1 A̱korontiyawa 10
10
Tyiet tazwa Khwi Nghwughwu A̱yaagwaza Sang Swuan Isi̱rela
1Nyin á̱niet khwi Yesu ba nang n chat a̱ni, nyi yok bwung bah. A̱yaatyia̱ a̱khwop nzi̱t ba ku chong mi̱ tswa a̱yit gbangbang. A̱mgba̱m ba, A̱gwaza ku tyia̱ ni̱nian hwa si̱ kwak ba a̱son ka. Ba̱ si̱ byia̱k kyai a̱sa̱khwot hu#10:1 Wa̱i a̱lyiat: Kyai a̱sa̱khwot hu. Kyai huni hwa nang á̱ ngyei, A̱shong Kyai A̱sa̱khwot., ma̱ a̱khwot a̱byin.#10:1 Ghw 13:18; 14:1-2. 2Ni̱nian hwa ma̱ng kyai a̱sa̱khwot, ku yet kidee nang á̱ ku nyia̱ mba ba̱ptisman nang á̱niet ba̱ mun á̱pyia̱ ma̱ng Musa ba̱ si̱ khwi nggu a̱ni. 3A̱mgba̱m ba, ba̱ si̱ ya tangka̱i kyayak A̱za̱za̱rak Ntswa nyiung hwa. 4A̱wot a̱mgba̱m ba si̱ swuo tangka̱i a̱sa̱khwot A̱za̱za̱rak Ntswa nyiung wa. A̱wot a̱mgba̱m ba si̱ swuo a̱sa̱khwot na̱ ku neet ma̱ a̱za̱za̱rak a̱fang a̱wa a̱ ku chong ndung ma̱ng a̱mba a̱ni. A̱fang a̱kya ku yet kidee Kristi ja ma̱ a̱pyia̱ nggu.#10:4 Ghw 17:1-7; Fang 20:2-17.
5A̱mgba̱m ma̱ng a̱nia, A̱gwaza si̱ fa̱k nyinyang á̱ghyang á̱niet ma mba bah. A̱ si̱ hyaai mba, a̱ si̱ seang nvam mba na mi̱ tswa a̱yit.
6Nkyang nani na̱ ku shya̱ mba a̱ni, na̱ yet nzi̱t kidee ja. Na̱ si̱ bu gba nzi̱t zi̱ yok shyuo a̱ka̱tuk nkyang, ma̱nang ba̱ ku nnyia̱ shyuo ji a̱ni. 7Nyi yok kwok nghwughwu a̱yaagwaza sang swuan ntong ma̱nang á̱ghyang mba ku nnyia̱ a̱ni bah. Ma̱nang á̱ ndyuut ma̱ A̱lyiat A̱gwaza na a̱ni, nyia̱,
“Á̱niet ba si̱ swan,
ba̱ si̱ ya á̱ ntsa nswuo.
A̱wot ba̱ si̱ doot ba̱ si̱ song
song sang nsum
di̱ dyep a̱yaagwaza sang swuan.”#10:7 Ghw 32:6.
8A̱wot ku yet ta hwa, zi̱ yok tyia̱ á̱pyia̱ nzi̱t ma̱ a̱shi̱shi̱k nyia̱ bah, ma̱nang á̱ghyang á̱niet ma̱ mba ku nnyia̱ a̱ni. Mat a̱ka̱tuk nyia̱ mba wu, á̱niet chyikwop swak nfeang ma̱ a̱tat si̱ kwi a̱tuk a̱nyiung.
