nta̱m 2:17-18; 1Ta̱s 5:19-22; Rom 12:6. Ma̱ng a̱nia, á̱niet khwi nang á̱ ku ka̱u mba za̱nang nchet jini a̱ni, á̱ ku yei mba a̱yaata̱m a̱kwonu A̱gwaza kuzang jen. gu shei susot á̱niet khwi ji a̱ni.
A̱ghyang a̱niet byia̱ chet khap A̱za̱za̱rak Ntswa ma̱ng a̱ka̱tuk ntswa a̱ni.#12:10b Lyuut cha̱chaat: “Tswá ji.” Wa̱i a̱lyiat: Tswá ji. Ku fa a̱ka̱tuk ntswá a̱ni kang ma̱ng A̱za̱za̱rak Ntswa 1Yon 4:1. Ku Tswá ji fa tswá a̱yaata̱m a̱kwonu A̱gwaza, á̱ fa a̱yaata̱m a̱kwonu A̱gwaza ma̱ á̱niet khwi. Si̱ huni fa a̱lyiat A̱gwaza nang gu shei á̱niet khwi a̱ni, á̱ na mak na á̱ li ke na̱ neet da̱ a̱vwuo A̱za̱za̱rak Ntswa kya 1Ta̱s 5:20-21; 1A̱ko 5:3-4; 14:12,14,29,32.
Ma a̱nia wa, a̱ghyang a̱niet á̱ nang nggu chet a̱ lyiat di̱ lilyem A̱za̱za̱rak Ntswa ma̱ a̱di̱di̱t nang á̱ghyang á̱niet chyi a̱ni.#12:10c Wa̱i a̱lyiat: Lilyem A̱za̱za̱rak Ntswa ma̱ a̱di̱di̱t nang á̱ghyang á̱niet chyi a̱ni. Huhwa yet: A̱za̱za̱rak Ntswa wa nwuat 1A̱ko 12:7,11; 14:2. A̱tyu lyiat wu ni̱ ta̱bat a̱pyia̱ nggu di̱n jen a̱lyiat ji. 1A̱ko 14:27-28. Kuzang jen nggu a̱tyu lyiat wu ma̱ng a̱tyu fwuong wu, ni̱ fi̱k a̱lyiat na nang a̱lyem ka lyiat mi̱ swanta hu a̱ni bah, a̱wot ma̱ng a̱nia, ka̱ neet da̱ a̱vwuo A̱gwaza kya 1A̱ko 14:14-16 A̱wot a̱ lyiat ma̱ng A̱gwaza wa ma̱nyin nggu tazwa kyang ku shya̱ di̱ niat di̱ nwuak a̱chuchuk a̱ni 1A̱ko 14:2; 14:15,28. Za̱nang chet A̱za̱za̱rak Ntswa jini ja ku yet si̱ nang á̱niet khwi A̱korontiyawa ba chat a̱ swak a̱ni, a̱wot Bulut ku shei nang jija ngyet a̱tsatsak wu a̱ swak bah. 1A̱ko 14:1-5; 13.
A̱wot a̱ghyang a̱niet, á̱ si̱ nang nggu chet bwan a̱lyiat#12:10d Wa̱i a̱lyiat: Chet bwan a̱lyiat. Lyiat di̱ lilyem ku yet kyang a̱ri̱bi̱di wa mi̱ Nta̱m 2:3-11 a̱ni, ku laai vwuon ma̱ chunchwiit mi̱ lilyem huni. Mi̱ ta̱ka̱da Nta̱m A̱yaata̱m, A̱za̱za̱rak Ntswa wa ku nwuak a̱yaata̱m Yesu ba chet ba̱ shei a̱lyiat A̱gwaza na di̱n vak a̱ri̱bi̱di di̱ lilyem swanta hu da̱ nang ba̱ ka̱n myiam a̱ni bah. A̱mgba̱m ma̱ng a̱nia, á̱niet ba si̱ kin fi̱k a̱lyiat na kiki, di̱ ma̱ a̱tyu bwan mba a̱lyiat da̱ a̱lyem ka, nang ku ndi a̱ji mi̱ 1A̱ko 12‒14. neet di̱ lilyem A̱za̱za̱rak Ntswa nat ndyo di̱ swáng a̱lyiat lilyem susot á̱niet khwi.#12:10e Wa̱i a̱lyiat: Di̱ swáng a̱lyiat lilyem susot á̱niet khwi.A̱za̱za̱rak Ntswa wu si̱ mi̱n nwuak a̱tyu a̱ lyiat ku a̱ghyang a̱niet ma̱ zan za̱nang chet jini mami a̱tung á̱niet khwi 1A̱ko 14:5,13,27-28.
11A̱mgba̱m za̱náng chet jini A̱za̱za̱rak Ntswa A̱gwaza wa ma̱nyin gu ka̱u njii. Nggu wa ma̱nyin gu bu khai za̱náng chet nang gu na nang konyan a̱ni.
