1 A̱korontiyawa 11
11
1Ku myim nyi khwi kidee swat nung ji, ma̱nang n khwi kidee swat Yesu Kristi ji a̱ni.
Á̱ Tyiet Á̱niet Khwi tazwa Kwok A̱gwaza Ntong
2N chyin nyin, mat nyi bwung nung ma̱ a̱di̱dam nyin wu bah, a̱wot nyi si̱ khwi tyiet nung hu nang n tyiet nyin a̱ni ma̱ cha̱chaat. 3A̱wot kyang nyiung hwa n chat nyi lyen; a̱kwak a̱son kuzang a̱tyok yet Kristi wa, a̱kwak a̱son a̱byii̱k si̱ yet a̱tyok wa,#11:3 Lyuut cha̱chaat: “A̱tyok wa yet a̱pyia̱ a̱byii̱k nggu ka.” Ku: “A̱tyok wa yet a̱tyin a̱byii̱k nggu ka.” Ku: “A̱tyok wa yet a̱tyu a̱ ba̱ng a̱byii̱k nggu wu a̱ni.” a̱wot a̱kwak a̱son Kristi si̱ yet A̱gwaza wa. 4Kuzang a̱tyok a̱ naai A̱gwaza ku a̱ shei a̱lyiat A̱gwaza mami á̱kpa á̱niet ma̱ng bung a̱pyia̱ a̱ni, a̱ jhyuai a̱kwak a̱son#11:4 Lyuut cha̱chaat: “A̱pyia̱.” nggu wu wa a̱wa.
5A̱wot kuzang a̱byii̱k a̱ naai A̱gwaza ku a̱ shei a̱lyiat A̱gwaza mami á̱kpa á̱niet di̱ mi̱ la̱p a̱pyia̱ a̱ni, a̱ jhyuai a̱kwak a̱son#11:5 Lyuut cha̱chaat: “A̱pyia̱.” nggu wu wa, mat ku li ma̱nang á̱ kwat gu kpankuruk ja a̱ni. 6Mat a̱nia, a̱tsak a̱lyiat, ka̱ a̱byii̱k lak la̱p a̱pyia̱, si̱ gu kwat a̱pyia̱ nggu ka kpankuruk! A̱wot nang ku ngyet kyang nsum hwa a̱byii̱k a̱ fak pyia̱ ku a̱ kwat a̱pyia̱ nggu kpankuruk a̱ni. Mat a̱nia, si̱ a̱ la̱p a̱pyia̱ nggu ka ma̱ng fa̱ta̱la.
7Ma a̱nia wa a̱tyok meang, ku myim a̱ kup bung di̱n jen kwok A̱gwaza ntong bah. Mat á̱ nyia̱ a̱tyok mi̱ ghwughwu ma̱ng shi A̱gwaza hwa. A̱wot a̱byii̱k si̱ ma nshei shi a̱tyok hwa. 8Mat, a̱tyok nang A̱gwaza tsa mat mi̱ swanta hu a̱ni. A̱ ku ghwut mi̱ vam a̱byii̱k hwa bah. A̱wot a̱byii̱k wu wa ku ghwut mi̱ vam a̱tyok hu#11:8 Ku: “A̱tyok wu wa yet a̱tyin a̱byii̱k ka.”. 9A̱wot á̱ bu nyia̱ a̱tyok da̱nian a̱byii̱k bah. A̱byii̱k wa nang á̱ nyia̱ da̱nian a̱tyok. 10Mat a̱nia, nang a̱yaata̱m tswá A̱gwaza ba nswan á̱ cham a̱ni, ku yet ta hwa a̱byii̱k a̱ la̱p a̱pyia̱ nggu ka ma̱ng fa̱ta̱la. Ku ka tak nang a̱tyok wa nnyia̱ tyok tazwa a̱byii̱k#11:10 Lyuut cha̱chaat: “Ku myim a̱byii̱k a̱ byia̱ a̱lama tyok tazwa a̱pyia̱ nggu.”.
11A̱mgba̱m ma̱ng a̱nia, mami á̱niet khwi Kristi ba, á̱nyiuk swan á̱pyia̱ mba da̱ ma̱ á̱tyok bah. A̱wot á̱tyok meang, da̱ mba ba̱ swan á̱pyia̱ mba da̱ ma̱ á̱nyiuk bah. 12Ku nang A̱da̱mu wa ngyet a̱tyin A̱wa a̱ni, kuzang a̱tyok, a̱byii̱k wa byin guu. A̱wot kuzang kyang neet da̱ a̱vwuo A̱gwaza kya.