9Ma a̱nia wa, zi̱ yok mak A̱gwaza#10:9 Lyuut ghyang mbyia̱: Kristi. bah, ma̱nang á̱ghyang á̱niet ma̱ a̱mba ku nyia̱ a̱ni. A̱ si̱ tyia̱ zwák si̱ tyam mba, ba̱ si̱ kwi.#10:9 Fang 21:5-6; Za̱b 78:18. 10A̱wot zi̱ yok kwop a̱dyii̱ng, ma̱nang á̱ghyang á̱niet ma̱ a̱mba ku nnyia̱ a̱ni bah. A̱wot a̱ta̱m tswa hyaai á̱niet, si̱ hyaai mbaa.#10:10 Fang 16:45. 11Nkyang nani na̱ ku shya̱ mba a̱ni, yet nzi̱t kidee ja. Á̱ si̱ bu lyuut naa da̱nian á̱ ka gba nzi̱t, nzi̱t á̱niet zi̱ shya̱ ma̱ ngaan jen wuni a̱ni.
12Mat a̱nia, ka̱ a̱yin fa a̱ yong mi̱ chet, si̱ a̱ ta̱bam a̱ du ba̱ kwa.#10:12 Wa̱i a̱lyiat: Si̱ a̱ ta̱bam a̱ du ba̱ kwa. Shimba swáng a̱lyiat jini fa, mak ku na ti̱n a̱yin ma̱ a̱di̱dam a̱shi̱shi̱k nyia̱ ma̱ng a̱ka̱tuk nyia̱ a̱ghyang di̱n jen nang á̱ nsong a̱yet a̱yaagwaza sang swuan a̱ni. Ma̱nang A̱yahudawa ba ba̱ ku nyia̱ a̱shi̱shi̱k nyia̱ mi̱ tswa a̱yit ji a̱ni, ma a̱nia wa A̱korontiyawa ba ba̱ ku nyia̱ a̱shi̱shi̱k nyia̱ di̱n jen ba̱ ni̱ ngya kyayak mi̱ tutu nang á̱ ni̱ nneap za̱nang a̱yaagwaza sang swuan a̱ni. 13Mai ku shyat nyin a̱ni, ku vwuon ma̱ng si̱ nang á̱ghyang á̱niet shyat a̱ni bah. A̱wot A̱gwaza yet a̱tsotswat wa. A̱ na ghwon á̱ mak nyin ma̱ng kyang ku swuo chet nyin nyi kwa a̱ni bah. A̱wot di̱ mak a̱hwa hwa, nang gu na nkhwuk nyin vak nang nyi na nghwut a̱ni, da̱nian nyi ka gbang a̱lyia̱ di̱n jen mak ji.
14Mat a̱nia, nyin á̱niet khwi Yesu ba nang n chat a̱ni, nyi tyong, nyi yok kwok nghwughwu a̱yaagwaza sang swuan ntong bah. 15N dyiat ma̱ng a̱nyin nang á̱niet ba̱ byia̱ a̱tsak a̱di̱dam a̱ni. Nyi zop a̱lyiat nung na ma̱ á̱pyia̱ nyin shansham nyi lii, ki̱ na̱ yet a̱tsatsak a̱lyiat wa. 16Di̱n jen ya kyayak a̱di̱dam a̱khwu Yesu ji, nang zi̱ ni̱ ntyia̱ a̱li̱ba̱rka wu ma̱ a̱kashyi da̱ A̱tyii A̱tyoli Yesu wu a̱ni, mee ku yet kidee di̱ mun á̱pyia̱ hwa ma̱ a̱sok Yesu Kristi naa? Ma a̱nia wa, jen ji nang zi̱ ni̱ nkpa̱ra̱m burodi sang yit wu a̱ni, mee ku yet kidee mun á̱pyia̱ nzi̱t ja mi̱ vam Yesu Kristi hu a?
17A̱wot ku nang zi̱ nshi á̱kpa a̱ni, a̱mgba̱m nzi̱t zi̱ ni̱ ya burodi a̱nyiung wa, si̱ a̱hwa tak nang zi̱ ngyet vam nyiung hwa. 18Nyi nwuan á̱niet Isi̱rela ba, nyi lii. N wa ngyei ba̱ ku mun á̱pyia̱ kya ma̱ng A̱gwaza di̱ ya za̱náng ji nang á̱ ku neap A̱gwaza wu da̱ a̱tyii za̱nang wu a̱ni a?#10:18 Li̱v 3:3; 7:15-18.
