Malákí 4
4
1Kyúṉki dekho, wuh din átá hai, jo bhaṭṭí ki mánind sozán hogá; tab sab mag̣rúr aur badkirdár bhúse ki mánind hoṉge; aur wuh din un ko aisá jaláegá, ki sháḳh o bun kuchh na chhoṛegá, Rabb u’l afwáj farmátá hai. 2Lekin tum par, jo mere nám kí ta‘zím karte ho, áftáb i sadáqat táli‘ hogá, aur us kí kirnoṉ meṉ shifá hogí; aur tum gáoḳháne ke bachhṛoṉ ki tarah kúdo pháṉdoge. 3Aur tum sharíroṉ ko páemál karoge; kyúṉki us roz wuh tumháre páṉwoṉ tale ká rákh hoṉge, Rabb u’l afwáj farmátá hai.
4Tum mere bande Músá ki sharí‘at, ya‘ní un faráiz o ahkám ko, jo maiṉ ne Horib par tamám baní Isráíl ke liye farmáe, yád rakkho. 5Dekho, Ḳhudáwand ke buzurg aur haulnák din ke áne se peshtar maiṉ Íliyáh nabí ko tumháre pás bhejúṉgá. 6Aur wuh báp ká dil beṭe kí taraf, aur beṭe ká báp ki taraf máil karegá; mabádá maiṉ áúṉ, aur zamín ko mal‘ún karúṉ.
Currently Selected:
Malákí 4: URDR55
Highlight
Share
Copy
Want to have your highlights saved across all your devices? Sign up or sign in
British and Foreign Bible Society 1955, 2016
Learn more about Kitáb i Muqaddas 1955 (Tauret, Zabúr, Ambiyá ke Sahífa, aur Injíl)