13Nyi zop ma̱ á̱pyia̱ nyin nyi li. Ku myim a̱byii̱k a̱ naai A̱gwaza di̱ mi̱ la̱p a̱pyia̱ a? 14Mami a̱chuchuk, mee ku yet kyang nsum hwa, a̱tyok a̱ ghwon pyia̱ nggu hu junjung di̱ mi̱ kwat a?
15A̱wot a̱byii̱k a̱ byia̱ a̱junjung pyia̱ a̱ni, da̱ a̱vwuo nggu, ku yet kyang tam hwa ma̱ng a̱sai a̱lyia̱. Mat á̱ nyia̱ pyia̱ nggu hu, gu ka nkup a̱pyia̱ nggu kya. 16A̱wot ka̱ a̱yin ma̱ nyin byia̱ fwuang di̱ si̱ huni, nzi̱t zi̱ byia̱ taada jhyang ji swak si̱ jini a̱ni bah, a̱wot ma a̱nia wa á̱kum susot á̱niet khwi A̱gwaza ka.
Gba tazwa ya Kyayak A̱di̱dam A̱khwu Yesu
(Mat 26:26-29; Ma̱r 14:22-25; Luk 22:14-20)
17A̱wot da̱ a̱lyiat n na ndyiat a̱ni, n si̱ mi̱n chyin nyin bah. Mat a̱ka̱tung nyin na yet á̱si̱ beang á̱ghyang bah. Na̱ yet a̱si̱ bi̱ri̱m á̱ghyang nia. 18Mat, di̱n tsa hu, n fa̱k nyia̱ ka̱ nyi tung nang sot á̱niet khwi a̱ni, nyi ni̱ ghai ma̱ng á̱ghyang nyin. A̱wot mami a̱tsatsak a̱lyiat, n nwuak a̱chuchuk a̱nia wa ku ndi. 19A̱wot ku li nang ku yet ta hwa, á̱ shya̱ ghai mami nyin, da̱nian á̱ ka fi̱k á̱niet ba̱ yet á̱si̱ A̱gwaza ma̱ nyin a̱ni!
20Mat a̱nia, jen nang nyi ni̱ ntung ndung a̱ni, mi̱ Ya Kyayak A̱di̱dam A̱khwu Yesu hu hwa nang nyi ni̱ chat ya hu za̱m bah. 21Á̱ghyang á̱niet ma̱ nyin ni̱ ya nkyayak mba na di̱ wuwok#11:21 Wa̱i a̱lyiat: Ya nkyayak mba na di̱ wuwok. Di̱n jen a̱ja, nkyayak nang á̱ ni̱ ya mi̱ njen Ya Kyayak A̱di̱dam A̱khwu Yesu a̱ni, ku yet mi̱ swuo a̱sa̱khwot sum a̱na̱p ma̱ng ya chunchong burodi sang yit wa ma̱nyin hu bah. Kyayak hu ku yet a̱jhyem nkyayak hwa. Ba̱ ku kyiak jen nang ba̱ ya. 1A̱ko 11:25.. Da̱ mba, ba̱ ni̱ nang á̱kum á̱niet ka bah. Nang ku ndi a̱nia a̱ni, á̱ghyang á̱niet ni̱ fwuong zong, nang á̱ghyang á̱niet hyeng. 22Yihwa mbyia̱ nyi nyia̱ a̱nia? Nyi byia̱ a̱ka̱sa nang nyi na ngya tsa nswuo a̱ni baa? Kee nyi chat jhyuai sot á̱niet khwi A̱gwaza jija, a̱wot nyi tyia̱ á̱kunak na nsum a? Mat a̱nia, yihwa nang n na hyia̱ ma̱ng a̱nyin? Nyi fa n chyin nyin wa kee? Kaai, ku ma̱ chunchwiit, n na chyin nyin za̱m di̱ si̱ huni bah!
Si̱sak ji nang á̱ na Ngya Kyayak A̱di̱dam A̱khwu Yesu a̱ni
23Mat n tak nyin tyiet nang A̱tyoli Yesu ma̱ a̱pyia̱ nggu nwuak nung a̱ni. Da̱ a̱tyetuk ka nang á̱ ku ndyap gu a̱ni, a̱ si̱ kyiak burodi sang yit wu, 24a̱wot a̱ si̱ gwai A̱gwaza. A̱jawa gu si̱ kpa̱ra̱m burodi wu di̱ gbi̱ngba̱ra̱m, a̱ si̱ nyia̱, “Burodi wuni yet kidee vam nung ja, nang á̱ nwuak da̱nian nyin a̱ni. Nyi ni̱ ngya burodi wuni, da̱nian nyi ka nyia̱ a̱di̱dam da̱ nung.”