19Yihwa nang n fa a̱ji? Kyayak nang á̱ neap nghwughwu a̱yaagwaza sang swuan na a̱ni yet a̱tsatsak kyang wa a? Kee nghwughwu a̱yaagwaza ni̱nia yet a̱tsatsak kyang wu? 20Kaai, ku ma̱ chunchwiit! N fa kyayak nang á̱ neap a̱yaagwaza sang swuan a̱ni, ba̱ neap A̱gwaza wa bah. Ba̱ neap á̱ka̱tuk ntswá bya. A̱wot n chat nyi mun á̱pyia̱ ma̱ng á̱ka̱tuk ntswá bah.
21Nyi si̱ mi̱n swuo ma̱ a̱kashyi A̱tyoli Yesu, nyi bu swuo ma̱ á̱si̱ á̱ka̱tuk ntswá bah. Da̱ nyin, nyi si̱ mi̱n ngya kyayak ma̱ a̱tyii A̱tyoli Yesu, nyi bu ya ma̱ si̱ á̱ka̱tuk ntswá bah. 22Zi̱ shwaat A̱gwaza wu gu nyia̱ na̱nvan hwa a? Nyi fa nyi byia̱ chet lan A̱gwaza wu a?
Yok Á̱niet Khwi ba̱ Nwuak A̱gwaza Shi di̱ Kuzang Kyang
23Á̱ nyia̱, “Á̱ shim nung ndyo, n nyia̱ kuzang kyang.” A̱wot nung, n nyia̱ kuzang kyang hwa yet a̱tan da̱ a̱vwuo ang bah. Á̱ nyia̱, “Á̱ shim nung ndyo, n nyia̱ kuzang kyang.” A̱wot n nyia̱ kuzang kyang hwa yet si̱ beang ang bah. 24A̱yin gu yok chat kyang ku na myim nggu wa a̱ni ma̱nyin nggu bah. Da̱ a̱kwonu a̱kya, gu chat kyang ku bu na myim á̱ghyang á̱niet a̱ni.
25Mat a̱nia, ka̱ nyi doot nyi ya kuzang tangka̱i nam nang á̱ lyiai mi̱ tungga a̱ni, nyi yok zop a̱vwuo ka nang nam hu nneet a̱ni bah, kalak a̱di̱dam nfwuo nyin wu na kpaat nyin. 26Mat A̱lyiat A̱gwaza na nyia̱,
“Swanta hu ma̱ng a̱mgba̱m nkyang
na̱ shya̱ ma nhu a̱ni,
yet si̱ A̱gwaza nia.”#10:26 Za̱b 24:1.
27Ka̱ a̱tyu nwai khwi Yesu yei nyin ya kyayak, nyi si̱ shim nyi si̱ nat. Nyi si̱ ya kuzang tangka̱i kyayak nang á̱ ka̱u nyin a̱ni. Nyi yok zop bah, kalak a̱di̱dam fwuo nyin wu na kpaat nyin. 28A̱wot ka̱ a̱yin nyia̱ ma̱ng a̱nyin, “Nam huni, za̱nang ja nang á̱ neap nghwughwu a̱yaagwaza a̱ni.” Nyi yok ya bah, mat nggu a̱tyu a̱ tak ma̱ng a̱nyin a̱ni, kalak a̱di̱dam fwuo nggu wu na kpaat guu.#10:28 Wa̱i a̱lyiat: Kalak a̱di̱dam fwuo nggu wu na kpaat gu. Shimba, ki̱ a̱tyu a̱wa tak nang nam hu neet mi̱ tutu a̱yaagwaza sang swuan hwa, a̱ si̱ ndam nyia̱ a̱tyu khwi na ya bah. Huhwa na mbyia̱ ki̱ a̱tyu khwi ya nam hu, si̱ a̱hwa na tyia̱ gu nwuo a̱fi̱fa mi̱ fwuo nggu hu. 29Shimba ya nam a̱hwa ku na tyia̱ a̱di̱dam fwuo ang a̱ kpaat ang bah. A̱wot ku na tyia̱ nggu a̱tyu a̱nia̱u a̱ tak ma̱ng a̱nwan a̱lyiat nam na a̱ni, a̱di̱dam fwuo nggu wu a̱ kpaat guu.
