Mika 2
2
Verop over dei mektige
1Ve dei som tenkjer ut urett
og emnar på vondt
medan dei ligg på si lege!
Dei set det i verk ¬når det ljosnar av dag,
fordi det står i deira makt. #Sal 36,5
2Dei trår etter marker ¬og røvar dei,
etter hus og tek dei.
Dei slår under seg mann ¬og hus,
bonden og hans eigedom. #2 Mos 20,15.17; 1 Kong 21; Jes 5,8
3Difor seier Herren:
Eg tenkjer ut ei ulukke ¬mot denne ætta,
den kan de aldri fria dykk frå.
De skal ikkje lenger ¬gå stolte ikring,
for det vert ei vond tid. #Am 5,13
4Den dagen skal dei syngja ¬ei nidvise
og setja i med ein klagesong ¬over dykk.
«Det er ute med oss,» ¬skal dei seia,
«vi er herja og øydelagde!
Jorda åt folket mitt ¬skifter eigar.
Å, han har teke markene frå oss
og delt dei ut til fråfalne!»
5Då skal det ikkje finnast nokon ¬i Herrens lyd
som kastar lodd
og deler ut jord til andre. #Sal 16,5f
6«Hald opp med å preika!» ¬seier dei.
«Ingen må preika så.
Tek skjellsorda aldri slutt?» #Jes 30,10; Am 7,16
7Korleis er det du talar, ¬Jakobs hus?
Har Herren mist tolmodet?
Er det så han fer fram?
Har eg ikkje venlege ord
til dei som ferdast rett?
8Lenge har folket mitt ¬bore seg fiendsleg åt.
De dreg kappa ¬av fredelege folk;
dei som ferdast trygt, ¬vert krigsfangar.
9De driv kvinnene ¬i folket mitt bort
frå heimane dei var glade i.
De har for alle tider
teke mi ære frå borna deira. #2 Mos 22,25ff
10Stå opp og far bort herifrå!
Dette er ingen kvilestad,
for her er ureinskap
som valdar skade og tyning.
11Kom det ein mann ¬som fór med laust snakk
og tala lygn og svik:
«Eg spår for deg om vin ¬og drikk»,
sjå, det var ein profet ¬for dette folket! #Esek 13,3ff
Herren vil samla Israels rest
12Eg vil samla dykk alle, Jakob.
Eg vil samla Israels rest,
føra dei saman ¬som sauer i ei kve,
som ein bøling på beite,
– ein ståkande flokk ¬av menneske. #Jes 11,12; 40,11; Jer 23,3f; 29,14; 31,8; Esek 34,1ff; 37,21
13Han som brøyter veg, ¬går føre dei;
dei bryt seg gjennom porten ¬og fer ut.
Kongen deira går føre dei,
Herren sjølv ¬går i brodden for dei.
Currently Selected:
Mika 2: N78NN
Highlight
Share
Copy
Want to have your highlights saved across all your devices? Sign up or sign in
© 1978, 1985 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 1978, 1985 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).