25Ma a̱nia wa, nang ba̱ ntyak ya kyayak#11:25 Wa̱i a̱lyiat: Kyayak. Burodi ma̱ng a̱sa̱khwot a̱na̱p na, yet nkyayak nfeang nia mami a̱jhyem kyayak si̱ A̱yet Ghwut Mman Isi̱rela mi̱ Khwo. 1A̱ko 11:21. hu a̱ni, Yesu si̱ kyiak a̱kashyi a̱sa̱khwot a̱na̱p na, a̱ si̱ nyia̱, “A̱kashyi wuni wa yet kidee a̱li̱ka̱uli a̱fai nang A̱gwaza la̱p ma̱ng á̱niet nggu ba a̱ni, mat a̱sok nung na nang á̱ nwuak na̱ yet zang ji a̱ni. Kuzang jen nang nyi nswuo a̱ni, nyi ni̱ nswuo da̱nian nyi ka nyia̱ a̱di̱dam da̱ nung.”
26Mat kuzang jen nang nyi ngya burodi wu tsa nswuo ma̱ a̱kashyi a̱na̱p wu a̱ni, nyi shei a̱khwu A̱tyoli Yesu kya, si̱ nat jen nang gu na mbwuok a̱ bai a̱ni.
Á̱niet Khwi Ya Kyayak A̱di̱dam A̱khwu Yesu di̱n Vak ku Myim a̱ni bah
27Mat a̱nia, konyan wa ya burodi wu, ku a̱ swuo ma̱ a̱kashyi A̱tyoli Yesu wu di̱n vak di̱ ku myim A̱gwaza a̱ni bah, a̱ bwuo a̱bun. A̱ si̱ nyia̱ vam Yesu hu ma̱ng a̱sok nggu na lihyat.#11:27 Lyuut cha̱chaat: “Nyia̱ vam ma̱ng a̱sok Yesu na a̱ka̱tuk nyia̱.” 28Huhwa mbyia̱, ku myim konyan a̱ zop a̱pyia̱ nggu, a̱wot a̱ sii ya burodi wu, a̱wot a̱ bu swuo ma̱ a̱kashyi A̱tyoli Yesu wu. 29Mat konyan wa ya burodi wu ku a̱ swuo ma̱ a̱kashyi a̱na̱p wu, da̱nang gu nwuak vam Yesu#11:29 Ku: “Sot á̱niet khwi A̱tyoli ji.” hu shi bah; a̱tyu a̱wa ya a̱ tsa a̱ nswuo shi̱ri̱ya A̱gwaza ja tazwa a̱pyia̱ nggu. 30Huhwa mbyia̱ nang á̱ghyang á̱niet ma̱ a̱di̱di̱t ma̱ nyin nsang chet na, ba̱ si̱ yet á̱niet nzwán, a̱wot á̱ghyang á̱niet ka̱n kwi.
31A̱wot ka̱ zi̱ zop á̱pyia̱ nzi̱t da̱ a̱lyiat nani, A̱gwaza na nyia̱ nzi̱t shi̱ri̱ya bah. 32A̱wot ka̱ A̱gwaza wa meang nyia̱ nzi̱t shi̱ri̱ya ji, a̱ nyep nzi̱t wa kalak á̱ du faat nzi̱t shi̱ri̱ya ndung ma̱ng swanta hu.
33Mat a̱nia, nyin á̱niet khwi Yesu ba nang n chat a̱ni, ka̱ nyi ni̱ ntung da̱nian ya kyayak a̱di̱dam a̱khwu Yesu hu, nyi ni̱ nfwuong á̱ghyang. 34Ka̱ a̱yin ma̱ nyin fwuong zong ba̱t, gu ya kyayak a̱mali a̱ sii bai; kalak nyi khwat á̱pyia̱ nyin shi̱ri̱ya A̱gwaza di̱n jen nang nyi ntung ndung a̱ni. Tazwa nkyang jhyang ma̱ a̱di̱di̱t, ki̱ n ba̱ mbai, n na tyiet nyin naa.