Di̱ nvak ghyang, yihwa na mbyia̱ a̱fi̱fa fwuo a̱ghyang a̱niet na nvwuong nung shya̱ a̱wat nyia̱ kyang hu nang n dyen ku nwai yet a̱ka̱tuk a̱ni? 30Ki̱ n na gwai A̱gwaza da̱nian kyayak hu nang n gya fwuong nyinyang a̱ni, yihwa na mbyia̱ á̱ mbat nung a̱bun di̱ ya kyayak a̱hwa?
31Mat a̱nia, ku nyi ya ku nyi swuo wa, kuzang kyang nang nyi nyia̱ a̱ni, nyi ni̱ nyia̱ nhu da̱nian nyi ka nwuak A̱gwaza shi. 32Nyi yok yet jat a̱kwa A̱yahudawa ku Nnwap na̱ nwai yet A̱yahudawa a̱ni, ku susot á̱niet khwi A̱gwaza ji bah. 33Nung meang, n ni̱ nkwan n tyia̱ konyan gu fa̱k nyinyang mami kuzang kyang nang n nyia̱ a̱ni. Nung, n ni̱ nyia̱ kyang ku myim nung wa a̱ni ma̱nyin nung bah. N ni̱ nyia̱ á̱ghyang á̱niet nkyang na̱ swak mi̱ yet a̱ni, da̱nian á̱niet ma̱ a̱di̱di̱t ba̱ ka shya̱ san.
Currently Selected:
1 A̱korontiyawa 10: TyapNT
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
1 A̱korontiyawa 10
10
Tyiet tazwa Khwi Nghwughwu A̱yaagwaza Sang Swuan Isi̱rela
1Nyin á̱niet khwi Yesu ba nang n chat a̱ni, nyi yok bwung bah. A̱yaatyia̱ a̱khwop nzi̱t ba ku chong mi̱ tswa a̱yit gbangbang. A̱mgba̱m ba, A̱gwaza ku tyia̱ ni̱nian hwa si̱ kwak ba a̱son ka. Ba̱ si̱ byia̱k kyai a̱sa̱khwot hu#10:1 Wa̱i a̱lyiat: Kyai a̱sa̱khwot hu. Kyai huni hwa nang á̱ ngyei, A̱shong Kyai A̱sa̱khwot., ma̱ a̱khwot a̱byin.#10:1 Ghw 13:18; 14:1-2. 2Ni̱nian hwa ma̱ng kyai a̱sa̱khwot, ku yet kidee nang á̱ ku nyia̱ mba ba̱ptisman nang á̱niet ba̱ mun á̱pyia̱ ma̱ng Musa ba̱ si̱ khwi nggu a̱ni. 3A̱mgba̱m ba, ba̱ si̱ ya tangka̱i kyayak A̱za̱za̱rak Ntswa nyiung hwa. 4A̱wot a̱mgba̱m ba si̱ swuo tangka̱i a̱sa̱khwot A̱za̱za̱rak Ntswa nyiung wa. A̱wot a̱mgba̱m ba si̱ swuo a̱sa̱khwot na̱ ku neet ma̱ a̱za̱za̱rak a̱fang a̱wa a̱ ku chong ndung ma̱ng a̱mba a̱ni. A̱fang a̱kya ku yet kidee Kristi ja ma̱ a̱pyia̱ nggu.#10:4 Ghw 17:1-7; Fang 20:2-17.
