तीतुस 3

मसीही चाल-चलण

1लोगां नै याद दिला की राजाओ अर अधिकारियों रै अधीन रैवै, अर उणौरी आग्या मांनै, अर हरैक चौखै कांम रै खातर तैयार रैणौ। 2किणी नै बदनाम नीं करै, झगड़ालू नीं हो, पण कोमल स्वभाव रौ हो, अर सगळै मिनखौ रै साथै नरमाई रै साथै रैवै। 3क्यूंकै म्हौ ई पैला नासमझ, अर आग्या नीं मानणै वाळा, अर भटकयोड़ा अर हरैक तरैह री अभिलासाओं अर सुख-विलास री गुलामी में हा, अर बैरभाव, अर जळण करणै में जीवन बिताता हा, अर नफरत रै लायक हा, अर एक-दूजै ऊं बैर राखता हा। 4पण जद म्हौरै उद्धारकर्ता परमेसर री करपा अर परैम मिनखौ माथै परगट होयौ, 5तो उणै म्हौरौ उद्धार कियो। अर ओ धरम रै कांमां रै कारण नीं, जिकौ म्हौ आप करया, पण अपणी दया रै अनुसार नवो जनम रौ स्‍नान अर पवितर आतमा रै नवो बणाणै रै दवारा होयौ। 6परमेसर म्हारै उद्धारकर्ता यीसु मसीह रै जरियै म्हौ माथै पवितर आतमा घणौहारौ उंडेलियो, 7जिणसूं म्हौ उणरै अनुग्रह ऊं परमेसर रै सांम्ही नेक ठैरया, अनत जीवन री आसा रै अनुसार वारिस बण्या। 8आ बात साची है, अर म्हैं चावूं हूं, की थूं इण बातां रै बारै में हीमत ऊं बोले इण खातर की जिणौ नै परमेसर माथै विसवास करयौ है, वे भलै-भलै कांमां में लागयोड़ा रैणै रौ ध्यांन राखै। ऐ बातां भली अर मिनखौ रै फायदे री है। 9पण गेलो रै विवादों, पीढ़ियो रै बारै में वाद-विवाद, कायदे रै बारै में विरोध अर झगड़ौ ऊं बचयो रै, क्यूंकै उणमे कोई फायदो नीं फालतू है। 10किणी बिगाड़ नै वाळै नै एक दो बार समझा-बुझानै उण ऊं अलग रै, 11ओ जांणनै की ऐड़ा मिनख भटक गिया है, अर पाप करतौ अपणै आप नै दोसी ठैरावै है।

आखरी सिकसा

12 # प्रेरि 20:4; इफि 6:21,22; कुलु 4:7,8; 2 तीमु 4:12 जद म्हैं थारै खनै अरतियास या तुखिकुस नै भेजूं तो म्हारै खनै निकुपुलिस नगर आवण री कोसीस करणी, क्यूंकै म्हैं उठीज सियाळौ बिताणै रौ विचार कियो है। 13#प्रेरि 18:24; 1 कुरि 16:12जेनास वकील अर अपुल्लोस नै कोसीस करनै आगै पूगा दे, अर देख की उणौनै किणी चीज री कमी नीं होवै। 14अपांरै लोगां रै चौखै कांमां में लागौड़ा रैणौ सीखो, ताकी रोज री जरुते पूरी हो अर वे निकमा नीं रैवै।

15म्हारै सगळै साथियो रौ थनै नमस्कार। जिकौ विसवास रै खातर म्हौ ऊं परैम राखै है, उणौ नै भी नमस्कार।

थांरै सगळौ माथै अनुग्रह होतो रैवै।

Zur Zeit ausgewählt:

तीतुस 3: RWR

Markierung

Kopieren

Vergleichen

Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.

Mehr über die Marwari erfahren

तीतुस 3

Beliebte Verse in
तीतुस 3

Höre तीतुस 3

Bibel:

Marwari

Übersetzung: Marwari - RWR