Currently Selected:
1 A̱korontiyawa 11: TyapNT
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
1 A̱korontiyawa 11
11
1Ku myim nyi khwi kidee swat nung ji, ma̱nang n khwi kidee swat Yesu Kristi ji a̱ni.
Á̱ Tyiet Á̱niet Khwi tazwa Kwok A̱gwaza Ntong
2N chyin nyin, mat nyi bwung nung ma̱ a̱di̱dam nyin wu bah, a̱wot nyi si̱ khwi tyiet nung hu nang n tyiet nyin a̱ni ma̱ cha̱chaat. 3A̱wot kyang nyiung hwa n chat nyi lyen; a̱kwak a̱son kuzang a̱tyok yet Kristi wa, a̱kwak a̱son a̱byii̱k si̱ yet a̱tyok wa,#11:3 Lyuut cha̱chaat: “A̱tyok wa yet a̱pyia̱ a̱byii̱k nggu ka.” Ku: “A̱tyok wa yet a̱tyin a̱byii̱k nggu ka.” Ku: “A̱tyok wa yet a̱tyu a̱ ba̱ng a̱byii̱k nggu wu a̱ni.” a̱wot a̱kwak a̱son Kristi si̱ yet A̱gwaza wa. 4Kuzang a̱tyok a̱ naai A̱gwaza ku a̱ shei a̱lyiat A̱gwaza mami á̱kpa á̱niet ma̱ng bung a̱pyia̱ a̱ni, a̱ jhyuai a̱kwak a̱son#11:4 Lyuut cha̱chaat: “A̱pyia̱.” nggu wu wa a̱wa.
5A̱wot kuzang a̱byii̱k a̱ naai A̱gwaza ku a̱ shei a̱lyiat A̱gwaza mami á̱kpa á̱niet di̱ mi̱ la̱p a̱pyia̱ a̱ni, a̱ jhyuai a̱kwak a̱son#11:5 Lyuut cha̱chaat: “A̱pyia̱.” nggu wu wa, mat ku li ma̱nang á̱ kwat gu kpankuruk ja a̱ni. 6Mat a̱nia, a̱tsak a̱lyiat, ka̱ a̱byii̱k lak la̱p a̱pyia̱, si̱ gu kwat a̱pyia̱ nggu ka kpankuruk! A̱wot nang ku ngyet kyang nsum hwa a̱byii̱k a̱ fak pyia̱ ku a̱ kwat a̱pyia̱ nggu kpankuruk a̱ni. Mat a̱nia, si̱ a̱ la̱p a̱pyia̱ nggu ka ma̱ng fa̱ta̱la.
7Ma a̱nia wa a̱tyok meang, ku myim a̱ kup bung di̱n jen kwok A̱gwaza ntong bah. Mat á̱ nyia̱ a̱tyok mi̱ ghwughwu ma̱ng shi A̱gwaza hwa. A̱wot a̱byii̱k si̱ ma nshei shi a̱tyok hwa. 8Mat, a̱tyok nang A̱gwaza tsa mat mi̱ swanta hu a̱ni. A̱ ku ghwut mi̱ vam a̱byii̱k hwa bah. A̱wot a̱byii̱k wu wa ku ghwut mi̱ vam a̱tyok hu#11:8 Ku: “A̱tyok wu wa yet a̱tyin a̱byii̱k ka.”. 9A̱wot á̱ bu nyia̱ a̱tyok da̱nian a̱byii̱k bah. A̱byii̱k wa nang á̱ nyia̱ da̱nian a̱tyok. 10Mat a̱nia, nang a̱yaata̱m tswá A̱gwaza ba nswan á̱ cham a̱ni, ku yet ta hwa a̱byii̱k a̱ la̱p a̱pyia̱ nggu ka ma̱ng fa̱ta̱la. Ku ka tak nang a̱tyok wa nnyia̱ tyok tazwa a̱byii̱k#11:10 Lyuut cha̱chaat: “Ku myim a̱byii̱k a̱ byia̱ a̱lama tyok tazwa a̱pyia̱ nggu.”.
11A̱mgba̱m ma̱ng a̱nia, mami á̱niet khwi Kristi ba, á̱nyiuk swan á̱pyia̱ mba da̱ ma̱ á̱tyok bah. A̱wot á̱tyok meang, da̱ mba ba̱ swan á̱pyia̱ mba da̱ ma̱ á̱nyiuk bah. 12Ku nang A̱da̱mu wa ngyet a̱tyin A̱wa a̱ni, kuzang a̱tyok, a̱byii̱k wa byin guu. A̱wot kuzang kyang neet da̱ a̱vwuo A̱gwaza kya.