A̱mgba̱m Á̱niet Khwi ba yet Nkap Vam Nyiung nia
12Vam a̱tyubishyi hu byia̱ nkap ma̱ a̱di̱di̱t. A̱wot a̱mgba̱m nkap a̱nia yet vam nyiung hwa. Ma a̱nia wa, nzi̱t zi̱ yet kidee vam Yesu Kristi hu a̱ni ndi.
13Á̱niet khwi á̱ghyang ma̱ nzi̱t yet A̱yahudawa bya. Á̱ghyang á̱niet si̱ yet Nnwap na̱ nwai yet A̱yahudawa a̱ni. Á̱ghyang si̱ yet á̱khwo bya. Á̱ghyang si̱ yet mman a̱li nia. A̱wot A̱za̱za̱rak Ntswa wu wa nyia̱ a̱mgba̱m nzi̱t ba̱ptisman ji, zi̱ si̱ yet vam nyiung. A̱wot a̱mgba̱m nzi̱t, zi̱ byia̱ A̱za̱za̱rak Ntswa a̱nyiung wa.#12:13 Lyuut cha̱chaat: “A̱mgba̱m nzi̱t, á̱ nang zi̱t zi̱ swuo mami A̱za̱za̱rak Ntswa a̱nyiung.”
14A̱tsak a̱lyiat, vam hu byia̱ nkap ma̱ a̱di̱di̱t, ku yet kap nyiung hwa bah. 15Ki̱ tak hu ku shya̱ mi̱ vam hu a̱ni nyia̱, “N gyet bwak bah. Mat a̱nia, n gyet kap vam bah.” Si̱ a̱hwa vwuong hu yet kap vam bah. 16Ma a̱nia wa, ki̱ fufwuo ma nyia̱, “Nung, ngyet tswa a̱li bah. Mat a̱nia, n gyet kap vam bah.” Si̱ a̱hwa na vwuong hu yet kap vam a? 17Ka̱ a̱mgba̱m vam hu wa yet tswa a̱li ja, si̱ yihwa zi̱ na nfwuong a̱vwuo na? Ma a̱nia wa, ka a̱mgba̱m vam hu wa yet fufwuo hwa, si̱ yihwa zi̱ na nfwuong swam nkyang hu?
18Mat a̱nia, nvam nzi̱t na byia̱ nkap ma̱ a̱di̱di̱t. A̱wot A̱gwaza si̱ tyia̱ kuzang kap di̱ tyan nang nggu n chat hu a̱ni. 19Ka̱ a̱mgba̱m vam hu wa yet kap nyiung hwa, si̱ ku li kang! 20A̱tsak a̱lyiat, á̱ mbyia̱ nkap ma̱ a̱di̱di̱t. A̱mgba̱m ma̱ng a̱nia, vam hu yet nyiung hwa.
21Mat a̱nia, tswa a̱li si̱ mi̱n nyia̱ ma̱ng bwak, “N byia̱ a̱ka̱ta ma̱ng a̱nwan bah.” Ma a̱nia wa, ku a̱pyia̱ meang ka̱ nyia̱ ma̱ng a̱ti̱tak, “N byia̱ a̱ka̱ta ma̱ng a̱nyin bah.”
22Mami a̱tsak a̱lyiat, nkap na nang á̱ nwuan na sang chet, á̱ si̱ bu kyiak na nang kyang a̱ni bah, na̱ yet kyang chat hwa mi̱ vam hu. 23Ma a̱nia wa, nkap vam na na̱ shya̱ di̱ niat a̱ni, zi̱ ni̱ chok na a̱tsatsak chok. Zi̱ ni̱ ta̱bam zi̱ kup nkap na di̱ na̱ myim á̱ li a̱ni bah. 24Ku nang a̱cha̱chet nkap wu n chat á̱ ta̱bam á̱ kup naa a̱ni bah. Huhwa mbyia̱ A̱gwaza ntung vam hu ndung, da̱nian á̱ bu mbeang shi hu. A̱wot á̱ kup nkap na̱ shya̱ di̱ niat a̱ni, ma̱ng a̱yaatoot. 25Si̱ huni na tyia̱ nkap na na̱ mun á̱pyia̱ mi̱ vam hu, mat a̱mgba̱m nkap na na̱ ka beang jhyang. 26Ki̱ kap nyiung swuo a̱bung, a̱mgba̱m á̱kum nkap ka na mun á̱ swuo a̱bung ka dundung ma̱ng a̱nhu. Ma a̱nia wa, ka̱ á̱ ma nwuak kap nyiung shi, a̱mgba̱m á̱kum nkap ka na gwai dundung ma̱ng a̱nhu.
