पण जद म्हौरै उद्धारकर्ता परमेसर री करपा अर परैम मिनखौ माथै परगट होयौ, तो उणै म्हौरौ उद्धार कियो। अर ओ धरम रै कांमां रै कारण नीं, जिकौ म्हौ आप करया, पण अपणी दया रै अनुसार नवो जनम रौ स्नान अर पवितर आतमा रै नवो बणाणै रै दवारा होयौ। परमेसर म्हारै उद्धारकर्ता यीसु मसीह रै जरियै म्हौ माथै पवितर आतमा घणौहारौ उंडेलियो, जिणसूं म्हौ उणरै अनुग्रह ऊं परमेसर रै सांम्ही नेक ठैरया, अनत जीवन री आसा रै अनुसार वारिस बण्या।