13Nyi zop ma̱ á̱pyia̱ nyin nyi li. Ku myim a̱byii̱k a̱ naai A̱gwaza di̱ mi̱ la̱p a̱pyia̱ a? 14Mami a̱chuchuk, mee ku yet kyang nsum hwa, a̱tyok a̱ ghwon pyia̱ nggu hu junjung di̱ mi̱ kwat a?
15A̱wot a̱byii̱k a̱ byia̱ a̱junjung pyia̱ a̱ni, da̱ a̱vwuo nggu, ku yet kyang tam hwa ma̱ng a̱sai a̱lyia̱. Mat á̱ nyia̱ pyia̱ nggu hu, gu ka nkup a̱pyia̱ nggu kya. 16A̱wot ka̱ a̱yin ma̱ nyin byia̱ fwuang di̱ si̱ huni, nzi̱t zi̱ byia̱ taada jhyang ji swak si̱ jini a̱ni bah, a̱wot ma a̱nia wa á̱kum susot á̱niet khwi A̱gwaza ka.
Gba tazwa ya Kyayak A̱di̱dam A̱khwu Yesu
(Mat 26:26-29; Ma̱r 14:22-25; Luk 22:14-20)
17A̱wot da̱ a̱lyiat n na ndyiat a̱ni, n si̱ mi̱n chyin nyin bah. Mat a̱ka̱tung nyin na yet á̱si̱ beang á̱ghyang bah. Na̱ yet a̱si̱ bi̱ri̱m á̱ghyang nia. 18Mat, di̱n tsa hu, n fa̱k nyia̱ ka̱ nyi tung nang sot á̱niet khwi a̱ni, nyi ni̱ ghai ma̱ng á̱ghyang nyin. A̱wot mami a̱tsatsak a̱lyiat, n nwuak a̱chuchuk a̱nia wa ku ndi. 19A̱wot ku li nang ku yet ta hwa, á̱ shya̱ ghai mami nyin, da̱nian á̱ ka fi̱k á̱niet ba̱ yet á̱si̱ A̱gwaza ma̱ nyin a̱ni!
20Mat a̱nia, jen nang nyi ni̱ ntung ndung a̱ni, mi̱ Ya Kyayak A̱di̱dam A̱khwu Yesu hu hwa nang nyi ni̱ chat ya hu za̱m bah. 21Á̱ghyang á̱niet ma̱ nyin ni̱ ya nkyayak mba na di̱ wuwok#11:21 Wa̱i a̱lyiat: Ya nkyayak mba na di̱ wuwok. Di̱n jen a̱ja, nkyayak nang á̱ ni̱ ya mi̱ njen Ya Kyayak A̱di̱dam A̱khwu Yesu a̱ni, ku yet mi̱ swuo a̱sa̱khwot sum a̱na̱p ma̱ng ya chunchong burodi sang yit wa ma̱nyin hu bah. Kyayak hu ku yet a̱jhyem nkyayak hwa. Ba̱ ku kyiak jen nang ba̱ ya. 1A̱ko 11:25.. Da̱ mba, ba̱ ni̱ nang á̱kum á̱niet ka bah. Nang ku ndi a̱nia a̱ni, á̱ghyang á̱niet ni̱ fwuong zong, nang á̱ghyang á̱niet hyeng. 22Yihwa mbyia̱ nyi nyia̱ a̱nia? Nyi byia̱ a̱ka̱sa nang nyi na ngya tsa nswuo a̱ni baa? Kee nyi chat jhyuai sot á̱niet khwi A̱gwaza jija, a̱wot nyi tyia̱ á̱kunak na nsum a? Mat a̱nia, yihwa nang n na hyia̱ ma̱ng a̱nyin? Nyi fa n chyin nyin wa kee? Kaai, ku ma̱ chunchwiit, n na chyin nyin za̱m di̱ si̱ huni bah!
Si̱sak ji nang á̱ na Ngya Kyayak A̱di̱dam A̱khwu Yesu a̱ni
23Mat n tak nyin tyiet nang A̱tyoli Yesu ma̱ a̱pyia̱ nggu nwuak nung a̱ni. Da̱ a̱tyetuk ka nang á̱ ku ndyap gu a̱ni, a̱ si̱ kyiak burodi sang yit wu, 24a̱wot a̱ si̱ gwai A̱gwaza. A̱jawa gu si̱ kpa̱ra̱m burodi wu di̱ gbi̱ngba̱ra̱m, a̱ si̱ nyia̱, “Burodi wuni yet kidee vam nung ja, nang á̱ nwuak da̱nian nyin a̱ni. Nyi ni̱ ngya burodi wuni, da̱nian nyi ka nyia̱ a̱di̱dam da̱ nung.”
