1 A̱korontiyawa 13
13
Chat Á̱ghyang hwa yet Za̱nang Chet A̱za̱za̱rak Ntswa ji̱ Swak a̱ni
1Ki̱ n si̱ mi̱n dyiat a̱mgba̱m
lilyem swanta hu,
mbeang lilyem a̱yaata̱m tswá A̱gwaza hu,
a̱wot nang n chat a̱yin bah;
n di nang li̱lak ji̱ shyui a̱fufwuo,
ku byin ji̱ byia̱ a̱gba̱ndang a̱nwuat a̱ni.
2Ma a̱nia wa, ki̱ n byia̱ za̱nang chet shei a̱lyiat A̱gwaza,
n si̱ bu nfi̱k a̱mgba̱m nkyang
nang A̱gwaza la̱p a̱ sak di̱ niat a̱ni;
a̱wot n si̱ mbyia̱ a̱mgba̱m mumwang,
n si̱ bu nwuak a̱chuchuk ba̱t
nang n na nshya̱i a̱ka̱fan a̱ni;
a̱wot da̱nang n chat a̱yin bah,
n gyet kyang bah.
3Ki̱ n na nwuak á̱kunak a̱mgba̱m zwá
nang n byia̱ a̱ni,
a̱wot n bu nwuak vam nung hu
nang za̱nang a̱ni,#13:3 Lyuut ghyang byia̱: “Vam nung hu á̱ fwui nang za̱nang a̱ni.”
da̱nian n ka ntam;
a̱wot nang n chat a̱yin bah,
n byia̱ kpangti̱n bah.
4A̱tyu chat á̱niet ni̱ nyap fwuo nggu hu,
a̱tyu chat á̱niet ni̱ fwuong kunak,
a̱tyu chat á̱niet ni̱ nyia̱ fi̱p bah,
da̱ nggu a̱ ni̱ tam
ku a̱ nyia̱ a̱dung a̱pyia̱ bah,
5A̱tyu chat á̱niet ni̱ jhyuai á̱niet bah,
da̱ nggu, a̱ ni̱ chat a̱pyia̱ bah.
A̱tyu chat á̱niet ni̱ tsaai jhya̱ bah,
da̱ nggu, a̱ ni̱ ba̱ng a̱yin mi̱ fwuo bah.
6A̱tyu chat á̱niet ni̱ fwuong nyinyang
nwai nyia̱ tsotswat bah.
Da̱ a̱kwonu a̱kya,
a̱ ni̱ fa̱k nyinyang ka̱ á̱ nyia̱ a̱chuchuk wu.
7A̱tyu chat á̱niet ni̱ nti̱n fwuo bah,
da̱ nggu, a̱ ni̱ but mi̱ fwuo di̱ nwuak a̱chuchuk
di̱ kuzang kyang bah.
Da̱ a̱kwonu a̱kya,
a̱ ni̱ ntyia̱ nfwuo kuzang jen,
a̱wot a̱ ni̱ gbang a̱lyia̱ mami kuzang kyang.
8Tangka̱i chat á̱niet huni si̱ mi̱n mak tyak bah,
ku na nshya̱ ba̱ng si̱ nat sang sangba̱p!
Shei a̱lyiat a̱kwonu A̱gwaza,
lyiat di̱ lilyem A̱za̱za̱rak Ntswa nang á̱ chyi a̱ni,
ma̱ng a̱tsatsak mumwang á̱ tyai a̱ni,
a̱mgba̱m nkyang nani na tyak.
A̱wot chat á̱ghyang hu na nshya̱
si̱ nat sang sangba̱p!
9Mat ma̱ninika, za̱nang chet
lyen kyang zi̱t ji yet á̱kum kya da̱ a̱jhyem wu.
A̱wot za̱nang chet shei a̱lyiat a̱kwonu A̱gwaza nzi̱t hu
ni̱ tyai kuzang kyang jhyem bah.
10A̱wot ka̱ a̱jhyem lyen wu ba̱ bai,
á̱kum za̱nang chet kani
na yet a̱buk kyang wa.
11Jen nang n ku ngyet nggwon a̱ni,
n ni̱ ndyiat, n nyia̱ a̱di̱dam nang nggwon a̱ni.
A̱wot n si̱ mbyia̱ ta̱fwat nang nggwon a̱ni.
A̱wot nang n shi a̱ni,
n si̱ ghwon nyia̱ nta̱m da̱won.
12Ma̱ninika, zi̱ nwuan ghyughyui
nang ghwughwu mi̱ ma̱dubi a̱ni.
A̱wot jen chobai,
zi̱ na li kuzang kyang kpa̱sai,
á̱ghyi ma̱ng á̱ghyi.
Ma a̱nia wa, a̱mgba̱m nkyang nang n dyen ma̱nini a̱ni,
na̱ yet a̱jhyem wa bah.
A̱wot jen chobai,
n na ndyen kuzang kyang cha̱chaat,
di̱ si̱sak ji nang A̱gwaza
ndyen nung cha̱chaat a̱ni.
13Mat a̱nia, nkyang ntat nia na nshya̱
si̱ nat sang sangba̱p hu, ni̱nia yet;
nwuak fwuo,
tyia̱ fwuo,
ma̱ng chat á̱ghyang nzi̱t.
A̱wot a̱gba̱ndang za̱nang chet wu
a̱ swak mi̱ nkyang ntat nani a̱ni,
nggu wa yet chat á̱ghyang hu.