5A̱mgba̱m ma̱ng a̱nia, A̱gwaza si̱ fa̱k nyinyang á̱ghyang á̱niet ma mba bah. A̱ si̱ hyaai mba, a̱ si̱ seang nvam mba na mi̱ tswa a̱yit.
6Nkyang nani na̱ ku shya̱ mba a̱ni, na̱ yet nzi̱t kidee ja. Na̱ si̱ bu gba nzi̱t zi̱ yok shyuo a̱ka̱tuk nkyang, ma̱nang ba̱ ku nnyia̱ shyuo ji a̱ni. 7Nyi yok kwok nghwughwu a̱yaagwaza sang swuan ntong ma̱nang á̱ghyang mba ku nnyia̱ a̱ni bah. Ma̱nang á̱ ndyuut ma̱ A̱lyiat A̱gwaza na a̱ni, nyia̱,
“Á̱niet ba si̱ swan,
ba̱ si̱ ya á̱ ntsa nswuo.
A̱wot ba̱ si̱ doot ba̱ si̱ song
song sang nsum
di̱ dyep a̱yaagwaza sang swuan.”#10:7 Ghw 32:6.
8A̱wot ku yet ta hwa, zi̱ yok tyia̱ á̱pyia̱ nzi̱t ma̱ a̱shi̱shi̱k nyia̱ bah, ma̱nang á̱ghyang á̱niet ma̱ mba ku nnyia̱ a̱ni. Mat a̱ka̱tuk nyia̱ mba wu, á̱niet chyikwop swak nfeang ma̱ a̱tat si̱ kwi a̱tuk a̱nyiung.
9Ma a̱nia wa, zi̱ yok mak A̱gwaza#10:9 Lyuut ghyang mbyia̱: Kristi. bah, ma̱nang á̱ghyang á̱niet ma̱ a̱mba ku nyia̱ a̱ni. A̱ si̱ tyia̱ zwák si̱ tyam mba, ba̱ si̱ kwi.#10:9 Fang 21:5-6; Za̱b 78:18. 10A̱wot zi̱ yok kwop a̱dyii̱ng, ma̱nang á̱ghyang á̱niet ma̱ a̱mba ku nnyia̱ a̱ni bah. A̱wot a̱ta̱m tswa hyaai á̱niet, si̱ hyaai mbaa.#10:10 Fang 16:45. 11Nkyang nani na̱ ku shya̱ mba a̱ni, yet nzi̱t kidee ja. Á̱ si̱ bu lyuut naa da̱nian á̱ ka gba nzi̱t, nzi̱t á̱niet zi̱ shya̱ ma̱ ngaan jen wuni a̱ni.
12Mat a̱nia, ka̱ a̱yin fa a̱ yong mi̱ chet, si̱ a̱ ta̱bam a̱ du ba̱ kwa.#10:12 Wa̱i a̱lyiat: Si̱ a̱ ta̱bam a̱ du ba̱ kwa. Shimba swáng a̱lyiat jini fa, mak ku na ti̱n a̱yin ma̱ a̱di̱dam a̱shi̱shi̱k nyia̱ ma̱ng a̱ka̱tuk nyia̱ a̱ghyang di̱n jen nang á̱ nsong a̱yet a̱yaagwaza sang swuan a̱ni. Ma̱nang A̱yahudawa ba ba̱ ku nyia̱ a̱shi̱shi̱k nyia̱ mi̱ tswa a̱yit ji a̱ni, ma a̱nia wa A̱korontiyawa ba ba̱ ku nyia̱ a̱shi̱shi̱k nyia̱ di̱n jen ba̱ ni̱ ngya kyayak mi̱ tutu nang á̱ ni̱ nneap za̱nang a̱yaagwaza sang swuan a̱ni. 13Mai ku shyat nyin a̱ni, ku vwuon ma̱ng si̱ nang á̱ghyang á̱niet shyat a̱ni bah. A̱wot A̱gwaza yet a̱tsotswat wa. A̱ na ghwon á̱ mak nyin ma̱ng kyang ku swuo chet nyin nyi kwa a̱ni bah. A̱wot di̱ mak a̱hwa hwa, nang gu na nkhwuk nyin vak nang nyi na nghwut a̱ni, da̱nian nyi ka gbang a̱lyia̱ di̱n jen mak ji.