25Ma a̱nia wa, nang ba̱ ntyak ya kyayak#11:25 Wa̱i a̱lyiat: Kyayak. Burodi ma̱ng a̱sa̱khwot a̱na̱p na, yet nkyayak nfeang nia mami a̱jhyem kyayak si̱ A̱yet Ghwut Mman Isi̱rela mi̱ Khwo. 1A̱ko 11:21. hu a̱ni, Yesu si̱ kyiak a̱kashyi a̱sa̱khwot a̱na̱p na, a̱ si̱ nyia̱, “A̱kashyi wuni wa yet kidee a̱li̱ka̱uli a̱fai nang A̱gwaza la̱p ma̱ng á̱niet nggu ba a̱ni, mat a̱sok nung na nang á̱ nwuak na̱ yet zang ji a̱ni. Kuzang jen nang nyi nswuo a̱ni, nyi ni̱ nswuo da̱nian nyi ka nyia̱ a̱di̱dam da̱ nung.”
26Mat kuzang jen nang nyi ngya burodi wu tsa nswuo ma̱ a̱kashyi a̱na̱p wu a̱ni, nyi shei a̱khwu A̱tyoli Yesu kya, si̱ nat jen nang gu na mbwuok a̱ bai a̱ni.
Á̱niet Khwi Ya Kyayak A̱di̱dam A̱khwu Yesu di̱n Vak ku Myim a̱ni bah
27Mat a̱nia, konyan wa ya burodi wu, ku a̱ swuo ma̱ a̱kashyi A̱tyoli Yesu wu di̱n vak di̱ ku myim A̱gwaza a̱ni bah, a̱ bwuo a̱bun. A̱ si̱ nyia̱ vam Yesu hu ma̱ng a̱sok nggu na lihyat.#11:27 Lyuut cha̱chaat: “Nyia̱ vam ma̱ng a̱sok Yesu na a̱ka̱tuk nyia̱.” 28Huhwa mbyia̱, ku myim konyan a̱ zop a̱pyia̱ nggu, a̱wot a̱ sii ya burodi wu, a̱wot a̱ bu swuo ma̱ a̱kashyi A̱tyoli Yesu wu. 29Mat konyan wa ya burodi wu ku a̱ swuo ma̱ a̱kashyi a̱na̱p wu, da̱nang gu nwuak vam Yesu#11:29 Ku: “Sot á̱niet khwi A̱tyoli ji.” hu shi bah; a̱tyu a̱wa ya a̱ tsa a̱ nswuo shi̱ri̱ya A̱gwaza ja tazwa a̱pyia̱ nggu. 30Huhwa mbyia̱ nang á̱ghyang á̱niet ma̱ a̱di̱di̱t ma̱ nyin nsang chet na, ba̱ si̱ yet á̱niet nzwán, a̱wot á̱ghyang á̱niet ka̱n kwi.
31A̱wot ka̱ zi̱ zop á̱pyia̱ nzi̱t da̱ a̱lyiat nani, A̱gwaza na nyia̱ nzi̱t shi̱ri̱ya bah. 32A̱wot ka̱ A̱gwaza wa meang nyia̱ nzi̱t shi̱ri̱ya ji, a̱ nyep nzi̱t wa kalak á̱ du faat nzi̱t shi̱ri̱ya ndung ma̱ng swanta hu.
33Mat a̱nia, nyin á̱niet khwi Yesu ba nang n chat a̱ni, ka̱ nyi ni̱ ntung da̱nian ya kyayak a̱di̱dam a̱khwu Yesu hu, nyi ni̱ nfwuong á̱ghyang. 34Ka̱ a̱yin ma̱ nyin fwuong zong ba̱t, gu ya kyayak a̱mali a̱ sii bai; kalak nyi khwat á̱pyia̱ nyin shi̱ri̱ya A̱gwaza di̱n jen nang nyi ntung ndung a̱ni. Tazwa nkyang jhyang ma̱ a̱di̱di̱t, ki̱ n ba̱ mbai, n na tyiet nyin naa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.