Currently Selected:
1 A̱korontiyawa 13: TyapNT
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
1 A̱korontiyawa 13
13
Chat Á̱ghyang hwa yet Za̱nang Chet A̱za̱za̱rak Ntswa ji̱ Swak a̱ni
1Ki̱ n si̱ mi̱n dyiat a̱mgba̱m
lilyem swanta hu,
mbeang lilyem a̱yaata̱m tswá A̱gwaza hu,
a̱wot nang n chat a̱yin bah;
n di nang li̱lak ji̱ shyui a̱fufwuo,
ku byin ji̱ byia̱ a̱gba̱ndang a̱nwuat a̱ni.
2Ma a̱nia wa, ki̱ n byia̱ za̱nang chet shei a̱lyiat A̱gwaza,
n si̱ bu nfi̱k a̱mgba̱m nkyang
nang A̱gwaza la̱p a̱ sak di̱ niat a̱ni;
a̱wot n si̱ mbyia̱ a̱mgba̱m mumwang,
n si̱ bu nwuak a̱chuchuk ba̱t
nang n na nshya̱i a̱ka̱fan a̱ni;
a̱wot da̱nang n chat a̱yin bah,
n gyet kyang bah.
3Ki̱ n na nwuak á̱kunak a̱mgba̱m zwá
nang n byia̱ a̱ni,
a̱wot n bu nwuak vam nung hu
nang za̱nang a̱ni,#13:3 Lyuut ghyang byia̱: “Vam nung hu á̱ fwui nang za̱nang a̱ni.”
da̱nian n ka ntam;
a̱wot nang n chat a̱yin bah,
n byia̱ kpangti̱n bah.
4A̱tyu chat á̱niet ni̱ nyap fwuo nggu hu,
a̱tyu chat á̱niet ni̱ fwuong kunak,
a̱tyu chat á̱niet ni̱ nyia̱ fi̱p bah,
da̱ nggu a̱ ni̱ tam
ku a̱ nyia̱ a̱dung a̱pyia̱ bah,
5A̱tyu chat á̱niet ni̱ jhyuai á̱niet bah,
da̱ nggu, a̱ ni̱ chat a̱pyia̱ bah.
A̱tyu chat á̱niet ni̱ tsaai jhya̱ bah,
da̱ nggu, a̱ ni̱ ba̱ng a̱yin mi̱ fwuo bah.
6A̱tyu chat á̱niet ni̱ fwuong nyinyang
nwai nyia̱ tsotswat bah.
Da̱ a̱kwonu a̱kya,
a̱ ni̱ fa̱k nyinyang ka̱ á̱ nyia̱ a̱chuchuk wu.
7A̱tyu chat á̱niet ni̱ nti̱n fwuo bah,
da̱ nggu, a̱ ni̱ but mi̱ fwuo di̱ nwuak a̱chuchuk
di̱ kuzang kyang bah.
Da̱ a̱kwonu a̱kya,
a̱ ni̱ ntyia̱ nfwuo kuzang jen,
a̱wot a̱ ni̱ gbang a̱lyia̱ mami kuzang kyang.
8Tangka̱i chat á̱niet huni si̱ mi̱n mak tyak bah,
ku na nshya̱ ba̱ng si̱ nat sang sangba̱p!
Shei a̱lyiat a̱kwonu A̱gwaza,
lyiat di̱ lilyem A̱za̱za̱rak Ntswa nang á̱ chyi a̱ni,
ma̱ng a̱tsatsak mumwang á̱ tyai a̱ni,
a̱mgba̱m nkyang nani na tyak.
A̱wot chat á̱ghyang hu na nshya̱
si̱ nat sang sangba̱p!
9Mat ma̱ninika, za̱nang chet
lyen kyang zi̱t ji yet á̱kum kya da̱ a̱jhyem wu.
A̱wot za̱nang chet shei a̱lyiat a̱kwonu A̱gwaza nzi̱t hu
ni̱ tyai kuzang kyang jhyem bah.
10A̱wot ka̱ a̱jhyem lyen wu ba̱ bai,
á̱kum za̱nang chet kani
na yet a̱buk kyang wa.
11Jen nang n ku ngyet nggwon a̱ni,
n ni̱ ndyiat, n nyia̱ a̱di̱dam nang nggwon a̱ni.
A̱wot n si̱ mbyia̱ ta̱fwat nang nggwon a̱ni.
A̱wot nang n shi a̱ni,
n si̱ ghwon nyia̱ nta̱m da̱won.
12Ma̱ninika, zi̱ nwuan ghyughyui
nang ghwughwu mi̱ ma̱dubi a̱ni.
A̱wot jen chobai,
zi̱ na li kuzang kyang kpa̱sai,
á̱ghyi ma̱ng á̱ghyi.
Ma a̱nia wa, a̱mgba̱m nkyang nang n dyen ma̱nini a̱ni,
na̱ yet a̱jhyem wa bah.
A̱wot jen chobai,
n na ndyen kuzang kyang cha̱chaat,
di̱ si̱sak ji nang A̱gwaza
ndyen nung cha̱chaat a̱ni.
13Mat a̱nia, nkyang ntat nia na nshya̱
si̱ nat sang sangba̱p hu, ni̱nia yet;
nwuak fwuo,
tyia̱ fwuo,
ma̱ng chat á̱ghyang nzi̱t.
A̱wot a̱gba̱ndang za̱nang chet wu
a̱ swak mi̱ nkyang ntat nani a̱ni,
nggu wa yet chat á̱ghyang hu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.