14Mat a̱nia, nyin á̱niet khwi Yesu ba nang n chat a̱ni, nyi tyong, nyi yok kwok nghwughwu a̱yaagwaza sang swuan ntong bah. 15N dyiat ma̱ng a̱nyin nang á̱niet ba̱ byia̱ a̱tsak a̱di̱dam a̱ni. Nyi zop a̱lyiat nung na ma̱ á̱pyia̱ nyin shansham nyi lii, ki̱ na̱ yet a̱tsatsak a̱lyiat wa. 16Di̱n jen ya kyayak a̱di̱dam a̱khwu Yesu ji, nang zi̱ ni̱ ntyia̱ a̱li̱ba̱rka wu ma̱ a̱kashyi da̱ A̱tyii A̱tyoli Yesu wu a̱ni, mee ku yet kidee di̱ mun á̱pyia̱ hwa ma̱ a̱sok Yesu Kristi naa? Ma a̱nia wa, jen ji nang zi̱ ni̱ nkpa̱ra̱m burodi sang yit wu a̱ni, mee ku yet kidee mun á̱pyia̱ nzi̱t ja mi̱ vam Yesu Kristi hu a?
17A̱wot ku nang zi̱ nshi á̱kpa a̱ni, a̱mgba̱m nzi̱t zi̱ ni̱ ya burodi a̱nyiung wa, si̱ a̱hwa tak nang zi̱ ngyet vam nyiung hwa. 18Nyi nwuan á̱niet Isi̱rela ba, nyi lii. N wa ngyei ba̱ ku mun á̱pyia̱ kya ma̱ng A̱gwaza di̱ ya za̱náng ji nang á̱ ku neap A̱gwaza wu da̱ a̱tyii za̱nang wu a̱ni a?#10:18 Li̱v 3:3; 7:15-18.
19Yihwa nang n fa a̱ji? Kyayak nang á̱ neap nghwughwu a̱yaagwaza sang swuan na a̱ni yet a̱tsatsak kyang wa a? Kee nghwughwu a̱yaagwaza ni̱nia yet a̱tsatsak kyang wu? 20Kaai, ku ma̱ chunchwiit! N fa kyayak nang á̱ neap a̱yaagwaza sang swuan a̱ni, ba̱ neap A̱gwaza wa bah. Ba̱ neap á̱ka̱tuk ntswá bya. A̱wot n chat nyi mun á̱pyia̱ ma̱ng á̱ka̱tuk ntswá bah.
21Nyi si̱ mi̱n swuo ma̱ a̱kashyi A̱tyoli Yesu, nyi bu swuo ma̱ á̱si̱ á̱ka̱tuk ntswá bah. Da̱ nyin, nyi si̱ mi̱n ngya kyayak ma̱ a̱tyii A̱tyoli Yesu, nyi bu ya ma̱ si̱ á̱ka̱tuk ntswá bah. 22Zi̱ shwaat A̱gwaza wu gu nyia̱ na̱nvan hwa a? Nyi fa nyi byia̱ chet lan A̱gwaza wu a?
Yok Á̱niet Khwi ba̱ Nwuak A̱gwaza Shi di̱ Kuzang Kyang
23Á̱ nyia̱, “Á̱ shim nung ndyo, n nyia̱ kuzang kyang.” A̱wot nung, n nyia̱ kuzang kyang hwa yet a̱tan da̱ a̱vwuo ang bah. Á̱ nyia̱, “Á̱ shim nung ndyo, n nyia̱ kuzang kyang.” A̱wot n nyia̱ kuzang kyang hwa yet si̱ beang ang bah. 24A̱yin gu yok chat kyang ku na myim nggu wa a̱ni ma̱nyin nggu bah. Da̱ a̱kwonu a̱kya, gu chat kyang ku bu na myim á̱ghyang á̱niet a̱ni.