27Ma a̱nia wa, a̱mgba̱m nyin sot á̱niet khwi ji, nyi yet vam Kristi hwa. A̱wot konyan ma̱ nyin yet kap nyiung hwa mi̱ vam nggu hu. 28A̱wot A̱gwaza si̱ khai á̱ghyang á̱niet mi̱ sot á̱niet khwi ji:
a̱nyiung, a̱yaata̱m Yesu#12:28 Wa̱i a̱lyiat: A̱yaata̱m Yesu fa, á̱niet ba nang Yesu ku khai a̱ si̱ ta̱m ba̱ yet á̱niet shei a̱lyiat nggu ba, bibya bu ku yet a̱son kpaat á̱niet khwi Yesu ba Mat 10:2; Ma̱r 6:30; Luk 6:13. A̱wot ba̱ si̱ kyiak ta̱m a̱hwa, ba̱ si̱ yet a̱yaakwak a̱son á̱niet khwi ba. A̱yaata̱m swak ma̱ a̱feang bani ku li doot Yesu hu ma̱ng swuan ma̱ á̱niet ba̱ ka̱n kwi a̱ni ma̱ng a̱ghyi. Bulut meang, ku li Yesu ma̱ng a̱ghyi nang gu ka̱n doot ma̱ng swuan ma̱ á̱niet ba̱ ka̱n kwi a̱ni, di̱n vak nang gu naat Da̱maskut. Mat a̱nia, Bulut meang a̱ maai a̱ yet a̱ta̱m Yesu wu.;
a̱feang, a̱yaata̱m a̱kwonu A̱gwaza;
a̱tat, á̱niet tyiet;
a̱wot ma̱ng á̱niet nyia̱ nkyang a̱ga̱de,
ma̱ng á̱niet ba̱ byia̱ za̱náng chet choot á̱niet nzwán a̱ni;
ma̱ng á̱niet ba̱ byia̱ za̱náng chet beang á̱ghyang a̱ni;
ma̱ng á̱niet byia̱ za̱náng chet yet a̱yaakwak a̱son a̱ni;
ma̱ng á̱niet ba̱ lyiat di̱ lilyem A̱za̱za̱rak Ntswa nang á̱ chyi a̱ni.
29A̱mgba̱m á̱niet khwi ba yet a̱yaata̱m#12:29 Wa̱i a̱lyiat: A̱yaata̱m. Di̱n jen jhyang, nang a̱lyoot “A̱yaata̱m” ka a̱ji a̱ni: Á̱ ku yei nka á̱ nfa á̱ghyang á̱niet bya kang ma̱ng a̱yaata̱m swak ma̱ a̱feang mba nang Yesu ma̱ a̱pyia̱ nggu ku tsa khai hu a̱ni, ma̱ng Bulut. Nwuan A̱fi 4:11. A̱yaata̱m á̱ghyang nang á̱ lyiat a̱ji a̱ni, bibya yet, Ba̱nabat, Sila, A̱dronikut, Juniat, ma̱ng á̱ghyang ma̱ a̱di̱di̱t. A̱mgba̱m ma̱ng a̱nia, ma̱ á̱niet nang á̱ ku kyiak Yesu wa khai mba a̱wot A̱za̱za̱rak Ntswa wu si̱ nang mba za̱nang chet ba̱ tung á̱niet khwi a̱fai, a̱wot ba̱ bu nyia̱ tyok tazwa á̱niet ba á̱ ku tsa tyia̱ mba a̱lyoot “A̱ta̱m” á̱niet khwi ka a̱ni. Yesu byaa? A̱mgba̱m á̱niet khwi ba yet a̱yaata̱m a̱kwonu A̱gwaza bya mami susot á̱niet khwi ji a? A̱mgba̱m á̱niet khwi ba yet á̱niet tyiet byaa? Kee, a̱mgba̱m á̱niet khwi ba yet á̱niet nyia̱ nta̱m a̱ga̱de byaa? 30A̱mgba̱m á̱niet khwi bibya byia̱ za̱náng chet choot á̱niet nzwán baa? A̱mgba̱m á̱niet khwi bibya byia̱ za̱náng chet lyiat di̱ lilyem A̱za̱za̱rak Ntswa ghyang nang á̱ chyi a̱ni a? Kee, a̱mgba̱m mba wa byia̱ za̱náng chet bwan lilyem A̱za̱za̱rak Ntswa ghyang hu? Kaai!
31Mat a̱nia, ku myim nyi byia̱ di̱dang za̱náng chet ji̱ na beang a̱ swak a̱ni. A̱wot a̱mgba̱m ma̱ng a̱nia, n na ntyai nyin vak ku yet a̱ swak a̱ni#12:31 Wa̱i a̱lyiat: Vak ku yet a̱ swak a̱ni, huhwa yet: Zi̱ nyia̱ nta̱m ma̱ng za̱náng chet ji di̱n vak chat á̱ghyang, da̱nian zi̱ ka tyia̱ á̱niet khwi á̱ghyang gba̱gbak ba̱ yong mi̱ chet di̱ khwi Yesu hu..
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.