25Mat a̱nia, ka̱ nyi doot nyi ya kuzang tangka̱i nam nang á̱ lyiai mi̱ tungga a̱ni, nyi yok zop a̱vwuo ka nang nam hu nneet a̱ni bah, kalak a̱di̱dam nfwuo nyin wu na kpaat nyin. 26Mat A̱lyiat A̱gwaza na nyia̱,
“Swanta hu ma̱ng a̱mgba̱m nkyang
na̱ shya̱ ma nhu a̱ni,
yet si̱ A̱gwaza nia.”#10:26 Za̱b 24:1.
27Ka̱ a̱tyu nwai khwi Yesu yei nyin ya kyayak, nyi si̱ shim nyi si̱ nat. Nyi si̱ ya kuzang tangka̱i kyayak nang á̱ ka̱u nyin a̱ni. Nyi yok zop bah, kalak a̱di̱dam fwuo nyin wu na kpaat nyin. 28A̱wot ka̱ a̱yin nyia̱ ma̱ng a̱nyin, “Nam huni, za̱nang ja nang á̱ neap nghwughwu a̱yaagwaza a̱ni.” Nyi yok ya bah, mat nggu a̱tyu a̱ tak ma̱ng a̱nyin a̱ni, kalak a̱di̱dam fwuo nggu wu na kpaat guu.#10:28 Wa̱i a̱lyiat: Kalak a̱di̱dam fwuo nggu wu na kpaat gu. Shimba, ki̱ a̱tyu a̱wa tak nang nam hu neet mi̱ tutu a̱yaagwaza sang swuan hwa, a̱ si̱ ndam nyia̱ a̱tyu khwi na ya bah. Huhwa na mbyia̱ ki̱ a̱tyu khwi ya nam hu, si̱ a̱hwa na tyia̱ gu nwuo a̱fi̱fa mi̱ fwuo nggu hu. 29Shimba ya nam a̱hwa ku na tyia̱ a̱di̱dam fwuo ang a̱ kpaat ang bah. A̱wot ku na tyia̱ nggu a̱tyu a̱nia̱u a̱ tak ma̱ng a̱nwan a̱lyiat nam na a̱ni, a̱di̱dam fwuo nggu wu a̱ kpaat guu.
Di̱ nvak ghyang, yihwa na mbyia̱ a̱fi̱fa fwuo a̱ghyang a̱niet na nvwuong nung shya̱ a̱wat nyia̱ kyang hu nang n dyen ku nwai yet a̱ka̱tuk a̱ni? 30Ki̱ n na gwai A̱gwaza da̱nian kyayak hu nang n gya fwuong nyinyang a̱ni, yihwa na mbyia̱ á̱ mbat nung a̱bun di̱ ya kyayak a̱hwa?
31Mat a̱nia, ku nyi ya ku nyi swuo wa, kuzang kyang nang nyi nyia̱ a̱ni, nyi ni̱ nyia̱ nhu da̱nian nyi ka nwuak A̱gwaza shi. 32Nyi yok yet jat a̱kwa A̱yahudawa ku Nnwap na̱ nwai yet A̱yahudawa a̱ni, ku susot á̱niet khwi A̱gwaza ji bah. 33Nung meang, n ni̱ nkwan n tyia̱ konyan gu fa̱k nyinyang mami kuzang kyang nang n nyia̱ a̱ni. Nung, n ni̱ nyia̱ kyang ku myim nung wa a̱ni ma̱nyin nung bah. N ni̱ nyia̱ á̱ghyang á̱niet nkyang na̱ swak mi̱ yet a̱ni, da̱nian á̱niet ma̱ a̱di̱di̱t ba̱ ka shya̱ san.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.